Allaffimmioq/kontorfuldmægtig
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Aallaffimmiumik (Kontorfuldmægtigi)
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik Pisortat Allattoqarfianni sulisussamik kalaallisut danskisullu oqaaseqartumik. Pisortat Allattoqarfianniipput suleqatigiit tamatigoortut 5-iusut suleqatigiinnermi tapersersueqatigiinnermi suliassamut piginnaaneqarluartut.
Naalakkersuisoqarfiup ilinniartitaanermut, kultureqarnermut, timersornermut ilageeqarnermullu tunngatillugu pingaarnertigut periusissiorluni pilersaarusiorneq isumagisarpaa. Suliassat suliaqarfinnut arlalinnut siammaassimapput, taamaammallu naalakkersuisoqarfik naalakkersuisoqarfinnut allanut, suliffeqarfinnut naalakkersuisoqarfiup ataaniittunut, kattuffinnut, ilinniarfinnut il.il. attaveqartuarpoq.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik assigiinngitsorpassuarnik suliaqarfiuvoq, persuarsiorfiunngitsumik ammasumillu sulinermi avatangiiseqarfiulluni, suliaminnullu tunniusimasunik sulisoqarluni. Suleqatigiit 40-it missaanniippugut, suliamut tunngatillugu qaffasissumik ingerlatsinissamik inooqatigiinnikkullu avatangiiserissaarnissamik pingaartitsisut.
Makku neqeroorutigisinnaavagut:
Suliffik nammineersinnaanermik aalajangiisinnaanermillu pingaartitsisoq
Immikkoortortaqarfimmi suliaminnut tunniusimalluartunik suleqateqarfiusumi sulinissaq
Suliffik ammasumik pissuseqarfiusoq, sulisullu ataasiakkaat piginnaasaannik ataqqinniffiusoq
Siunissami suliassatit makkuussapput:
Inatsisartunut Naalakkersuisunullu ingerlateqqitassanik ataqatigiissaarisoq.
Nutsigassalerisoq
Nutsikkanik kukkunersiuineq
Nutsigassanik annikitsunik nutserisarneq.
Suleqatigiinnut paasissutissanik/nalunaarsuisarnermullu ataqatigiissaarisoq.
Allakkanik tigooraavimmut nakkutilliineq.
Ima piginnaaneqarnissat kissaatigaarput:
Ilinniartitsinerup kulturimullu tunngasut iluanni oqaatsinik atorneqartartunik ilisimasaqarneq
Nammineersinnaaneq, inerisaanissamut sammisuuneq anguniakkanullu sammisuuneq
Ataqatigiissaarinermik piginnaasaqarneq – aamma ulapaartoqartillugu
Ajornanngippat suliffimmit politikkikkut aqutaasumit misilittagaqarneq
Akissarsiat atorfininnermilu atugassarititat
Akissarsiat atorfininnermilu atugassarititat, tamatumunnga ilanngullugit atorfininnermi soraarnermilu akiliunneqarluni angalasinnaatitaanerit, pisattallu nuunnerinik akiliunneqarneq pissapput, atorfininnerup nalaani Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutit atuuttut naapertorlugit.
Ineqarneq
Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfimminut atatillugu ineqareerpat, atorfimmut atatillugu inissamik innersuunneqarsinnaatitaaneq attatiinnarneqassaaq. Atorfimmut atatillugu inigisaq atorfeqarnermut atavoq, atorfiullu taamaatinnerani qimanneqassalluni.
Ulloq atorfiniffissaq tassaavoq 1. september 2024 imaluunniit isumaqatigiissuteqarnikkut. Qinnuteqartut ataavartumik nalilersoqartassapput.
Paasissutissanik annertunerusunik pisariaqartitsiguit Specialkonsulent Kaj L Heilmann saaffigisinnaavat, tlf. (+299) 34 57 54, e-mail: Kahe@nanoq.gl
Ulloq qinnuteqarfissaq kingulleq 05. Juli 2024
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job