Skip to main content
88

Dette jobopslag er udløbet

Suliassanut aqutsisoq – sakkortusaavinnik nutaanik pilersaarusiorusuppit?

Kalaallit Nunaanni tamarmi nalunaarasuartaatitigut aallakaatitsinermik pitsanngorsaaqataagit. Tassani nalunaarasuartaatitigut attaveqaasersugaanitta siunissamut qulakkeerneqarnerani suliassanut aqutsisuussaatit ingerlatseqataallutillu – aammalu qaqqatsinnut portusoorsuarnut helikopterimik angalaqataatittassallutit.

 

Aasamut 4G-mut atortunik siaartiterisussanngorpugut aammalu sakkortusaaviup aammalu imaatigut kabelitta annertusarneqarnissaanik sulineq aallartissallutigu internetitta mobilinullu attaveqaatitta sukkatsissutigisassassaannik – suliassaq pingaarutilik unamminartorlu illit ilusileeqataaffigisinnaasat.

 

TELE-POST – inuit akornanni ikaartarfiliivugut
Aallakaatitsinermik suleqatigiiusunut Nuummi, Kalaallit Nunaatalu Kujataani Avannaanilu agguataarsimasunut aallakaatitsinermut attaveqaasersugaanermullu immikkoortortaqarfiup ilaani 35-ullutik sulisunut suleqataalissaatit. Tassani sulinermik ataqatigiissitsinermi suliaqarnermi pingaarutilimmik suliaqassaatit, tassalu sakkortusaavimmik nutaamik sanaartornermik aammalu qaammataasamut attaveqarnitsinnut atortunik nutaanik pisiniarnernut.

 

Suliamik ingerlatsinerup nalaani Transmissionsteknikerinik aammalu aqutsisoqatigiinnik qanimut suleqateqassaait. Peqatigiillusi Kalaallit Nunaanni attaveqaqatigiinnermut attaveqaasersuinerup siunissamut qulakkeerneqarnissaanut pingaaruteqarluinnartumik suliaqassaasi.

 

Aallakaatitsinermik sulianik ingerlatsissuutit – Nuummi allaffeqarfimmiit aammalu qaqqaniit
Piffissap annerpaartaa Nuummi allaffinniit ingerlatsiffigissavat, piffissalu 20%-iata missarpiaa sakkortusaavitsinni 60-iusuni linkeqarfitsinnik alakkaanernut peqataasassaatit. Helikopterimik illit teknikerillu qaqqat qaavinut angalasassaasi, illillu suliassaraat pinngortitap peqqarniitsup teknikkillu imminnut suleqatigiissinnissaat.

Attaveqaasersugaanermut illiuvoq qulaaniit isiginnittussaq. Imatut paasillugu:

  • suliassaq A-miit Z-imut allaaserisassavat aammalu periusissiat tigussaasunngortissallugit – taakkununngalu atasumik missingersuutit aammalu ajutoortoqarsinnaaneranik aammalu aningaasanik atuineq eqqarsaatigisussaallugit
  • sakkortusaaviit linkiinik naatsorsuusiortassaatit, signalit angusinnaasaat sakkortussusaallu il.il. nakkutigisinnaajumallutigit
  • suliassat inuttassaqartinnissaannik isumaginnissaatit pilersuisorisatsinnillu attaveqatassallutit
  • suleqatinik aammalu pilersuisunik avataaneersunik ullut tamaasa ataatsimeeqateqarneq.

”Manna suliassaavoq pissanganarluinnartoq pingaaruteqarluinnartorlu, illimmi allaat nunaqarfiit isorliunerpaat attaveqaatinut signaleqarnissaat attaveqarnissaallu qulakkeerinneqataaffigissavat. Best practice qulakkeerumallugu PRINCE2 sulinitsinni atorparput, sulialli sinaakkutaasa iluani illit annertuumik kiffaanngissuseqassaatit. Taamaattumik suleqatitillu sulianik ingerlatseriaatsitsinnik ineriartortitseqataanissarsi qilanaaraarput,” immikkoortortaqarfimmi pisortaq Kim Zinck oqaluttuarpoq.

Suliassanut aqutsisoq teknikkimut pikkorissoq qulaaniit pitsaasumik isiginnissinnaassusilik
Pitsaasunik piginnaaneqarluartuunissat aammalu suliani soqutigisalinnut assigiinngitsunut qanoq naatsorsuuteqarninnik oqaatiginnissinnaanerit pingaaruteqarpoq. Tamanna ilutigalugu suliamik ingerlatsinernut tamanut pitsaasumik paasinnissimasassaatit aammalu suliap naammassineqarfissaanik ullormik qaangiinnginnissaq pingaartitarilluinnassallugu. Tamakku saniatigut naatsorsuutigaarput:

  • ingeniøritut assigisaanilluunniit ilinniagaqartuunissat aammalu teknikkimit annertuumik paasisimasaqartuunissat
  • atorfimmit assingusumit ukiuni arlalinni misilittagaqartutit, ajornanngippat nalunaarasuartaaserinermik suliaqarfimmiit – ilinniakkannilli naammasseqqaajusimaguit piginnaaneqarluarlutillu, aamma illit tusarfigerusuppatsigit
  • PRINCE2 atorlugu sulinermut allagartaqartutit – taamaanngippat pikkorissarnissannik neqeroorfigaatsigit
  • IP-mut, Cisco-mut, sakkortusaaviit aamma imaatigut kabelimut/qaammataasanut attavinnut linkinik paasisimasarnissat, tamakkununnga ilanngullugit aallakaatitsinernut atortulersuutinut Ericsson Minilink & LH-meersunut aammalu imaatigut kabelimut Huawei-ip atortuisa kiisalu qaammataasat atortulersuutaasa eqiteruffiinik paasisimasaqarnissat
  • qallunaatut tuluttullu oqalussinnaasutit – iluaqutaassaaq piumasaqaataananili kalaallisut oqalussinnaanissat.

 

Uatsinni suliffimmi qaffakkiartorusuppit?
Atorfik pillugu apeqqutissaqaruit Kim Zinck TELE-POST-imut attavigisinnaavat ugguuna: tlf. +299 535700. Jobindex atorfimmut uunga sulisussarsiornermi suleqatigaarput. Sulisussarsiornerup ingerlanneranut apeqqutissaqaruit Jobindex-imi IT-mut tunngasunik sulisussarsiornermut siunnersorti Søren Møller uunga attavigisinnaavat: tlf. 88 63 00 28.

 

https://www.jobindex.dk/jobannonce/korrektur/294280?utm_source=jobindex&utm_medium=email&utm_campaign=flow aqqutigalugu CV-t qinnuteqaatillu nassiutikkit. Sapinngisamik piaarnerpaamik atorfinittoqassaaq, sulisussarli piukkunnarnerpaaq soorunami utaqqissavarput.

 

Tusarfiginissat qilanaaraarput.