Skip to main content
80

Dette jobopslag er udløbet

TELE-POST Proceskonsulentimik pissarsiorpoq

Suliffeqarfiup ingerlataanik qaffassaasussamik TELE-POST proceskonsulentimik pissarsiorpoq.

Atorfimmut tunngasut:
Pingaarnertut niuerneq qitiutillugu TELE-POST-ip iliuusissanut pilersaarusiaq annertooq suliaraa, taannalu ukiuni aggersuni suliffeqarfimmi aammalu inuiaqatigiinni kalaallini annertuutigut allannguisussaavoq. Suliffeqarfiup Planningimut immikkoortortaqarfiani proceskonsulentitut qitiusumik inissisimallutit qulakkeertussaavat annertuumik allanngortiteriffiup nalaani suliffeqarfiup sullissilluarsinnaassusaanik pitsaassutsimillu ingerlatsineranik qaffatsitsinissaq.

Immikkoortortaqarfik Planning immikkoortortaavoq mikisunnguaq sisamanik-tallimanik ilinniarluarsimasunik sulisulik. Immikkoortortaqarfik suliffeqarfissuaq akimorlugu sulivoq, suliffeqarfissuup teknikkimut tunngasortai aallaavigalugit aammalu teknikkimut tunngasunik ingerlatsineq toqqaannartumik ikiugaralugu ilaatigut makkuninnga:
-       Iliuusissanut pilersaarusiornermik ineriartortitsineq
-       Pilersaarutinik ungasinnerusoq aammalu suliffeqarfimmi immikkoortortat assigiinngitsut eqqarsaatigalugit suliaqarneq
-       Suliassanik aammalu suliassat allattorsimaffiannik aqutsineq
-       Atortulersuutinik ilusilersuineq
-       Ingerlatsinernik pitsanngorsaaneq

Piginnaasatit:
Ingerlatanik paasinnilluartuunissat aammalu ingerlanut pitsanngorsaataasinnaasunik ilanngutsitsinissamik misilittagaqartuunissat naatsorsuutigineqarpoq. Nammineersinnaassuseqassaatit, suliffeqarfissuarlu akimorlugu ungasinnerusoq eqqarsaatigalugu anguniakkat tappiffigissagitit. Tamatuma iliuusissatut pilersaarusianut suliniuteqarnernullu, illit iliuuseqarnikkut atuutsinneqalernissaannik peqataaffigisannut, saatsinnissaa sapinngittariaqarpat.

Atorfimmut inuttaliunneqartussaavoq inuk suliffeqarfissuarmi sulisunik tamanik suleqatiginnissinnaasoq, aammalu suliaqarfinni ataasiakkaartuni ineriartortitsisariaqarnermik paasinninnissamik pilersitsisinnaasoq.

Suliffeqarfissuarmi tamarmi immikkoortortani pisortat suleqatigalugit, suliffeqarfiup ingerlataanik suliaqarnermi aallaqqaataaniit naammassinissaasa tungaanut suliavit ilaatut naatsorsuutigineqarpoq aallarniisuullutillu ataqatigiissitsisinnaassasutit.

Naatsorsuutigaarput:
·      Ingerlatanik pitsanngorsaanernik ilisimasaqarluartuusutit aammalu proces frameworkinik assigiinngitsunik ilisimasaqartutit
·      Aalajangiinerit eqqornerpaat aalajangerneqartarsinnaaqqullugit suleqatit ilisimasannik paasissutissaataannillu aalajaallisaasinnaasutit
·      Sulianik iluatsittunik aqutsinermik misilittagaqartutit
·      Sivisunerusumik ilinniagaqartuusutit, soorlu ingeniøritut assigisaanilluunniit
·      Qallunaatut oqalussinnaassaatit aammalu tuluttut qaffasissumik oqalussinnaassallutit. Iluaqutaassaaq kalaallisut allallaqqissuullutillu oqallorissuuguit.

Ilinnut neqeroorutigaavut:

  • Atorfik akisussaaffilik, sunniuteqarfiusoq assigiinngiiaartunillu suliassaqarfiusoq

  • Atorfik suliffeqarfimmi pissanganartumik

  • Akissarsiat ataatsimoortut piginnaasannut naleqquttut

  • Suliamut tunngasunik inuttullu ineriartornissamut periarfissat pitsaasut. 

Atorfik pillugu apeqqutissaqaruit, Teknikkimut IT-mullu pisortaq Jonas Hasselriis attavigisinnaavat e-mail: Joha@telepost.gl imaluunniit tlf. +299 386310-mut.

Ulloq sulilerfissaq:
Piaarnerpaamik imaluunniit isumaqatigiissuteqarnikkut.

 Soqutiginarpa?
’Atorfiit inuttassarsiukkat’ ataanni atorfik internetikkut qinnuteqaatigiuk ugguuna www.telepost.gl, kingusinnerpaamik 20. september 2017. Qinnuteqaatit tigugaangatsigit suliarisarpagut, aammalu piginnaatippugut ulloq qinnuteqarfissaq nallertinnagu atorfimmut piukkunnarsinnaasumik oqaloqateqarumasinnaanermut.