Gå til hovedindhold
98

Dette jobopslag er udløbet

Avatangiisit pillugit Ingeniøri - Teknikeri, nunarsuarmi kommunit annersaannut

Qaasuitsup Kommunia Ilulissani avatangiisit pillugit immikkoortortaqarfimmi Avatangiisinut Ingeniørissarsiorpoq - Teknikerimilluunniit 18. April 2017 imaluunniit isumaqatigiissuteqarnikkut atorfinittussamik. Maannakkut piffissaq ulapaarfiuvoq pissanganartunillu unammillernartunik silaannaq avatangiisillu pillugit suliassaqarpoq illit peqataaffissatit. Inatsisit atuuttut naapertorlugit, illersorsinnaasumik, eqqarsaatigilluakkamik imminullu akilersinnaasumik avatangiisinut tunngasut isumaginissaannut ineriartortinnissaannullu akisussaaffigilissavatit, ilaatigullu makku:

  • Iliuusissatut pilersaarutit, politikkissat pilersaarutitut periusissat suliarinissaat
  • Avatangiisinut apeqqutinut tunngasut eqqarsaatigalugit, innuttaasunik, politikerinik, suleqatinik allanillu sullissinissaq
  • Namminersorlutik Oqartussanut il. il. tusarniutit akissutaat suliarinissaat
  • Suliffeqarfiit mingutsitsisut nakkutiginissaat nakkutilliinermullu nalunaarusiornissaq
  • Paasititsiniaanissamut allatigullu ilisimatitsisarnissamut suliniutinik pinaveersaartitsisinnaasunik suliaqarnissaq

Tassaavugut:
Avatangiisit pillugit immikkoortortaqarfeerannguuvugut, aaqqissuussaanermi Sanaartornermut Avatangiisinullu allaffeqarfiup ataani inissisimalluta. Avatangiisit pillugit ingeniørip/teknikerip suliassai siammasissuupput; eqqagassalerinermi misiliutitut suliniutit arlallit ingerlanneqarnissaat, atserinerup pitsaasumik suliarineqartarnissaa qulakkiissallugu, eqqagassanik immikkoortiterinissaq pitsaasumik ingerlanneqarnissaa qulakkiissallugu, kommunemi eqqaavissuit pitsaasuunissaat, suliniutinut nutaanut aningaasaliinissaq pillugu aningaasaateqarfinnut qinnuteqartarnissaq, upernaakkut ukiut tamaasa uteqqiattumik saliisarnissap pilersaarusiortarnissaa, tamakkuuppullu suliassat suliarineqartartut assersuusiornerisa ilai.

Tassaassaatit:
Inussiarnersoq, namminersorsinnaasoq taavalu sullisserusussuseqartoq aamma ingerlatitseqqiilluarsinnaasoq innuttaasunillu, oqartussanik allanillu attaveqaqateqarluarsinnaasoq. Ulluinnarni ulapaarfiungaatsiartumi iluarisimaarinnillutit sulisinnaassaatit.

Naatsorsuutigaarput:

  • Avatangiisit pillugit ingeniøritut, biologitut imaluunniit assigisaanik avatangiisit immikkut sammisaralugu ilinniagaqarsimanissat.
  • Avatangiisit pillugit piviusortigut misilittagaqarnissat.
  • Suliffeqarfimmi politikkikkut aqunneqartumi sulisinnaanerit paasisimasaqarfigissagit.
  • Ingerlatitseqqiinissaq pikkoriffigissagit tuluillu oqaasii ajorsarfiginagit
  • Sapiitsuunissat, qiimasuunissat taavalu kommunep iluani ineriartupiloorfiusumi inuttut kinaassutsivit ilaatinnissaanut kajumissuseqarnissat.

Akissarsiaqarneq atorfinitsitaanerlu:
Ulluinnarni Sanaartornermi pisortaq qullersarissavat. Akissarsiaqarneq atorfinitsitaanerlu Naalakkersuisut kattuffiullu isumaqatiginninniarsinnaatitaasup akornanni isumaqatigiissutaat naapertorlugu pissapput. Atorfimmut atatillugu inissaqartitsisoqarsinnaavoq, taamaattumik inatsisit atuuttut naapertorlugit, inimut akiliut/qularnaveeqqummut akiliut akilerneqassallutik. Ilulissani najugaqartinneqassaatit.

Paasissutissat allat:

Saaffissaq:
Sanaartornermut Avatangiisinullu pisortaagallartoq Søren Lindenhann tlf. + 299 947751/ email: soli@qaasuitsup.gl  atorfik pillugu paasissutissat annertunerusut perusukkukkit saaffigisassaavoq.

Qinnuteqaat “Avatangiisit pillugit Ingeniøri / Teknikeri” nalunaaqutserlugu ilinniagaqarsimanernit, suliffigisimasarnit oqaaseqaatillu assilineri ilanngullugit kommunimi tiguneqareersimassapput kingusinnerpaamik ulloq 6. april 2017 nassiunneqassallutillu:

Qaasuitsup Kommunia
Sulisoqarnermut immikkoortortaqarfik
Postboks 1023
3952 Ilulissat
imal. email: hr@qaasuitsup.gl