Skip to main content
113

Nunarsuarmi efterskolit avannarlersaat ilinniartitsisussarsiorpoq!

Efterskole Villads Villadsen, Qasigiannguit 01. august  2018-imi sulilluni aallartittussamik ilinniartitsisussarsiorpoq.

Efterskoli,  atuartunik qiimasunik alapernaatsunillu 80-inik atuartoqartoq suli “nutaajuvoq”, aggustimilu  ukiut atuarfiusut qulingiluat atuarnermik ingerlatsilluni aallartissallugu. Taamaattumillu nutaanik isumassarsiortuunermik pigisaqarneq uagutsinnut iluatinnaateqarluinnarsinnaavoq.

Efterskoli illoqarfinnguami anginngitsumi, Qasigiannguani, Qeqertarsuup Kangerliumarnata qinnguaniittumi inissisimavoq. Illoqarfik 1.200 miss. inoqarpoq alianaalluinnartumiilluni. Qasigiannguani silap unerisimanera ilisimaneqarluarpoq, tassa aasakkut kialluni ukiukkullu alianaalluinnartarluni.

Pinngortitaq illoqarfiup avatangiiserisaa assigiinngitsorpassuarnik periarfissaqarpoq, tassa pisuttuartunut, sisoraatinik atuisunut, qimussersunut immakkulluunniit angalasunut periarfissarissaarluni. Illoqarfimmut tunngasunik annertunerusunik paasisaqarusukkuit una tooruk: her.

Efterskolemi atuartut ulluinnarni inuttut ilinniartitsissutigineqartutigullu atugaasigut sunniuteqaqataarusuttumik ilinniartitsisumik nutaanik sulisussarsiorpugut:

  • Inuusuttunut tunngasutigut qanimut qanilaartumillu suliaqarnissamut piumassuseqarlutillu piginnaasaqassaatit.                                            
  • Ilinniartitsisutut pimoorussisuullutillu isumassarseqataasinnaassaatit.
  • Inuusuttunut maligassiuisutut nuannaartorineqartutullu inissisimanissamut perusussuseqassaatit, minnerunngitsumik atuartut attaveqarfigisavit akornanni.
  • Suliffissarititami piffissatigut nikerarfiusumi efterskolemi inooqataanissamut sapiissuseqassaatit, tassami unnukkut taamatullu sap. ak. naanerini kiisalu ulluni nalliuttuni nakkutilliisutut inissisimanissat ilaareermata.
  • Avatangiisini marluinnik oqaaseqarfiusumi sulinissap pissanganartuunera peqataaffigineqassaaq.
  • Suliffimmi aalajaassuseqarnissat pingaaruteqassaaq.
  • Inuusuttut Kalaallit Nunaanit tamaneersut nuannaartut ilakkuminartullu unammillernarsinnaasullu suleqataaffigineqassapput.
  • Efterskoli ineriartortinneqartuartoq peqataaffiginissaa.
  •  Efterskoli atuarfigissallugu pilerigineqartorujussuanngornissaanut suleqatit sullitallu kaammattornissaanut tapersorsueqataaffiginissaanullu suleqataanissaq.

 

Ilinniartitsisunik ilinniarsimasumik imalt. atuartitsisinermik misilittagaqareersumik ukuninnga atuartitsisinnaasumik:

  • Qallunaatut, tuluttut
  • Linjefagit: kunst design, media 
  • Valgfagini: naturliv, sløjd, krea, idræt, musik, arb. Markedskundskab, samfundsfag, historie, rel.  
  • Atuartunut attaveqaataaneq
  • Atuartunik nakkutilliineq (vagt)
  • Ilinniartitsisutut ilinniarsimasumik imaluunniit atuartitsinermik misilittagareersumik

Atorfinitsinneqarneq IMAK aamma Efterskole Villads Villadsenip akornanni overenskomst  (isumaqatigiissut) atuuttoq tunngavigalugu ingerlanneqassaaq. Atorfinitsinneqarnermut atatillugu pinerlussimannginnermut kiisalu meeqqanik pinerliisimannginnermut uppernarsaammik tunniussinissaq piumasaqaataavoq. Annertunerusumik paasisaqarusuttut pisortaq Rakel sandgreen  imaluunniit pisortap tullia Aqqa Samuelsen  oqarasuaat. nr. 00299 911 300 imaluunniit mailikkut forstander@evv.gl. attavigisinnaavaat.

Qinnuteqaat kingusinnerpaamik ulloq  30. Maj  2018  tigoreersimassavarput, qinnuteqaallu mailimut: forstander@evv.gl. nassiunneqassaaq. Kiisalu paasissutissat annertunerusut nittartakkatsinni www.vve.gl pissarsiarineqarsinnaapput.