Gå til hovedindhold
135

Dette jobopslag er udløbet

Oqaasileriffimmi pisortatut atorfik

Oqaasileriffimmi Nuummiittumi pisortatut atorfik inuttassarsiorneqarpoq kingusinnerpaamik 1. juli 2021 isumaqatigiissuteqarnikkulluunniit sulilersussamik.

Oqaasileriffik ilinniagartuutut AC-tut atorfilinnik arfineq-marlunnik, ilinniaatigaluni atorfilinnik aammalu allaneersunik atorfeqartitaqarpoq.

Pisortap suliffeqarfimmi akisussaaffigai suliat aningaasaqarnermillu aqutsineq, taannaavoq Kultureqarnermut Naalakkersuisoqarfimmut attaveqartitsisuusoq. Oqaasileriffiup sulianerani inatsisitigut tunuliaqutaapput Oqaasiliortut pillugit inatsit aamma Nunat Aqqinik Aalajangiisartut pillugit inatsit.  

Oqaasileriffiup suliassarai:

  • Oqaasiliortunut Nunat Aqqinik Aalajangiisartunullu allattoqarfittut kiffartuussineq
  • Oqaaserpassualerissutinik (qarasaasiaq atorlugu oqaasilerissutinik) ineriarortitsineq
  • Tusagassiorfinnik kalaallisut oqaatsit pillugit kiffartuussineq siunnersuinerlu
  • Allagaatinik katersuivimmik ineriartortitseqqinneq ataavartitsinerlu
  • Taaguutaasivimmik ataavartitsineq (oqaatsinik/taaguutinik oqariartaatsinillu akuerisanik katersuivik)
  • Katersanik ataavartitsineq (oqaatsinik/taaguutinik oqariartaatsinillu akuerisanik akuerisaanngitsunillu katersuivik)
  • Oqaatsit kalaallit tamarmik atugassaat pillugit suliffeqarfiit inuillu siunnersortassallugit.
  • Kalaallit oqaasiisa ilisimaneqarnerunissaat suliniaqataaffigissallugu.
  • Kalaallit Nunaata nunani tamalaani oqaatsit pillugit apeqqutini aalajangiisartunut ataatsimiitsitalianullu peqataanerata annertusiartomeranut sulianik ingerlatsineq.
  • Suliaqarfiit taaguusersuuserinermut, ordboginik aaqqissuussinermut, oqaaserpassualerinermut atsersuisarnermullu tunngasut ilisimasaqarfigissallugit.
  • Nunatsinni suliffeqarfiit susassaqartut peqatigalugit allamiutut oqaaseqarnermik suliassat peqataaffigissallugit, soorlu kalaallit oqaasiisa allamiut oqaasiisut aamma danskit oqaasiisa allamiut oqaasiisut.


Piginnaasassat:

  • Oqaatsit pillugit ilisimatusaatinik naammassisamik ilinniarsimanissaq (mag.art., cand.mag., cand.phil. assigisaannilluunniit naleqquttumik ilisimatusarnermut attuumassutilimmik ilinniagaqarsimaneq).
  • Kalaallisut, danskisut, Inuit oqaasiinik qaffasissumik piginnaasat aamma Avannaamioqatigiit tuluillu oqaasiinik piginnaassuseqarneq.
  • Oqaasileriffimmi suliat tungaasigut piginnaasaqarnissaq, taamaasilluni Oqaasileriffimmi suliat ilaannik erngerluni tigusisinnaassalluni.


Pisortatut piginnaasat:

  • Ataatsimiititat/aalajangiisartut inatsisinik tunngaveqartumik pilersitat siammasissumik avammut suleqateqartarnerat tunngavigalugu aamma Oqaasileriffmmi sulisut akornanni piginnaasat tunngavigalugit suleqatigiinnissinnaanissaq.
  • Suliaqarfinni assigiinngitsuni assigiinngitsumik qaffasissusilimmik suleqatigiissuteqarsinnaaneq
  • Pisortatut sulinermik suliallu ingerlannerinik misilittagaqarneq,
  • Pitsaasumik attaveqatigiissinnaanermik piginnaasaqarneq.


Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

1. april 2021 LR 38-mi akissarsiat imak isumaqagitiissutigineqarnikuupput qaamammut  Kr. 56.370 ukiumullu Kr. 676.441 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut Naalakkersuisoqarfiup pisortaanit Karsten Peter Jensenimit  pissarsiarineqarsinnaapput, oqarasuaat 34 56 83.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut. 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk