Skip to main content
96

TELE-POSTimi Akiliisitsiniarnermut immikkoortortaqarfimmi suliassanik ingerlatsisussarsiorneq

Piaarnerpaamik isumaqatigiissuteqarnikkulluunniit sulilersussamik TELE-POSTimi akiliisitsiniarnermut immikkoortortaqarfitsinnut eqiingalluartumik, nuannaartumik soqutiginnittumillu suleqatissarsiorpugut.

 

TELE-POSTip akiligassalinnut aammalu akiliisitsiniarnermut immikkoortortaqarfia ineriartortinneqarlunilu allanngortiteriffigineqarpoq, taamaattumik ukiuni aggersuni atortuni suliassanilu allanngortoqartussaavoq. Taamaammat allanngortoqarnissaanut piareersimasumik, nammineersinnaasumik aammalu ulapinnerup nalaani uivernani sulisinnaasumik sulisussarsiorpugut.

 

Immikkoortortaqarfik nammineerluni ingerlasuuvoq Naatsorsuuserinermut qullersamik qullersaqartoq. Immikkoortortaqarfik arfineq pingasunik sulisoqarpoq.

 

 

Akisussaaffiit suliassaqarfiillu
Akiliisitsiniarnermut immikkoortortaqarfik makkuninnga akisussaaffeqarpoq:

  • Akiligassallit malinnaavigineri
  • Sullitanut sulianik suliarinninneq, billingimi aamma aningaasanut atortulersuummi
  • Saaffiginnittunik sullissineq
  • Sullitat aallaqqaataaniilli paasissutissartaannik malinnaatitsineq
  • Akiliisarnissamik isumaqatigiissusiornerit
  • Fakturaliorneq, akileeqqusineq atuisullu atuinerannik matusineq
  • Incassomi suliassat, toqusup qimataanik suliat akiliisinnaajunnaarnerillu
  • Akiligassallit kontoinik assigiinngitsunik naligiissaarineq kiisalu KPI-nik suliaqarneq

 

Illit ilisarnaatitit
Suleqatitaarerusupparput makkuninnga naammassinnittoq:

  • Akiligassalinnik suliaqarnermik ukiunik 5-10-nik misilittagalik
  • Allaffissornermik ilinniarsimasoq naatsorsuuserinermik misilittagalik
  • NI-2-mik (aningaasaqarnermut tunngasortaa) assingusumilluunniit ilinniagaqarsimasoq
  • IT-mik atuinermik misilittagalik
  • Sullisserusussusilik suleqatiginnikkusuttorlu
  • Nammineersinnaasoq ulapiffiullu nalaani uivernani sulisinnaasoq
  • Torersaallaqqissoq peqqissaarussisorlu
  • Kalaallisut qallunaatullu allallunilu oqalussinnaasoq, ajornanngippallu tuluttut.

 

Neqeroorutigaavut

  • Atorfik akisussaaffilik, sunniuteqarfiusoq assigiinngisitaartunillu suliassaqarfiusoq
  • Atorfik suliffeqarfimmi pissanganartumi nuannersumik oqaloqatigiiffiusartumi naleqartitanillu pingaartitsiffiusumi
  • Piginnaasannut naleqquttunik ataatsimoortitanik akissarsiaqartinneqarneq
  • Sulianut tunngasuni inuttullu ineriartornissamut periarfissaqarluarneq
  • Atorfinitsitaavinnissamut periarfissaqarluarneq

 

Atorfik pillugu apeqqutissaqaruit Louise Hansen e-mailimut: loh@telepost.gl imaluunniit tlf. 386784-imut attavigilluarsinnaavat.

 

 

Soqutiginnippit?
Atorfik qinnuteqarfigiuk ugguuna:

 

 https://telepost.gl/da/om-tele-post/job-og-uddannelse/job/ledige-stillinger

 

paasissutissat ilinnut tunngasut (CV) kiisalu qinnuteqaatit nassiullugu.

 

Ulloq qinnuteqarfissat kingulleq. 24. januar 2018