Gå til hovedindhold
108

Dette jobopslag er udløbet

Upalungaarsimanermut suliassaqarfimmi AC-fuldmægtigi/Siunnersorti

Pinngortitamut Avatangiisinullu Naalakkersuisoqarfik upalungaarsimanermut suliassaqarfimmi AC-fuldmægtigimik/Siunnersortimik pissarsiorpoq
 
1. juli 2018-imi imaluunniit isumaqatigiissuteqarnikkut atorfinitsitsisoqassaaq.
 
Suliffeqarfik pillugu naatsumik
Naalakkersuisoqarfimmi sulisut 30-t missaanniipput, immikkoortortaqarfinnut pingasunut (Kiffartuussinermut, Aningaasaqarnermut Sulisoqarnermullu Immikkoortortaqarfik, Pinngortitamut Silallu Pissusianut Immikkoortortaqarfik kiisalu Avatangiisinut Upalungaarsimanermullu immikkoortortaqarfik) kiisalu Aatsitassalerinermi Avatangiisinut Aqutsisoqarfimmut agguarneqarsimallutik. Aamma Pinngortitaleriffik Naalakkersuisoqarfiup ataaniippoq. Avatangiisinut Upalungaarsimanermullu Immikkoortortaqarfimmi, Pinngortitamut Avatangiisinullu Naalakkersuisumut sullissisuusumi suleqataassaatit. Immikkoortortaqarfimmi pisortatut atorfik aamma AC-fuldmægtigitut atorfiit 11-it immikkoortortaqarfimmiipput, taakkunanngalu marluk upalungaarsimanermik suliassaqarfimmi isumaginnittuupput.

Suliassatit
Suliassatit pingaartumik upalungaarsimanermut tunngasuussapput. Suliassaqarfimmi inatsisiliorneq, kommunini annaassiniarnernut upalungaarsimanermik nakkutilliineq aamma upalungaarsimanermi suliassaqarfiup iluani paasissutissanik ingerlatitseqqittarneq suliarineqarput. Kommunini qatserisartoqarfinnut siumoortumik nalunaaqqaarani pulaartarnikkut aamma misiliilluni kalerrisaarisarnikkut nakkutilleeqataassaatit, taamatullu politiit suleqatigalugit soorlu qaartartuusivinnut sanaartorfinnullu, atortunik qaartuujasunik atuiffiusunut nalunaaqqaarluni nalunaaqqaaranilu misissuiartornernut peqataasassallutit.

Aamma Naalakkersuisoqarfik Qatserisartut Ilinniartitaaneranni Suliassaqarfimmut Ataatsimiititaliamut ilaatitaqarpoq, aammalu kommunini annaassiniartarnernut upalungaarsimasut ulorianartorsiorfiusunut naapertuuttumik ilinniartitaanerinik nakkutilliisuulluni.

Aamma Naalakkersuisoqarfiup kommunit upalungaarsimanermut akisussaaneranni iluaqutit ajoqutillu pillugit misissueqqissaarnermik ingerlatsisussanngorpoq. Taamaattumik ulluinnaat assigiinngitsorpassuarnik suliaqarfiusut, amerlanertigut politikkerinit, innuttaasunit, kommuninit imaluunniit suliffeqarfinnit saaffiginnisutit suunerinik apeqqutaatitsiviusut naatsorsuutigisinnaavatit.

Aamma Upalungaarsimanermut Ataatsimiititaliap allattoqarfianut ilaassaatit. Upalungaarsimanermut Ataatsimiititaliaq Kalaallit Nunaanni upalungaarsimaneq pillugu apeqqutini Naalakkersuisunut siunnersuisarpoq. Taamaattumik Upalungaarsimanermut Ataatsimiititaliaq annertunerusunik ajutoortoqartillugu ajunaarnersuaqartillugulu aggersarneqartarpoq. Naalakkersuisunut paasissutissiinermut tunngavissat tamarmiusut pissarsiarineqarnissaat, kiisalu upalungaarsimanermut pilersaarut naapertorlugu oqartussaasut akuusut suliassaannik ataqatigiissaarinissaq Upalungaarsimanermut Ataatsimiititaliap suliassaraa.

