Gå til hovedindhold
127

Kalaallit Nunaanni Aalisarsinnaanermut Akuersissutinik Nakkutilliisoqarfik inatsisilerituussarsiorpoq

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) inatsisileristuussarsiorpoq nakkutilliisoqarfiup sulissarpassuinut unamminartunut.
KANUAANA Aalisarnermut Piniarnermullu Naalakkersuisoqarfimmi immikkoortortaqarfiit qanimut suleqatigalugit kalaallit nunaanni aalisarnermik piniarnermillu alapernaarsuinermik nakkutilliinermillu suliaqarpoq.
KANUAANA allaffissornikkut 17-inik sulisoqarpoq, atorfillu tassani inissisimassalluni kiisalu nakkutilliisooqatigiit alapernaarsuisut 12-it, piniarnermik nakkutilliisut 12-it aalisarnermillu nakkutilliisut tallimat.

Suliassat
Atorfimmik pilersitsinermut siunertaavoq nakkutilliisoqarfiup sulissarpassuinut unamminartunut suliaqarnerup inatsisilerituumik ikiorneqarluni nukittorsarneqarniarnera, tamatumalu saniatigut inatsisileritooq aqutsisoqatigiinnut ilanngutissaaq.
Suliassat pingaarnertut makkuussapput:

  • nakkutilliisoqarfimmi suleriaatsinik suliassanillu aalajangersaanermut peqataaneq, tamatumani nutaanik suleriaaseqalernissamut suliassanullu pilersaarusiorneq ineriartortitsinerlu ilanngullugit
  • Ilaatigut unioqqutitsisoqarnermi suliassanut atatillugu tigussaasumik sulianik ingerlataqarneq suleqatinillu siunnersuineq
  • suliassaqarfimmi inatsisinik malittarisassanillu nassuiaassineq aaqqissuussaasumillu suliaqarneq, kiisalu suliffiup iluani avammullu siammarterinermi peqataaneq
  • nalinginnaasumik sulianik ingerlataqarnermi inatsisitigut ikuineq siunnersuinerlu, tamatumani ilanngullugit qarasaasiakkut ingerlatsinerup kinguneranik malittarisassat nutaat piumasaqaataannik eqquutsitsinissaq ilaatigullu inunnut ataasiakkaanut tunngatillugu paasissutissat pillugit ilanngullugit
  • nunat tamat akornanni ataatsimiinnerni isumaqatigiinninniarnernilu peqataaneq, kiisalu aalisarnermik nakkutilliinerup iluani nunat tamat akornanni inatsisinut pissutsinik siunnersuineq

nakkutilliisoqarfimmut tunngasunik inatsisinik nalunaarutinillu pioreersunik nutarterinermi nutaanillu suliaqarnermi peqataaneq, tamatumani ilanngullugit nunat tamat akornanni pisussaaffinnut naleqqussaaneq Naalakkersuisoqarfimmi inatsisilerituut allat suleqatigalugit
 
Piginnaasat
Suleqatissarput cand.jur., cand.merc.jur.-atut assigisaanilluunniit ilinniagaqassaaq, makkunannga piginnaasaqartoq

  • Aaqqissuulluagaasumik sulisinnaasoq, misissueqqissaarsinnaasoq pilersaarusiorluarsinnaasorlu
  • oqaatsitigut allattariarsorlunilu oqaasertalersuisinnaalluartoq

Suleqatigiuminartuunissaq piumasaqaataavoq amerlanertigut suleqatigiinneq suliassat allaffeqarfiup iluani, avataani nunallu tamat akornanni suliassaqarfiit akimorlugit suleqatigisartakkat kiisalu aalisarnermi pisassaqartut peqatigalugit ingerlanneqartarmat.
Naatsorsuutigaarput, illit

  • nammineersinnaasutit akisussaaffiitillu ilisimaarigitit
  • suliassanik tunniusimallutit ajunngitsumillu ingerlataqartassasutit
  • politikkikkut aqunneqartumi sulinissaq piareersimaffigissagit
  • persuarsiorfiunngitsumi tutsuiginartumili sulinissamik kissaateqartutit

Iluaqutaassaaq piumasaqaataananili illit

  • inuiaqatigiinnut kalaallinut ilisimasaqaruit inuiaqatigiinnilu pissutsinut paasisimasaqarlutit
  • kalaallisut/danskisut/tuluttut oqalussinnaasutit
  • aalisarnermut aamma/imaluunniit piniarnermut ilisimaqasassaruit
  • pisortaqarfimmi namminersortumiluunniit sulinermik misilittagaqaruit, taamaattoq ilinniakkaminnik naammassinneqqammersut aamma kajumissaarneqarput qinnuteqaqqullugit
  • Sulianik ingerlataqarnermut paasissutissanillu nalunaarsuinermut qarasaasiakkut atortorissaarutinik nutaalianik ilisimasaqaruit atornissaanulluunniit ilikkassallutit kissaateqaruit

Akissarsiat atorfeqarnerlu
Piffissaq suliffissaq sapaatip akunneranut nalunaaquttap akunneri 40-upput.
Akissarsiat atorfinitsitaanermilu atugassarititat, matumani atorfininnermi soraarnermilu angalanermut pigisallu assartorneqarnissaannut pisinnaatitaaneq ilanngullugit, atorfininnermi Namminersorlutik Oqartussat kattuffiullu isumaqatiginninniarsinnaatitaasup isumaqatigiissutaat atuuttoq naapertorlugu.

Ineqarneq
Atorfimmut atatillugu pequteqanngitsumik inissaqartitsisoqarsinnaavoq malittarisassat sukkulluunniit atuuttut malillugit. Inimut innersuunneqartumut ineqarnermut akiliut qularnaveeqqusiissullu malittarisassat sukkulluunniit atuuttut malillugit akilerneqassapput. Atorfimmut atatillugu inigisaq atorfeqarnermut ilaatinneqarpoq soraarnermilu inigisaq qimanneqassalluni.

Ineqarnermut akiliut inigisallu pitsaassusaa inigisap qanoq pisoqaatiginera, kiap inaataatigineraa il.il. apeqqutaatillugit nikerarsinnaapput. Atorfimmut atatillugu inigisamik innersuunneqarneq utaqqinarsinnaavoq, taamaattumik inissiigallartoqarsinnaalluni, matumani illoqatigiinnut minnernut akunnittarfimmiluunniit, taakkulu akileraarutaasussaapput.

Atorfik pillugu annertunerusumik paasiniaasoqarsinnaavoq Aalisarnermik Akuersissutinik Nakkutilliisumut, Mads Trolle Nedergaard, oqara. (+299) 34 53 77, mads@nanoq.gl, imaluunniit pisortap tullianut Niels J. Laursen, oqara. (+299) 34 53 79, nijl@nanoq.gl.

Qinnuteqarnissamut killigititaq:
Qinnuteqaatit KANUAANA´p tigoriissavai kingusinnerpaamik tallimanngorneq 30 aprili 2018.

Atorfinitsitaaneq
Atorfik piaartumik isumaqatigiissuteqarnikkulluunniit inuttalerusunneqarpoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk