Gå til hovedindhold
120

Dette jobopslag er udløbet

Sisimiuni Utoqqaat Angerlarsimaffiat QUPANUK immikkoortortami aqutsisumik pissarsiorpoq

Immikkoortortami aqutsisutut sulerusuppit, utoqqarnillu sullissinissat nuannaraajuk, kiisalu namminersorlutit sulisinnaallutit?
Sisimiuni Utoqqaat angerlarsimaffiat immikkoortortanut marlunnut agguataagaavoq: Paaqqutarinniffik puigortunngorsimasunullu immikkoortortaq, immikkoortortallu taakkua marluk tamarmik immikkut immikkoortortami aqutsisumit aqunneqarput:
- Paaqqutarinniffik najugaqartunut 22-nut inissaqartitsivoq ataaserlu qasuersaarfiulluni.
- Puigortunngorsimasunut immikkoortortaq najugaqartunut 20-nut inissaqartitsivoq.
Immikkoortortami aqutsisutut ineriartornissamut periarfissat pissanganartut
Maanna pilersaarusiorneq suliarineqaleruttorpoq, atugarissaarneq pillugu misissuinerup annertuup kingorna suleqatigiissitanik pilersitsisoqarnissaanut, tassani suleqatigiissitat suliassatut ukkatarisassaminnik aalajangersimasumik toqqaasinnaallutik, taamatuttaaq suliffimmi atugassarititaasut suleriutsillu misissornerisigut, suliffiup sulinngitsoortarneq minnerulersinniarlugu maanna ilungersorluni sulissutigaa, taamaalillutit illit ingerlaatsinut taakkununnga anguniagassanik oqaasinnguisinnaasariaqarputit.

Qinnuteqarfissaq kingulleq:

10. september 2019

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

1. Oktober 2019 isumaqatigiissuteqarnikkulluunniit

Akissarsiat:

Isumaqatigiissutit malillugit

Illit ilaatigut makku suliarisassavatit: 

  • Najugaqartussat nutaat tikilluaqqussallugit, qanigisaasut suleqatigalugit.
  • Najugallit ilaqutaasalu akornanni ilisimatitsisarneq attaveqaataanerlu.
  • Allaffissornikkut sulinermilu suliassanut akisussaaneq, aqutsisoqarnermi ilaatigut sulisoqarnermut akisussaaneq kiisalu missingersuutinut akisussaaneq
  • Paaqqutaqarneq isumassuinerlu, utoqqarnut suliassaqarfimmi siunertarineqartut, anguniakkat malittarisassallu suliarineqarsimasut qulakkeereqataaffiginissaat.
  • Oqaloqatigiinnikkut toqqissisimanermik tatigeqatigiinnermillu pilersitsineq.
  • Najugaqartup pisinnaasai nukittorsaavigissallugit, ataqqinnittumik suleriaaseqarlutit
  • Utoqqarnik isumassuinerup iluani ingerlanneqartut naapertorlugit peqataanikkut ineriartortitseqataaffiginissai.
  • Ukuninnga suliaqarneq: Pigaartunut pilersaarutit, sulinngiffeqarnissamut pilersaarusiorneq, ukiumut pilersaarut.
  • Suleqatitaanik ilinniartunillu ilisarititsineq
  • Nakorsiartitsineq nakorsaq utoqqaat angerlarsimaffianiitillugu.
  • Pisortap tullersortilluunniit peqanngeriataarnissaanut akisussaaffimmik tigumminninneq.
  • Qeqqata Kommuniata naleqartitaanik piviusuutitsineq.

 

Naatsorsuutigaarput:

  • Peqqissaanerup tungaatigut ilinniagaqarsimanissat
  • Aqutsisutut misilittagaqaruit pitsaassaaq
  • Aalajaatsuusutit suliannullu akisussaassuseqartutit.
  • Isumassatsialaateqassasutit ingerlatsisinnaassuseqassasutillu
  • Ajornanngippat marluinnik oqaaseqartuussasutit
  • Politikkimut tunngasuni aaqqissugaassusermi suliaqarnermik misilittagaqassasutit, matumani allanngorarfiujuartumi aaqqissuussaanermullu piumasaqaateqarfiusumi. 
  • Aqutsisutut ersarittutit sulianillu aallussillutit, inunnik allanik naapitaqarnermik nuannarisalik suliaqarfinni suleqatinut, innuttaasunut taakkulu qanigisaannut suleqatinullu akuersaartumik ammasumik akuliusimasutit.
  • Utoqqarnut susassaqarfimmik nuannarinnillutillu soqutigisaqartutit
  • Allakkatigut oqaatsitigullu attaveqallaqqissuussasutit.
  • Sammisassani tamani peqataasinnaasoq
  • Naleqqussarluarsinnaallutillu qiimasuusutit
  • Suliffimmi avatangiisinik pitsaasunik pilersitseqataasinnaasoq, suleqatinullu suleqatiginnilluarsinnaasoq

Akissarsiat atorfeqartitaanermilu atugassarititaasut: 

Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.

 

Qaammatini pingasuni misiligummik atorfinitsitsisoqassaaq.

 

Neqeroorutigaarput:

Ilitsersuut

Suliffimmi ineriartortumi akisussaaqataaneq sunniuteqaqataanerlu pingaartinneqartut.

Sapaatip akunneranut suliffissat akunnerit 40-pput, ataasinngornermiit tallimanngornermut nal. 7.00 - 15.00.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Atorfiniffissaq: 01. Oktober 2019 isumaqatigiissuteqarnikkulluunniit.

 

Atorfinnut sukumiinerusumik paasissutissat Utoqqaat Angerlarsimaffiani pisortaagallartumut Peter Mattaaq oqarasuaat: 86 73 58-mut mail: pema@qeqqata.gl –mut saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq kingusinnerpaamik 10. September 2019-imi uunga nassiunneqariissapput: 

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl

 

Attavissaq:
Peter Mattaaq
(+299) 86 73 58
pema@qeqqata.gl