Skip to main content
104

TNI-pisiniarfimmiunngorniaq TELE-POST Center Nuummut

Inunnik assigiinngitsunik attaveqarneq nuannaraajuk, aamma qanoq naleqarnerulersitsillutillu tuniniaasinnaanerlutit ilikkagaqarfiginissaa sapiissuseqarfigalugu? Taava ilinniarninnut atatillugu TELE-POST-imi ineriartornissamut pingaartitsiffiusumi sulinissamut periarfissaqarputit – tassa inuttut suliatigullu ineriartortuarnissamik aallussiffiusumi.

TNI-mi pisiniarfimmiunngorniatut tuniniaarnermut immikkoortortamiissuutit, tassanilu abonnementit, allakkanik/poortukkanik telemilu tunisassianik tuniniaanerit sullissinerillu, kiisalu atuisunut siunnersuinerit ukkatarissuatit. Pisiniarfimmiunngorniatut suliassat aamma ilagivaat karsimik kisitsinerit, arkiveeriinerit aammalu toqqorsivinni naatsorsuinerit. Kiisalu aamma ilinniarnerpit nalaani ulluinnarni allaffissorneq, tuniniaaneq kiisalu inunnik sullissineq aallaavigalugu kiffartuussinerit, attaveqatigiinnerit, elektroniskimillu sakkussat paasisaqarfigilerumaarpatit.

TELE-POST-imi ilinniartutut ilinnut makku naatsorsuutigaavut:

- angusaqarluarniartuusutit aamma nalunagu sorusunnerlutit
- pitsaasunik karaktereqartutit aamma peqanngitsuukulasimanngitsutit
- ilinniarnerit tunniussimaffigigit
- akisussaaffeqarneq nuannarilluarlugulu sungiussiasuusutit
- pikkorissartuarnissat soqutigisarilluinnarit

TELE-POST Center Nuummi pisiarfimmiunngorniatut ilinniartunngorusukkuit taava nittartagarput alakkarteruk https://telepost.gl/tele-post-imut-tunngasut/suliffiit-ilinniarnerlu/suliffiit/atorfiit-inuttaqanngitsut, saqqummiussarlu ” TNI-pisiniarfimmiunngorniaq TELE-POST Center Nuummut” iserfigalugu. Tassuuna qinnuteqaatit nassiuguk.

Ilinniarfissanik qinnuteqaatit tiguneranit suliarineqartassapput.

Ulloq qinnuteqarfissaq kigulleq: 30. Maj 2017

1.august 2017 praktikkerneq aallartissaaq.