Ilinniakkat, tunuliaquttat soqutigisatillu apeqqutaatillugit suliassaqarfinni ukuusuni ataaseq amerlanerusulluunniit suliarisinnaanissaannut periarfissaqarputit:

  • Upalungaarsimanermi suliasaqarfik pillugu paasititsiniaaneq
  • Qaartartulerinermi suliassaqarfimmut akuersissusiortarneq
  • Nakkutilliineq misissuiartorlunilu pulaartarneq
  • Qatserisartut Ilinniartitaaneranni Suliassaqarfimmut Ataatsimiititaliami suleqataaneq
  • Upalungaarsimanermut Ataatsimiititaliap allattoqarfiani suliassanik isumagisaqarneq
  • Upalungaarsimanermi sungiusarnerit assigiinngitsut pilersaarusiorneqarnerini ingerlanneqarnerinilu suleqataaneq
  • Upalungaarsimanermi pilersaarutinik assigiinngitsunik suliaqarnissamik qulakkeerisarneq

Suliat ilaanni ilitsersuineq ingerlanneqartarmat, allaalluunniit allannguinissamik piumasaqaateqartoqartarmat, oqaloqatiginninnermi allakkatigullu inussiarnisaarsinnaanissat pingaaruteqartorujussuuvoq.

Naatsorsuutigisavut
Kissaatigaarput:

  • Assersuutigalugu inuiaqatigiinnik ilisimatusarnermi, ajunaarnersuaqarnerani ulorianartorsiorfinnillu aqutsinermi, politiini imaluunniit annaassiniarnernut upalungaarsimanermi attuumassutilimmik ilinniagaqarsimassasutit
  • Pisortat ingerlatsivianni imaluunniit suliffeqarfimmi siunnersuisarfiusumi misilittagaqassasutit
  • Upalungaarsimaneq ataatsimut isigalugu soqutigisaqarfigissagit ilisimasaqarfigissagillu
  • Suleqatigiinnikkut isumannaatsunik illuatungeriinnillu akuerineqarsinnaasunik angusaqarnissamut piginnaaneqarluassasutit
  • Ajornartorsiutit pisariusut oqaatsit ersarissut atorlugit ingerlatseqqinnissaannut piginnaaneqassasutit
  • Pinartoqartillugu eqqissisimasinnaassasutit aammalu suliassavit suuneri ilisimaarisinnaassagitit
  • Misissueqqissaarnissamut attaveqaqatigiinnissamullu nukittuunik, aqutsisut suliassanik isumaginninneranni tapertaasussanngortillugit atorluarsinnaasannik piginnaaneqassasutit. Atorfiit iluatsilluartumik ingerlassappat nalilinnillu tunniussissaguit ilaatigut ajornartorsiutinik nassaarsinnaassaatit, aalajangersaasinnaassaatit nassuiaasinnaassallutillu
  • Suliassani assigiinngitsorpassuarni namminersorlutit sulisinnaassaatit
  • Immikkoortortaqarfiup ineriartortinneqarnerata ingerlaqqinnissaanut suliniuteqarsinnaassasutit ikiuussinnaassasutillu
  • Atorfinitsitsinermi isumannaallisaanermut akuersissummik pigisaqarnissaq, taassumalu atorfeqarneq tamakkerlugu atuutsinneqarnissaa piumasaqaatigineqarpoq

Kalaallit Nunaannut pissutsinut ilisimasaqarnissat kalaallisullu oqaatsinik atuisinnaanissat iluaqutaassaaq.

Suliassat suliarisavit politikkikkut eqqumaffigineqarnerat iluarisimaarsinnaassavat, aammalu oqaatsit ersarissut atorlugit ajornartorsiutit pisariusut ingerlateqqissinnaanissaat piginnaaneqarfigissavat. Namminersorlutit, tunniusimallutit, naammassisaqarsinnaallutit isumagissaarlutillu sulisinnaanissat pingaartipparput.

Suliassaqarfimmi annertuumik isumaqartumi atorfik pissanganartoq namminersorfiusorlu neqeroorutigaarput. Isumassarsiassanik nutaanik – aammalu suliat iluatsinnissaannut periarfissanik – eqqarsarnissamut inissaqartilluarneqassaatit. Suliatigut inuttullu ineriartornissamut periarfissat pitsaasut neqeroorutigaavut.

