Gå til hovedindhold
75

Dette jobopslag er udløbet

Tasiilami Akuleriinnik Meeqqerivik Pingajeqqad pisortassarsiorpoq / Atorfiup nr. 288/20

Akuleriinnik meeqqerivik Pingajeqqad, meeqqanut 88-inut - meeqqerivimmi marlunnut  initaqartumi meeqqanut 40-inut meeraaqqerivimmilu sisamanik  initaqartumi meeqqanut 48-inut inissaqartitsivoq.  Sulisut 22-nut amerlassusiligaapput. 
Meeqqeriviit ammasarput  ulluinnarni ataasinngorneq – tallimanngorneq ilanngullugu nal. 7.00-imit 17.00-mut

Atuuffiit aqutsisutut atorfimmut attuumassutillit:
Aqutsisoq tassaavoq tullersortimut immikkoortortamilu aqutsisumut siunnersortaasoq perorsaaneq aqqutigalugu suliaqarnermi siunnerfinnik pingaarnernik, anguniakkanik kiisalu malitassanik ulluinnarni malitsitsisoqarnissaannik peqatigiillutik suliaqartussat. Aqutsisoq tassaassaaq suliassatigut kiisalu sulisutigut meeqqerivimmi sulisunut qaninnertut aqutsisutut inissisimasussaq. Taassuma saniatigut meeqqeriviup aningaasaqarneranut ingerlatsinermullu aningaasartuutaanut innersuussisussaatitaavoq akisussaaffigalugillu.   

Naatsorsuutigaarput illit:

  • Perorsaasutut ilinniagaqarsimasutit, assingusumilluunniit
  • Suliatigut meeqqanut ukioqanngitsuniit – arfinilinnik ukiulinnut sulineq arajutsisimasaqanngitsuunikkut misilittagaqarfigereeritit, sulisunittaaq ilitsersuinermik siunnersuisinaassusilik
  • Meeqqanut, sulisunut angajoqqaanullu akuersaarittumik naaperiaasinnaasutit
  • Meeqqanut ataasiakkaanut perorsaanikkut sullissineq pillugu nassuiaasiorsinnaallutillu uppernarsaasiorsinnaasutit
  • Meeraq qitiutillugu  angajoqqaanik suleqateqarnermik pingaartitsilluinnaqataassasutit
  • Suleqatikkuminarlutit suliatigullu piginnaasaqarluarlutit.
  • Meeqqerivimmi perorsaanikkut ineriartortitseqataassasutit tamatumanilu suleqatigiligassat peqataatissinnaassagitit
  • Aqutsinermik misilittagaqareersutit
  • Allaffissornikkut, aningaasanillu qarasaasiami atuinikkut aqutsinermik misilittaqareersutit

Neqeroorutigaagut:

  • Aqutilluarnikkut pisortaq,  tullersorti & periarfissaqarput pilersissallugit sulisoqatigiit akulerulluarsimasut, tunniulluarsimasullu perorsaanermullu tunngasut ineriartortinnissaat anguniaraat, attaveqaqatigiinneq suleqatigiinnerlu piginnaaneqarfiusut pingaartinneqartut.
  • Aqutsilluarnikkut pisortaq , tullersorti & immikkoortortami aqutsisoq periarfissaqarput pilersissallugu suliffimmi atugassarititaasut pitsaasut, attaveqatigiinneq pitsaasoq pingaartuutinneqarluni meeqqat inersimasullu naligiittut immersueqataaffiat.
  • Perorsaariaatsinik aqutseriaatsinillu ineriartortitsinermi unamminartumik sulineq.

Meeqqerivinnut Immikkoortortaq meeqqerivinnut aqutsisoqatigiinnullu naleqqussakkanik pikkorissarnernik ingerlaavartumik neqerooruteqartarpoq.

Paasissutissanik annertunerusunik pisariaqartsitinermi saaffigineqassaaq    pisortaq Naussunguaq Lyberth , oqarasuaat: 36 73 24, e-mail: naly@sermersooq.gl

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat Sulinermik Inuussutissarsiuteqartut Kattuffiat - NPK-llu isumaqatigiissutaat Imaluunniit allamik naleqquttoq atuuttuusoq Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata atorfiup normua 288/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 25. juni 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Fagchef Naussunnguaq Lyberth
Telefon: +299 367324
Nittartagaq: http://www.sermersooq.gl
Qinnuteqaat nassiutiguk