Skip to main content
83

Dette jobopslag er udløbet

Nuummi allakkanik aatsisartut aqutsisoq

Allakkanik aatsisartunut aqutsisorisarput allamik misiliinissaq aalajangiussimammagu, TELE-POST atorfimmut ulloq 1. marts 2018-imiit isumaqatigiissuteqarnikkulluunniit atorfinittussamik taartissarsiorparput.

Allakkanik aatsisartunut aqutsisutut suleqatigiinni suliassanik naammassinninnissamut ikioqatigiilluartartuni atorfik pissanganartoq, unamminartulik allanngorartorlu atofittaarissavat.  

Sulimmut immikkoortortaqarfimmullu tunngasut:
Nuummi TELE-POST Centerimi Nassiussalerinermut immikkoortortaqarfik Facility management, poortukkanik, allakkanik nassiussanillu suliaqarfiuvoq. Katilluta sulisut 20-t missaanniippugut. Sullitatsinnut iluaqutissamik ingerlatsinerup pitsanngorsartuarnissaa anguniartuarparput.

Makku ilaatigut suliaqarfigissavatit:
• Sulisunik aqutsineq aamma ullormut suliassat pilersaarusiornerat

• Suliffiup avataani suleqatigisatsinnik attaveqarneq

• Nuussinernik, nassiussassat allagartaannik aammalu postboksinik aqutsineq

• Pitsaassutsimik misissuineq 

• Allakkanik, poortukkanik nassiussanillu ullormut suliaqarnernut peqataaneq

• Centerimi pisortap peqannginnerani taartaaneq

• Ataatsimiinnerit, ineriartortitsinerit pillugit oqaloqatiginninnerit 

• Centerimi qullersap innersuussutai malillugit suliassat allat  

Illit ilisarnaatitit: Inuttut isumassarsisitsisartuussaatit ammasuunerit pissutigalugu soqutiginninneq sunniuteqarluarsinnaanerillu takutissinnaallugu, taamaalillutit uppernassusilimmik, ersarilluinnartumillu isumassarsiaq sulinikkut piviusunngortissinnaallugu. Inuuvutit sullisserusussusilik suliassannillu peqqissaarussisoq. Tamakku ilutigalugit pisunik paasinnillaqqissuseqarputit aqutsinikkut saqqummertartunik. Suleqatit suleqatigalugit nioqqutissiornermi suliassat assassorluni annerusumik suliassaanissaat piarersimaffigivat.

Naatsorsuutigaarput suliamut attuumassutilinnik piginnaasaqartutit pitsaasunik (aamma linniarsimasakkut misilittagarisakkullu) , ajornanngippallu aqutsisutut misilittagaqassasutit. 

 

Tamakku saniatigut naatsorsuutigaarput:

• Allakkerinermik/nassiussalerinermik imaluunniit allatut taakkununnga attuumassutilimmik ilinniagaqarsimasutit

• Aqutsisuunissamut kajumissuseqartutit ulluinnarnilu sulinermut sullitanillu sullissinermut peqataarusussuseqartutit

• Ulapinnermik nuannarisaqartutit, tamanna ilutigalugu suliatit pitsaasumik suliarisinnaallugit

• Suleqatiginnilluarsinnaassuseqartutit ajunngitsumillu pissuseqartuullutit

• Sullitatta uatsinnut piumasaqaataat naapertorlugit paasisassanik nutaanik pissarserusuttuartuusutit 

• EDB-mik atuisinnaassasutit 

 Akissarsiat atorfinitsitaanermilu atugassarititaasut: Ilinnuinnaq sammititamik piginnaanitit naapertorlugit atorfinitsinneqarnermi isumaqatigiissusiortoqassaaq.  

Atorfik pillugu allanik paasisaqarusukkuit Centerimut pisortaq Susanne Kristensen  SUK@telepost.glimut imaluunniit +299 38 68 22-mut attavigisinnaavat.  

Qinnuteqaat: Atorfik soqutigigukku, taava qinnuteqaatit, CV-t allallu uppernarsaatit attuumassutillit TELE-POST-ip nittartagaatigut https://telepost.gl/tele-post-imut-tunngasut/suliffiit-ilinniarnerlu/suliffiit/atorfiit-inuttaqanngitsut kingusinnerpaamik nassiuguk ulloq 5. februar 2018.