Nukissiorfiit Qeqertarsuup Tunuani/Qeqertalimmi imeqarfimmut formandissarsiorpoq - illiua suleqatissarput?

Nukissiorfiit tassaapput suliffeqarfik nukissiamik pilersuisoq formanditullu Aasianni ulluinnarni imeqarfimmi imermik pilersuinermi siaruarterinermillu pilersuinermi suliassat isumagissavatit.

Akisussaaffivit iluani pitsanngorsaanissamut ineriartortitsinissamullu siunnersuusioqataasassaatit. Tamatumunngalu ilutigitillugu Aasianni sulisut aqutsisuuffiginissaat akisussaaffimmut ilaavoq.

Suliassat pingaarnerit peqqussutit, malitassiat ilitsersuutillu atuuttut tunngavigalugit allaffissornermi aqutsinermilu suliniutigineqartussat ilanngullugit aamma suliarineqassapput.

Formandip aamma akisussaaffigaa suliffeqarfimmi suleriutsit ineriartortittuarnissaat malinneqarnissaallu pingaartumillu inatsisit atuuttut sutigut tamatigut eqquutsinneqarnissaat.

Akisussaaffiit:

·Isumannaallisaanerup iluani oqartussaniillu erngup pitsaassusissaanut piumasaqaatit.

·Imeqarfimmi sulisut teknikkikkut atortunik sakkunillu atorneqartussanik ilinniartitsineq.

·Sulisut nutaat vagteqartalinnginnerini ilinniartitseqataaneq.

·Nukissiorfiup inuiaqatigiinni akisussaaqataanermini anguniagaasa eqquutsinnissaannut ineriartortinnissaannullu suleqataaneq.

·Kallerup inneranik siammarterinermut imeqarfimmilu teamlederip suliakkiissutai naapertorlugit suliassanik takkussuuttunik suliaqarneq.

Piginnaasassat:

• Naleqquttumik ilinniarsimassasutit.
• Nammineerlutit suleqatigiittullu sulisinnaassasutit.
• Pilersitaqallaqqitsuusutit suliniuteqallaqqissuullutillu, aporfissat pinnagit periarfissanik takunnissinnaasutit.
• Kalaallisut danskisullu allattariarsornikkut oqaatsitigullu piginnaasaqartutit.
• Qarasaasiamik atuisinnaasutit.

·Biilersinnaanermut nalinngiinnaasumik allagartaqartutit.

Neqeroorutigaavut:

Suliffik soqutiginartoq tunniusimasunik sulisoqartoq. Nukissiorfiit tassaavoq suliffeqarfik uummaariffiusoq sulianullu pikkoriffiginniffiusoq, sungiussiaffiusoq, qiimmisaarfiusoq assullu tunniusimaffiginnilliuni suliffiusoq.

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu atorfinitsitsineq pissaaq.

Malittarisassat atuuttut malillugit inissaqartitsisoqarsinnaavoq. Qinnuteqartutut Namminersorlutik Oqartussani atorfeqarninni sulisunut inissiamik innersuussivigineqarsimaguit sulisunut inissiamik innersuussivigineqarsinnaanerit attatiinnarsinnaavat.

Isumaqatigiissuteqarnikkut atorfinittoqarsinnaavoq.

Sukumiinerusumik paasisaqarusuppit?

Atorfik pillugu paasissutissat sukumiinerusut pissarsiarineqarsinnaavitit Distriktschefiugallattoq Ovenguaq Lyberth attavigalugu oqarasuaammut +299 894847, e-mail: ol@nukissiorfiit.gl. Allanut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: HR@nukissiorfiit.gl imaluunniit +299 349500.

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuaannartitsineq tunngavigalugu aaqqiinissat atuisartutsinnut iluaqutaasussat anguniarpavut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400-t tamarmik pitsaasunik atugaqarnissaanik pilersitsineq iluatsilluarparput. Uagutsinnut tunngatillugu annertunerusumik atuarit uani www.nukissiorfiit.gl



 

 

Qinnuteqarnissamut killissarititaasoq: decembarip 22.-at, 2022

ATORFIK UNA QINNUTEQARFIGIUK