Gå til hovedindhold
118

Allagarsiutaq Upernavimmi Isumaginninnermi allaffimmi Immikkoortortami pisortaq

Avannaata Kommuniata immikkoortortami Upernavimmi Isumaginninnermi, Allaffimmi pisortatut atorfik piaartumik imaluunnit isumaqatigiissuteqarnikkut atorfinittussamik inuttassarsiuunneqarpoq.

 

Atorfik allaffissornikkut inississimavoq Upernaviup illoqarfiani, tassanilu nunaqarfittai ilanngullugit isumaginninnermut attuumassuteqartunut akisussaaffeqassalluni.

 

Immikkoortortami pisortap suliassai pingaarnerit tassaapput:

  • Ingerlatsiviup ulluinnarni ingerlanneqarneranut aqunneqarneranullu isumaginnittuussalluni qulakkeerniassallugulu innuttaasunut pitsaasumik sullissinerup nukittuumik ingerlaavarnissaa.
  • Immikkoortortami suliatigut aqutsineq agguataarinerlu isumagissallugit, meeqqat inuussuttuaqqallu isumassornerini, pisortat ikiorsiissutaatigut, siusinaartumik sulisinnaajunnaarnersiutilinni, utoqqarnut kiisalu innarluutilinnut isumassuinermi.   
  • Isumaginninnikkut siunnersuineq ilitsersuinerlu.

 

Suliassat akisussaaffeqarfiillu:

  • Innuttaasut ikiorserneqarnissamik pisariaqartitsisut sullilluassallugit.
  • Isumaginninnermut susassaqarfik aqunneqassaaq inatsisit toqqammavilersuutigisallu atuuttut malillugit.
  • Kommunemi isumaginninnermut fagchefi suleqatigalugu ingerlatsiviup ukiumoortumik aningaasatigut missingersuusiornissaa suliarissallugu .
  • Ulluinnarni ingerlatat akunnermilu suleriutsip nalunaarsornissaa taamaattuarnissaalu suliaralugu.
  • Illup iluani avataanilu suleqatigisanik pitsaasumik attaveqarneq qulakkeersimajuassallugu.
  • Suliatigut uppernarsaatitigullu illersorsinnaajuartumik sullissineq qulakkeersimassallugu.
  • Sulisorisat suliamik naammaginartumik angusaqarnissaat qulakkeerniarneqassaaq, sulisut paasissutissatigut pisariaqartitaasa pissarsiariuartarnerisigut.
  • Sulisut atugassarisaatigut ilisimasaatigullu ineriartortittuartarnissaat, illup iluani avataanilu ilitsersuutinik ilinniartitsinikkut ilinniaqqinnikkullu.

 

Piginnaasat:

  • Aqutsisuussaatit ersarissoq.
  • Akisussaassuseqartoq.
  • Suleqatigiuminartoq.
  • Aalajangiisinnaassusilik .
  • Sulisorisanut piumassuseqalersitsisinnaasoq .
  • Ingerlatsiviit akimorlugit suleqatigiissinnaanermi piginnaasalik.
  • Suliat puullaaqinarsineranni arajutsisaattuarsinnaasoq.
  • Aqutsinermi sakkussatut naatsorsuutinik missingersuusiornermillu suliaqarsinnaasoq.

 

Akissarsiat atorfeqarnikkullu atugassarititat:

Akissaatinut atorfeqarnermullu pissutsit, Naalakkersuisut atorfinittullu kattuffigisaa isumaqatigiissutaat, atorfininnermiit atortinneqarlutik atuutilissapput.

 

Atorfimmut atatillugu inissaqartitsisoqanngilaq.

 

Paasissutissat annertunerusut:

Atorfimmut paasissutissat annerusut piniarneqarsinnaapput Avannaata Kommuniani Innuttaasunut sullissinermi aqutsisuungallartumut Nuka Johnsenimut saaffiginninnikkut tlf. +299 70 18 00, imaluunniit emailikkut ugguuna: nujo@avannaata.gl.

 

Qinnuteqaat:

Qinnuteqaat, soraarummeersimanermut allagartat attuumassuteqartut assilineri, CV kiisalu oqaaseqaatit inassuteqaatillu ilanngullugit imalik, kingusinnerpaamik nassiunneqassaaq 25. januar 2019 uunga:

Avannaata Kommunia

Att. Sulisoqarnermut immikkoortortaq

Postboks 1023

3952 Ilulissat

imaluunniit mail-imut uunga: hr@avannaata.gl.