Skip to main content
93

Dette jobopslag er udløbet

Senior Cloud-konsulent

Siunissami datacenterimut Cloud-imut siunnersortimik immikkut akisussaaffilimmik pissarsiorneq

MS Cloud-imi aaqqiinerit immikkut misilittagaqarfigivigit aamma siunissami datacenterimik illit suliarinneqataarusupput? Taava periarfissaq aajunarpiaq.

TELE-POST IT-ip tungaatigut suliniutinik pissanganartunik nutaanik aallartitsilerpoq, illit tassani attaveqaasersuineq pilersinneqartussaq sunniuteqarfigissallugu. Illit pingaaruteqartumik inissisimassaatit ilisimasatit tunngavigalugit TELE-POSTimi Cloud pillugu eqqarsartaaseq tamakkerlugu sinaakkutissat suliarissallugit.

Illit isumassarsiullaqqissuuvutit
TELE-POSTimi suliaq pissanganartoq aallartinneqarpoq tassa datacenterip aallaavittut maannakkut pioreersup taarserneqarnissaa nutaaliaalluinnartumut MS aamma Linux-imut aaqqiinermut. Cloud pillugu Siunnersortitut immikkut akisussaaffilittut datacenterip nutaap ineriartortinneqarneranut aamma ingerlanneqarneranut qitiusumik akisussaaqataassaatit. Illit suliassatit assigiinngitsuussapput soorlu siunnersuisarnerit, suliassanik ingerlanneqartunik aaqqiinerit, suliniutinik suliaqarneq aamma uppernarsaasersuinerit.

Uagut illit pillutit neriuutigisavut:

  • Ikinnerpaamik ukiuni tallimani atorfimmi assingusumi misilittagaqarneq
  • MS Cloud pillugu aaqqiinernut (Azure, Office 365) sukumiisumik ilisimasaqarneq
  • Illit netværkimik pilersitsinermik aamma aaqqissuunneqarneranik annertuumik ilisimasaqarputit
  • Paasissutissanik isumannaatsuutitsinermik suliaqarnermut tunngatillugu atituumik ilisimasaqarputit
  • Cloud pillugu ingerlatsinermut misilittagaqarputit aammattaaq applikationit ilanngullugit
  • Attaveqaqatigiinneq piginnaasaqarfigilluarpat danskisut aamma tuluttut, kalaallisut iluaqutaassaaq piumasaqaatigisanulli ilaanngilaq

Illit inuttut inussiarnersuuvutit avatangiisillu ilisimasanik ingerlatiteqqiffiusut suleqatigiit teknikkimut tunngasunik annertuunik suliallit akornanni sulineq kajuminnartuutillugu. Illit sumiiffimmi ilisimasavit tamarmik atornissaannut inissaqartitsiffiusumi sulinissat kissaatigaa, tamatumunnga ilutigitillugu illit periarfissaqarusupputit misilittakkavit assigiinngitsutigut annertusarnissaannut.

Suliatigut ineriartorneq IT-mi suleqatigiit pikkorissut akornanni
Uagut TELE-POST-imi suleqatigiit katilluta 460-iuvugut, illillu immikkoortortaqarfimmi Teknik & IT aamma Datacenter & IT-mik sullissinermi peqataalissaatit, tassaniipput isumannaallisaaneq, Oracle, Linux aamma MS pillugit immikkut ilisimasallit qulit. Illit tassani suliatigut sammisanut amerlasunut sunniuteqarnissannut akuerineqassaatit aamma nutaanik misilitaqarnissamut.

Sullivimmi ilumoorsaarnanngitsunik avatangiiseqarlutit suliatigut aamma inuttut ineriartornissannut periarfissaqarluassaatit aamma pikkorissunik isumasioqateqarnissamut periarfissaqassallutit. Tamatumunnga ilutigitillugu naatsorsuutigaarput illit suleqatigiit suleqatigiilluarnissaannut peqataalluartuunissat aamma ilinniartitsisinnaanissat.

  • Illit piginnaanitit tunngavigalugit qanoq inissisimanissat tulluarsassavarput, taamatut atorfik unamminartorsiornarfiullunilu pissanganartuussalluni, tunngavigisatit qanorluunniit ikkaluarpata.
  • Soqutigisatit aamma pisariaqartitatit tunngavigalugit suliatigut assigiinngitsutigut akuersissutinik pissarsiaqarnissannut periarfissaqassaatit.  

Soqutiginnippit?
Atorfik qinnuteqarfigiuk ugguuna paasissutissat ilinnut tunngasut (CV) kiisalu qinnuteqaatit nassiullugu.

Atorfik pillugu apeqqutissaqaruit tunuarsimanak Sulisussarsiortarnermut immikkut Ilisimasalik Betina Knøfler mailikkut attaveqarfigiuk: betina.knoefler@hartmanns.dk imaluunniit telefon +45 41211358.

Hartmanns sulisussarsiornerup ingerlanneqarnera isumagisaraat, taamaattumik suut tamaasa saaffiginnissutit tassunga innersuunneqarput. Ingerlaavartumik qinnuteqartut atorfimmut piukkunnartut oqaloqatigiinnissamut aggeqqusarpavut, qinnuteqaateqartut piukkunnartut piffissap qinnuteqarfissap naannginnerani aggersaasarnissamut immitsinnut periarfissilluta. Ugguuna qinnuteqarit: http://hartmanns.dk/jobs/senior-cloud-konsulent-soges-til-fremtidens-datacenter

TELE-POSTimut tikilluarit
Kalaallit Nunaanni innuttaasut tele aqqutigalugu attaveqaqatigiinnermik, IT-mik aamma allakkerinermik ingerlatsinermik sullitarivagut. Sammisami teknologi nutaajunerpaap kinguneraa nunaqarfinni mikinerpaaq radioqarmat, tv, bredbånd-imik interneteqarmat aamma nunarsuarmut telefonikkut attaveqarnera.