Skip to main content
80

Nalunaarasuartaateqarnermik ingerlataqarnermut Pilersaarusiornermut pisortaq

Kalaallit Nunaata siunissaanut nalunaarasuartaaserinermik aningaasarsiuteqarnermi suliassanik pilersaarusiornernut aqutsinermik misilittakkatit iliuusissanik pitsaasumik paasisimasaqarnitit atukkit. Taamatut suliaqarninni suleriaasissanik aammalu pilersaarusiorneq eqqarsaatigalugu qanoq periaaseqarnissanik illit ilusiliinissat annertuumik kiffaanngissuseqarfigissavat – pingaarnerpaavoq suliffeqarfissuaq akimorlugu suliassanik pitsaanermpaamik tamatigut naammassinnittarnissarput. 

Kalaallit Nunaat allanngortipparput
TELE-POST-imi niuernermik ingerlatagut pingaarnerit aalluppagut: nalunaarasuartaateqarnermut kiffartuussinigut pitsassuarmik ingerlappagut. Tamatuma ilaatut iliuusissanut pilersaarusiorneq annertooq nioqqutitsinnullu tunngalluinnartoq suliaraarput, tamatumalu kingunerissavaa ukiut aggersut ingerlaneranni Kalaallit Nunaanni inuiaqatigiit akimorlugit allanngortoqarnerujussua.

Iliuusissanut pilersaarutip ilagaa atortoqarfitsinnut tamarmut aammalu nioqqutitsinnut annguttumik pilersuinitsinnik piuminarsaaneq, tamatuminngalu aaqqissuulluakkamik pilersaarusiornikkut aammalu suliassanik tulleriiaarinikkut piviusunngortitsinissamut illit qitiulluinnartumik inissisimassaatit. 

Suleqatigiinnut immikkut ilisimasalinnut siuttuunissaq
Pilersaarusiornermut pisortatut, immikkoortortaqarfik mikisunnguaq ilinniarluarsimasunik sisamanik-tallimanik Teknikkimik IT-millu suliaqarfik tamaat akimorlugu sulisunik sulisulik aqutsisuuffigissavat. Immikkoortortaqarfik ikiorsiisarpoq iliuusissanik ineriartortitsinermiit aammalu ungasinnerusoq eqqarsaatigalugu suliffiillu akimorlugit pilersaarusiornerniit, ingerlatanik pitsanngorsaanernut kiisalu pilersaarutinik suliassanillu aqutsinernut.

Illit immikkoortortaqarfigisat annertunerpaatigut Teknikkimut aamma IT-mut appakaaffiuvoq, tassalu aningaasarsiorneq eqqarsaatigalugu teknikkikkut pilersuinernik suliniutit tamarmik, illit nerrivinnut ilineqartarput immikkoortortaqarfinniillu qanoq pitsaassuseqartiginerat nalilersorneqartarpoq.

”Immikkoortortaqarfik iliuusissatta ilarpassuinut pingaaruteqaqaaq, siunnersortillu immikkut ilisimasalittut suleqatigiiusut ingerlatsinermik immikkoortortaasoq akimorlugu pisariaqartinneqarfimminni sulipput,” Teknikkimut IT-mullu pisortarput Jonas Hasselriis, illit qullersarisassat aammalu qanimut suleqatigiligassat oqarpoq.

Teknikkimut IT-mullu qullersamik ikiuineq 
Jonas-imik qanimut suleqateqarnerit aqqutigalugu, suliffeqarfik akimorlugu suleqatigiinnermik ilaatigut qulakkeerinneqataavutit. Misilittakkatit aammattaaq atussavatit iliuusissanik ineriartortitsinermut immersueqataanikkut, soorlumi suliassat allattorsimaffiannik nutarterinitsinni aammattaaq immersueqataasartussaasutit.

”Uannut tapertaasarnissat unammillersinnaassuseqarnissallu pingaaruteqarpoq, aammalu teknikkimut ilisimasaqarnerit atorsinnaalluarsinnaassagit aalajangiisoqartussanngortillugu. Tamanna ilutigalugu inuk aaqqissuussillaqqissoq aammalu suliassanik pilersaarusiornermi tulleriiaarillaqqissoq – aammalu Teknikkimik IT-millu suliaqarnermut tunngatillugu suleqatigisarpassuarnik suliaqarsinnaasoq – pisariaqartippara,” Jonas itisiliivoq.

Sulisunik aqutsinermik misilittagaqarluartoq kiisalu teknikkimik paasisimasaqarluartoq
Aalajangernissaq pitsaanerpaaq aalajangerneqartussaatillugu, aqutsisutut suleqatigisatit akuliutsittuaannartussaavatit. Ilisimavat qaffasissumik sunniuteqartumik angusassat aalajangersimasut anguneqarsinnaasullu qanoq nassuiarneqassanersut naammassineqassanersullu. Tamanna ilutigalugu suleqatigisannik aammalu suliffeqarfissuaq tamaat ataatsimut isigalugu suleqatigiissitsisinnaaneq annertuumik piginnaaneqarfigaat. Tassuuna allanngortitsinerup pilersitatta suliffeqarfissuarmi sorlanitsinnera qulakkeerinneqataaffigissavat.

  • Sivisunerusumik ilinniagaqarsimasuussaatit, ass. ingeniøritut – ajornanngippat assut piumavarput nalunaarasuartaaserinerup aamma/imaluunniit IT-mik suliaqarnerup iluani misilittagaqarnerit.
  • Aqutsinermik misilittagaqarputit aammalu aqutsisutut inissisimaneq nuannarisuullugu – aamma eqqortumik aalajangiinissamut ilisimasat suleqatinniillu paasissutissat aalajaallisarnissaat paasisimasaqarifigissavat.
  • Suliassanik aqutsinernut kiisalu iliuusissanik ineriartortitsinermut paasisimasaqarnermik peqarlutit paasisimannillutillu sulilissaatit.
  • Qallunaatut tuluttullu allassinnaallutillu oqalussinnaassaatit – kalaallisullu oqalussinnaaguit tamanna iluaqutaassaqaaq.

Soqutiginartippiuk?
Jobindex atorfimmut uunga sulisussarsiornermi suleqatigaarput. Sulisussarsiortarnerput pillugu qanoq ingerlatsisarnerput atuarsinnaavat uani. Qanoq ingerlatsisoqartarneranut tunngatillugu apeqqutissaqaruit Jobindex-imi sulisussarsiornermut siunnersorti Søren Møller tlf. 88 63 00 28-mut attavigisinnaavat. Atorfik pillugu apeqqutissaqaruit Jonas Hasselriis tlf. +299 55 55 62-imut attavigisinnaavat.

Qinnuteqaatit CV-llu ullumikkut nassiutikkit innersuussissut ataani allassimasoq aqqutigalugu. Piaarnerpaamik atorfinittoqassaaq, sulilersussarli eqqortoq soorunami utaqqissavarput.

Tusarfiginissat qilanaaraarput.

Atorfik uani qinnuteqarfigiuk