Skip to main content
80

Dette jobopslag er udløbet

TELE-POST Aasiaat Radiomut radiooperatørimik sulisussarsiorpoq

Attaveqatiginnissinnaaneq piginnaaneqarfigaajuk? Eqaatsumik suleriaaseqarpit aammalu ataqatigiissitsinermik suliaqarneq nuannarisaraajuk? Tassanngaannaq pisoqartillugu eqqissillutit sullissisinnaavit? Radiooperatørip Aasiaat Radioatigut nakkutilliinermi aammalu sianertunik akisinermi nalinginnaasumik suleqatigisarpai radiokkut kiffartuussinermik sullissisut.

 

Suliassaqarfitit:
Aasianni radioqarfiup Kalaallit Nunaanni umiarsuit angalasut radiokkut attaveqarnerannik ingerlatsineq isumagisarivaa.
Ilaatigut makku ilanngullugit:

  • Umiarsuarnit akiliuteqarluni radiokkut attaveqarnernik ingerlatitseqqinneq

Imaatigut angalasut isumannaatsuutinneqarnissaannik radiokkut kiffartuussineq, tassunga ilanngullugu
- umiarsuit ajornartorsiortut
- umiarsuit aamma umiatsiaaqqat motooriminnik ajornartorsiutillit
- umiarsuarnik ujaasineq
- Isumannaallisaanermi nalunaarutit, tassa:

* Anorersuarnissaanik-, anorsarinnissaanik- aamma sermernarnissaanik aarlerisaarutit

* Imarsiortunut mianersoqqussutit

* Kiffartuussinermi nalunaarutit

  • Umiarsuit Kalaallit Nunaanni angalasut nakkutigineqarnerat
  • Umiarsuarnut Kalaallit Nunaannut aamma Kalaallit Nunaanniit angalasunut GREENPOS-nalunaarutinik ingerlatitseqqinneq
  • Immikkut kiffartuussinernut normunut 153-imut 154-imut silassamik immiussineq
  • GSM 112 aqqutigalugu ikiortissarsiortunik ingerlatitseqqinneq
  • Kalaallit Nunaata sineriaa tamakkerlugu aamma Tasiilap eqqaani radiokkut tigooraasunik amerlasuunik nakkutilliineq
  • Angalasunik Aasiaat Radioanut attuumassutilinnik nakkutilliineq

 

Radiooperatørip suliassai pingaarnerit tassaapput:

  • Radiokkut tigooraasut amerlasuut tusarnaarnissaat
  • Umiarsuit attaveqartut akinissaat
  • Radiop oqarasuaataanik paarsineq, tassunga ilanngullugit 112 aamma 130
  • Aallakaatitsineq:
  1. Angalasunut nalunaarutit
  2. isumannaallisaanermi nalunaarutit
  3. Ujaasinerit
  4. Kiffartuussinermi nalunaarutit

* Qarasaasianik, printerinik aamma allaffimmi atortunik allanik misissuineq

* Allaffimmi suliassanik allanik suliaqarneq

 

Malittarisassat aamma najoqqutassat nunani tamalaani atorneqartut pissutigalugit nutserinermi suliassanik suliaqartarnissaq naatsorsuutigineqartariaqarpoq, tuluttut, kalaallisut aamma danskisut oqalussinnaasussaagatta.

 

Neqeroorutigaavut:
Naatsorsuutigaarput allaffimmiutut tunuliaqutaqassasutit, assersuutigalugu TNI HK’itut, taamaalillutit allaffimmi suliassat nalinginnaasut ilisimassallugit. Aamma taamaalillutit  qarasaasiatigut atortut nalinginnaasut ilisimasaqarfigalugit. 
Piumasarineqassaaq radiomut malittarisassat nalinginnaasut ilisimassagitit, tamannalu ima isumaqarpoq radiocertifikateqarlutilluunniit radiomik pikkorissartariaqassagavit, uagut isumagisassatsinnik. Atorfinitsitaanermut atatillugu sungiussiniarnissamut piffissap sivisuup  atorneqarnissaa naatsorsuutigineqartariaqarpoq. Nalinginnaasumik sapaatit akunneri pingasut aamma sisamat akornanni qanimut ilitsersuisulerluni ilinniartitsinermut atortarpavut.

Aasiaat Radio suliffeqarfiuvoq ukioq kaajallallugu ulloq unnuarlu sulisoqartussaq.


Taamaattumik assersuutigalugu juullimi, påskikkuni imaluunniit arnaqquassaarfimmi sulisoqartarpoq. Nuannariinnarlugu oqaatigalugu 365 -24*7. Kalaallit Nunaata sineriaani tamarmi angalasut, tassunga ilanngullugit umiarsuit takornariartaatit aamma nunanit tamalaaneersut tamaasa isumannaatsuutinneqarnissaannik radiokkut sullissineq ulluinnarni isumagisaraarput.

Soqutigaajuk?
Atorfik www.telepost.gl-ip ataani ’Atorfiit inuttassarsiukkat’ iserfigalugu qinnuteqaatigiuk kingusinnerpaamik ulloq 24. september 2017.

Naatsorsuutigaarput 1. oktobari 2017 isumaqatigiissuteqarnikkulluunniit atorfinitsisoqarsinnaassasoq.

Atorfik pillugu annertunerusumik paasisaqarusukkuit Angallannermut aqutsisup Bo Mogensenip attaveqarfiginissaanut tikilluaqqusaavutit, oqarasuaammut +299 38 69 80-imut imaluunniit mailimut: bm@telepost.gl 

Akissarsiat aamma atorfinitsitaanermi atugassarititat:
Atorfinitsitsineq pissaaq Namminersorlutik Oqartussat aamma SIKp imaluunniit Namminersorlutik Oqartussat aamma Radiotelegrafist foreningen af 1917-ip akornanni isumaqatigiissutit naapertorlugit.