Gå til hovedindhold
108

Dette jobopslag er udløbet

Aasiaat Napparsimaviani – portøritut atorfik / portørredder inuttassarsiorneqarpoq

Immikkoortortaqarfik Disko Aasiaat napparsimaviani, 01/10-2018 imaluunniit piaartumik isumaqatigiissusiornikkut atorfinittussamik portøritut atorfik inuttassarsiorneqarpoq.

 

Suliassatit tassaassapput nakorsiartunik misissorneqarfissaanniik suliarineqarfissaanniillu angerlaanneqarnissaat ilanngullugu ikiorneqarlutik angallanneqarnissaasa isumaginissaat, nakorsiartunik mittarfiliaassinerit talittarfiliaassinerillu, illoqarfimmi nukinginnartumik ajutoortoqartillugulu aggersaanerni ornigunnissat, annaassiniarnermi ikiuunneq aamma illoqarfimmi napparsimavimmilu uummammik unittoortoqartillugu passussineq kiisalu politiit suliaannik ajunaartoqartillugulu ikiuunneq.

 

Suliffiup sivisussusaa nikerartuuvoq pingaartuusarnermik ilaqarluni.

 

Pingaartipparput:

  • Ukioq ataaseq biilernermut allagartaqareersimanissat
  • Ikiueqqaarnermi allagartaqarnissat
  • Pinerlussimannginnermut uppernarsaammik, qinnuteqarninnut ilanngunneqartussamik, peqarnissat
  • Kalaallisut qallunaatullu oqalussinnaallutillu allassinnaanissat
  • Qarasaasiarsornermik ilisimasaqarlutillu naliginnaasumik atuinissamut piginnaasaqarnissat
  • Pisuni nukinginnartuni eqqissisimallutillu ataatsimut isiginnissinnaalluassasutit
  • Inuttut qajannaatsuussasutit ulapaarfiusumilu sulilluarsinnaasutit
  • Aalajaallutit suliartortassasutit nammineersinnaassuseqarlutillu
  • Pingaartuuffiit nikerartut akunnerullu naanerani sulisarnissat piareersimaffigigitit
  • Suliffimmi allanngorartumi sulilluarsinnaassasutit, napparsimavimmilu pisariaqartinneqartut naapertorlugit suliassanik ataatsimoorussinikkut, ataqqeqatigiinneq qitiutillugu naammassinnissinnaassasutit

 

Takorloorparput

  • Siornatigut portøritut annaassiniartartutulluunniit sulinermik uppernarsarsinnaasannik misilittagaqartutit

 

Neqeroorutigisinnaavarput

  • Piareersakkamik aallarnisaataasumik ilisarititsineq
  • Suleqatit tunniusimalluartut siammasissumillu misilittagallit
  • Suliffimmi ullut assigiinngiiartut

 

Atorfik qaammammusialittut atorfiuvoq, piginnaasallu naapertorlugit isumaqatigiissutillu atuuttut naapertorlugit akissarsiaqartitsoqassalluni.

 

Qinnuteqaat uunga ingerlatinneqassaaq: HR@PEQQIK.GL

 

Atorfik pillugu paasisaqarnerusukkuit uku atavigisinnaavatit: Susi Kajusen, oqa.: +299 894284 / suge@peqqik.gl imlt. Otto Brandt, oqa.: +299 894282 / otbr@peqqik.gl

 

14. septemper 2018 tikitsinnagu qinnuteqareersimassaatit.

 

Suliffigisimasat nalunaarsornerat (CV), ilinniagaqarsimanermut uppernarsaatit, pikkorissarnerit inuttassarsiuinermut attuumassutillit, oqaaseqaatillu ilanngunneqassapput.