Gå til hovedindhold
115

Dette jobopslag er udløbet

Pinngortitaleriffik ilisimatusartunut teknikerimik pissarsiorpoq

Tamanik suliaqarsinnaasumik (ilisimatusartunut teknikeri) aassakkut angallammik ingerlatsitseqataasinnaasumik Pinngortitaleriffik pissarsiorpoq.

Atorfimmi suliassat tassaapput assigiinngitsunik sulialinnik ataqatigiissarisoq suliniutinillu aqutsisoq aamma inunnik suleqatiginnilluarsinnaasunik ataqatigiissaarillaqqissunillu ilisimatusartut nunanit tamalaaneersut akornanni sulerusuttunik sulisussarsiorpugut. Ilisimatusartut, teknikerit ilinniartullu qanimut suleqatigisalissavatit.

Sullissiumatussuseqartuuvutit inussiarnersuullutillu aamma ajornartorsiutitaqanngitsumik aaqqissuutissanik nassaarsiullaqqissuuvutit.

Suliassat tassaapput Pinngortitaleriffimmi illuutinik, teknikkikkut atortulersuutinik, qamutinik motoorilinnik assigisaannillu nakkutilliinerit aserfallatsaaliuinerillu.

Aamma suliassat allat tassaapput aputaajaanerit, aallertarnerit, saligaatsuutitsinerit, Pinngortitaleriffiup iluani nussugassat – nassiussanik tigusinerit aallernerillu aamma tamakkuninnga inaalissuinerit.

Aammattaaq Pinngortitarifimmi angallatinik ingerlatitsisinnaasunut peqataalissaatit, tassanilu annertunerusumik Nuup eqqaani Pinngortitaleriffiup umiatsiaanik inunnik atortussanillu ornitassanukaassuisarnissat naatsorsuutigissavat. Angallamik ingerlatitsisup inuit atortullu isumannaatsumik angallannissaat aamma angallatip isumannaatsuunissaa akisussaaffigai.

Piginnaasat:

  • Atorsinnaasumik biilinik ingerlatitsinnaanermut allagartaq
  • Assassornermik ilinniagaqarsimasoq tamatumunngaluunniit assingusumik misilittagalik
  • Angallamik ingerlatitsisoq: immakkut angalanermik misilittagalik (inuussutissarsiutigalugu) angallammik ingerlatitsisinnaanermik uppernarsaat
  • Akisussaassusilik, piginnaanilik misilittagalillu
  • Patajaatsoq, peqqissaartoq, namminersorsinnaasoq suleqatiginnissinnaassusilillu
  • Qarasaasianik atortuinillu ilisimasaqarluartoq; Windows, Excel, Word
  • Oqaatsinik assigiinngitsunik arlalinnik oqalussinnaavutit (kalaallisut, tuluttut danskisullu).

Piaarnerpaamik isumaqatigiissuteqarnikkulluunniit atorfinittoqarsinnaavoq.

Qinnuteqaateqarnissamut killissarititaasoq, ulloq 15. April 2017

Atorfinitsitaanermi atugassarititaasut:
AK-mik isumaqatigiissutit naapertorlugit aamma akissaatinut trin 21-25-imut inissillugit, ilisimatusartunut teknikeritut suliartoqquteriataarnissamut tapisialittut, akissaasersuisoqarlunilu atorfinitsitsinermi atugassaqartitsisoqassaaq.

Atorfimmut atasumik inissiamik innersuussisoqanngilaq. Qinnuteqaateqartoq Namminersorlutik Oqartussani atorfeqarnermigut sulisunut inissiami najugareersimaguni sulisunut inissiamik innersuunneqartussaatitaavoq.

Suliffik pillugu paasissutissat amerlanerusut Pinngortitaleriffiup nittartagaani uani atuarsinnaavatit www.natur.gl aamma allatseqarfimmi pisortaq, Kathrine Lund Olsen, attaveqaefigalugu atorfik pillugu paasisaqarnerusinnaavutit.

Qinnuteqaatit ilinniagaqarsimaninnut paasissutissanik, siusinnerusukkut suliffigisimasatit pillugit paasissutissanik misilitsinnermilu papilissat assilineqarnerannik ilallugu Pinngortitaleriffimmut nassiuguk.

Qinnuteqaat imatut nalunaaqutserneqassaaq: ”Handymand/Bådfører” aamma uunga nassiunneqassaaq:

    Grønlands Naturinstitut
    ”att. Direktøren”,
    Pinngortitaleriffik,
    Boks 570,
    DK-3900 Nuuk.

Søg stillingen online