Gå til hovedindhold
115

Dette jobopslag er udløbet

Aasiaat Timersortarfiat pisortassarsiorpoq

Aasiaat Timersortarfiat pisortassarsiorpoq 1. august 2017 imaluunniit isumaqatigiinnikkut atorfinittussamik.

Timersortarfimmi pisortap suliassarai timersortarfiup ulluinnarni ingerlanerata sulisullu sulinerisa isumagineri, soorlu:

  • Sulisunik sulisitsineq
  • Sulisut suliffissaasa suliarineri
  • Sulisussanik (ikiortinik) sulilersitsineq
  • Motionscenter-ip sulisuinik pisiassaanillu aqutsineq
  • Missingersuusiornerit, taakkulu nakkutigineri
  • Siulersuisut ataatsimiinnissaanut piareersaatit
    • Siulersuisut suliakkiutaannik ingerlatsineq
  • Timersortarfiup nakkutiginera: Eqqiarneqarnera, aserfallattaalineralu
  • Aningaasarsiat suliarineri
  • Akiligassat nakkutigineri isumagerilu
  • Aningaasaqarnerata aqunnera, naatsorsuutit, missingersersuutit
  • Ineriartortitsineq pitsanngorsaaneq
  • Fundraising (aningaasaliisussarsiorsinnaasoq)
  • Suliat allat pisussaaffiit iluaniittut, soorlu pisiniarnerit allallu

Timersortarfiup pisortaa atuisunut allanullu attaveqarnissaq isumagissavaa, taamaattumik inuttassarsiorpugut:

  • Allaffissornermik suliaqarsinnaasumik
  • Inussiarnersumik pissuseqartumik
  • Suleqateqarnissamut piukkunartumik
  • Inerisaasinnaasumik / Ineriartortitsisinnaasumik
  • Suliat angisuut aningaasassarsiornerannut pikkoriffilik

Inissaqartitsinissamut periarfissaqartitsinngilaq, nuunnermilu pequtit pigisallu ingerlan-neranut akiliussisinaanani.

Atorfinititsineq pisssaaq AK-p isumaqatigiissutai naapertorlugit, tassani lønramme 32 aallaavigalugu, saniatigut tapeqarnissaq isumaqatigiinniutaassaaq. Ilanngullugu sulisimanermut tunngatillugu oqaaseqaatit, ilinniarsimanermut uppernarsaatit (CV) qinnuteqarnermi ilannguteqquneqarput. Kiisalu atorfik ukiunut pingasunut isumaqatigiissutaavoq.

Atorfimmut inuttassarsiuunneqartumut apeqqutissaqaruit Timersortarfiup siulersuisuisa siulittaasuat, Tom Ostermann-Søholm, attavigisinnaavat sulinerup nalaani suliffianut: 894753 imaluunniit Timersortarfimmi pisortamut Ole Kûitse-mut mobil: 522911.

Qinnuteqaat nassiunneqassaaq uunga: Aasiaat Timersortarfiat, box 150, 3950 Aasiaat, email: aasiaat.timersortarfiat@greennet.gl

Ulloq qinnuteqarfissaq kingulleq 20. juli 2017.