Skip to main content
83

Dette jobopslag er udløbet

Senior VMware-konsulentimik pissarsiorneq

Vmwaremik aamma Microsoftimik attaveqaateqarnerup iluani piginnaaneqarpit suliffissarlu immikkut illuinnartoq suliffigilerusuppiuk?

 

SULIFFEQARFIK
TELE-POST-ip Kalaallit Nunaata innuttai nalunaarasuartaatitigut attaveqaqatigiinnermik, IT-mik aammalu allakkerinermik sullitarai. Teknologii nutaanerpaaq atorlugu imaappoq nunaqarfik minnerpaarluunniit bredbåndikkut interneteqartinneqarlunilu avammut telefonikkut attaveqartinneqarpoq. TELE-POST katillugit 460-inik sulisoqarpoq, taakkunanngalu 10-t immikkut ilisimasaliupput Datacenter & IT-mik sullissinermik. Ineriartortitsinermik nutaamik pilersaaruteqarnerup ilaatut TELE-POST-ip IT-mik suliassat nutaat arlallit pissanganartullu suliarilerpai, ilaatigut datacenterimut sullissivik nutaaliaalluinnartunik atortulik nutaaq suliarineqartussaalluni. Taamaattumik VMware-konsulentimik pikkorissumik sulisussarsiorpugut.

ATORFIK
Ilusilersorneqarnera sunniuteqarfigisinnaavat aammalu Kalaallit Nunaanni attaveqaasersugaanerup nutaaliaalluinnartup siunissamut qulakkeerinniffigineqarnera sunniuteqarfigisinnaassallugu. Senior VMware-konsulentitut datacenterip Kalaallit Nunaanni innuttaasut 56.000-it akornanni attaveqarnermik pilersitsisup nutaap ineriartortinneqarnerani siuttunut ilanngutissaatit. Nuummi aalajangersimasumik suliffeqarlutit datacenterip nutaap ineriartortinneqarneranut ingerlanneqarneranullu qitiusumik akisussaaqataalissaatit. Suliarisassavatit allagartalersuinerit, siunnersuineq aammalu suleqatigiinnut ulluinnarni pilersaarutaasunik suliassanillu suliaqarnermik aalutalinnut peqataalissallutit.

Suleqatit isumasioqatigisartagassat piukkunnarluartut, persuarsiorfiuvallaanngitsumik avatangiiseqarluni suliatigut inuttullu ineriartorfiginissaat periarfissaqarfigilluassavatit. Tamanna ilutigalugu naatsorsuutigaarput suleqatigiinni suleqatigiilluarnissamut suliniaqataassasutit ilisimasannillu ilitsersuussisassasutit.

Tamakku saniatigut suliffeqarfiup neqeroorutigai:

  • Suliffeqarfimmi pissanganartumi atorfimmi ataasiinnaavimmik sammiveqartumi mattusimaffiunngitsumi, suleqatigiinni suliaminnik ilisimasaqarluartut pikkorilluinnartullu akornanni suleqataalernissaq. Suleqatigiit suliffeqarfiullu iluani sulianni ineriartornissamut sammivigisinnaasannut ilinniarusussutsimik soqutiginninnerit sulerusussuseqarnerillu aqutsisuussapput
  • Soqutigisatit pisariaqartitatillu tunngavigalugit suliaqarfiit suliamut attuumassutillit iluanni allagartaqalersinnaaneq
  • Ilinniaqqinnissamut periarfissinneqarsinnaaneq
  • Sulinerit piginnaasatit tunngavigalugit naleqqussarsinnaavat, taamaalilluni atorfik unamminarlunilu pissanganarsinnaassaaq qanorluunniit ittumik tunuliaqutaqaraluaruit
  • Kalaallit Nunaannik misigisaqarnissamik periarfissaq immikkut illuinnartoq, suliannut atasumik aammattaaq ineriartorluarfigisinnaasat suliffimmi avatangiiseqarlutit periarfissanik nutaarluinnarnik ilinnik periarfissiiffiusunik
  • Akissarsiat ataatsimoortut suliannut piginnaasannut tulluarsakkat.

 

INUMMUT TUNNGASUT
Inuttut ammasuussaatit aammalu suliffimmi teknikkimut tunngasunik oqimaatsunik suliaqarfiusumi ilisimasanik allanik avitseqatigiiffiginninnissamik inissaqartitsiffiusumi sulerusussuseqarnermik nuannarinnittuussallutit. Suliffimmi piginnaasannik tamanik atuiffiusumi sulerusussuseqarluarnissat aammalu misilittakkannik sammivinnut arlalinnut sammiveqartumik annertusaanissat kissaatigissavat.

Ilisarnaatitit ilaatigut makkuussapput:

  • Atorfimmut assingusumi ukiuni arlalinni misilittagaqarneq
  • Vmwaremut ataatsimik arlalinnilluunniit allagartaqarneq
  • Linux-imik ilisimasaqarluarneq
  • Suliffeqarfimmi annerusumi attaveqaateqarnermik annertusaanermik ilusilersuinermillu misilittagaqarluarneq
  • Datacenterimik ineriartortitsinermik misilittagaqarluarneq
  • Qallunaatut tuluttullu attaveqaqatigiilluarsinnaaneq. Kalaallisut aammattaaq taamatut piginnaaneqarneq iluaqutaassaaq, tamannali piumasaqaataanngilaq.

 

 

QINNUTEQAAT
Qinnuteqaatit tigusagut ataavartumik nalilersuiffigisarpagut, taamaattumik atorfik qinnuteqaatigiuk ugguuna.

Atorfik pillugu apeqqutissaqassaguit, Seniorkonsulent Klaus Bendixen attavigisinnaavat uunga 60 20 45 46 imaluunniit kb@scr.dk. Qinnuteqaativit atuarnissaa qilanaaraarput.