Matumani atorfik pitsaasunik suleqateqarfiusoq aammalu pingaartorsiorfiunngitsunik avatangiiseqarfiusoq pineqarpoq. Politikkikkut aaqqissuussaanerup paasinissaannut periarfissaqarluarlutit pisortallu qanillugit sulissaatit. Inunnit sivisuumik sulinermi inuunermilu misilittagaqarsimasunit qinnuteqaatinik tigusaqarnissarput neriuutigisorujussuuarput.

A­kis­sar­si­at a­tor­fi­nin­ner­mi­lu a­tu­gas­sa­ri­ti­taa­sut
A­kis­sar­si­at a­tor­fe­qar­ner­mi­lu a­tu­gas­sa­ri­ti­taa­sut, tas­su­nga­lu i­lan­ngul­lu­git a­tor­fi­nin­ner­mut soraar­ner­mul­lu a­ta­til­lu­gu a­nga­la­ner­nut pe­qu­ti­nil­lu nas­si­us­si­ner­mut a­ki­li­un­ne­qar­nis­sa­mut pisin­naa­ti­taaf­fe­qar­neq, a­tor­fi­nin­ner­mi Nam­mi­ner­sor­lu­tik O­qar­tus­sat kat­tuf­fi­ul­lu isumaqatiginnin­ni­ar­sin­naa­ti­taa­sup i­laa­sor­taaf­fi­gi­sap a­kor­na­ni i­su­ma­qa­ti­giis­sut a­tuut­toq naaper­tor­lu­gu pis­sap­put.
Piffissaq suliffiusoq sapaatit akunneranut nal. ak. 40-nik sivisussuseqarpoq.
 
Naalagaaffimmi tjenestemandit aamma AC-mut isumaqatigiissutit arlallit, ilaatigut DJØF-ip aamma Aningaasaqarnermut Ministereqarfiup akornanni isumaqatigiissutit malillugit atorfeqartinneqartut, Namminersorlutik Oqartussani atorfeqarnerminnut atatillugu akissarsiaqaratik sulinngiffeqarsinnaatitaapput. Aamma Nunamut Namminermut Ministereqarfik kommuninut nunallu immikkoortuinut inassuteqarpoq, Namminersorlutik Oqartussani atorfeqarnermut atatillugu akissarsiaqarani sulinngiffeqarnissamut qinnuteqartunut akuersaaqqullugit. Sulinngiffeqarnermut aalajangersakkanut aamma Namminersorlutik Oqartussani atorfinittunut aappaasut/inooqataasut ilaatinneqarput.
 
I­nis­si­aq
Inissiamik atugassaqartitsisoqanngilaq.
Suliffeqarfik Nuummi inissisimavoq. Illoqarfik periarfissarpassuaqarpoq, taakkununnga kulturip illorsua, filmertarfik, naluttarfik, timigissartarfiit, kaffisorniartarfiit, neriniartarfiit peqatigiiffiillu assigiinngitsut ilaallutik. Tamatuma saniatigut Nuup eqqaani pinngortitami sisorartarfeqarpoq golfertarfeqarlunilu, kiisalu qajartorneq, aalisarneq, imaatigut angalaneq, pisuttuarneq sunngiffimmilu sammisassarpassuit allat periarfissaapput.
 
Paa­sis­su­tis­sat a­mer­la­ne­ru­sut
A­tor­fik pil­lu­gu an­ner­tu­ne­ru­su­mik paa­si­sa­qa­ru­suk­ku­it, immikkut ittumik siunnersorti Nels Ulrik Vinther te­le­fon + 299 34 67 33-mut at­ta­ve­qar­fi­gi­sin­naa­vat.
 
Qinnuteqaat:
Qinnuteqaat ”AC-fuldmægtigi/Siunnersorti upalungaarsimaneq”-mik nalunaaqutserlugu linki ataani allassimasoq aqqutigalugu nassiuteqquneqarpoq.
 
25. maj 2018 qinnuteqarnissamut killissaritinneqarpoq.
 
Namminersorlutik Oqartussat pillugit www.naalakkersuisut.gl aqqutigalugu atuagaqarsinnaavutit.
 
Qinnuteqaat CV-mik, soraarunnermut uppernarsaatinik il.il. ilaqartinneqartoq linki ataani allassimasoq aqqutigalugu nassiunneqassaaq. E-mail-inik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk