Skip to main content
93

Cloud tunngavigalugu datacenterimut nutaamut Senior Cloud-konsulentissarsiorneq

Microsoftip Cloud-inik periarfissiissutaanik sungiussisimalluartuuit aammalu Kalaallit Nunaanni siunissami datacenterissamik sananissaq peqataaffigerusuppiuk? Taamaassimappat suliakkut inuttullu misigisassatit allaanerit maannakkut immikkut illuinnartumik periarfissaqarfigilerpatit.

 

SULIFFEQARFIK
TELE-POST-ip Kalaallit Nunaata innuttai nalunaarasuartaatitigut attaveqaqatigiinnermik, IT-mik aammalu allakkerinermik sullitarai. Teknologii nutaanerpaaq atorlugu imaappoq nunaqarfik minnerpaarluunniit bredbåndikkut interneteqartinneqarlunilu avammut telefonikkut attaveqartinneqarpoq. TELE-POST katillugit 460-inik sulisoqarpoq, taakkunanngalu 10-t immikkut ilisimasaliupput Datacenter & IT-mik sullissinermik, tassungalu maanna Senior Cloud-konsulentimik MS-teknologiinik suliaqartussamik pissarsiorpugut.

TELE-POST-ip IT-mik suliassat nutaat arlallit pissanganartullu suliassarai, siunissamilu attaveqaasersuinissamik sunniinissaq periarfissaavoq. Pingaarutilimmik inissisimassaatit, ilisimasatit tunngavigalugit TELE-POST-imi Cloud-imik suliaqarnermi eqqarsaateqarnerit tamaasa sinaakkusersornissaannut peqataassallutit.

 

ATORFIK
Attaveqaasersuinermik inerisaanerup ilaatut, datacenterimi sullissiviup maannakkut piusup nutaaliaalluinnartunut Microsoftip aamma Linuxip atortuinut taarsersuineq TELE-POST-ip suliassaq pissanganartoq aallartippaa. Senior Cloud-konsulentitut datacenterip nutaap ineriartortinneqarneranut ingerlanneqarneranullu qitiusumik akisussaaqataalissaatit. Assigiinngitsorpassuarnik suliaqartassaatit, soorlu siunnersuineq, suliassanik aaqqiiniarneq, pilersaarutaasunik suliaqarneq allagartalersuinerlu.

Suleqatit isumasioqatigisartagassat piukkunnarluartut, persuarsiorfiuvallaanngitsumik avatangiiseqarluni suliatigut inuttullu ineriartorfiginissaat periarfissaqarfigilluassavatit. Tamanna ilutigalugu naatsorsuutigaarput suleqatigiinni suleqatigiilluarnissamut suliniaqataassasutit ilisimasannillu ilitsersuussisassasutit.

Senior Cloud-konsulentimut nutaamut neqeroorutigaavut:

  • Suliffeqarfimmi pissanganartumi suleqatigiinni suliaminnik ilisimasaqarluartut pikkorilluinnartullu akornanni suleqataalernissaq
  • Soqutigisatit pisariaqartitatillu tunngavigalugit suliaqarfiit suliamut attuumassutillit iluanni allagartaqalersinnaaneq
  • Ilinniaqqinnissamut periarfissinneqarsinnaaneq
  • Piginnaasatit tunngavigalugit atorfinni suliassatit illit nammineq sunniuteqarfigisinnaanerat
  • Kalaallit Nunaannik misigisaqarnissamik periarfissaq immikkut illuinnartoq, suliannut atasumik aammattaaq ineriartorluarfigisinnaasat
  • Akissarsiat ataatsimoortut suliannut piginnaasannut tulluarsakkat.

 

INUMMUT TUNNGASUT
Ammasuunissat pingaaruteqarpoq, aammalu suliffimmi teknikkimut tunngasunik oqimaatsunik suliaqarfiusumi suleqatigiinnermik nuannarisaqartuussallutit. Suliffimmi piginnaasannik tamanik atuiffiusumi sulerusussuseqarluarnissat aammalu misilittakkannik sammivinnut arlalinnut sammiveqartumik annertusaanissat pisariaqarpoq.

Naatsorsuutigaarput:

  • Atorfimmut assingusumi ukiuni arlalinni misilittagaqartutit
  • MS Cloud-imik suliassani (SCCM, Azure, Office 365 il.il.) suliaqarnermik piginnaaneqarluartutit
  • Attaveqaatinik annertusaanermik ilusilersuinermillu misilittagaqartutit
  • Paasissutissanik isumannaatsuutitsinermik suliaqarnermi siamasissumik ilisimasaqartutit
  • Cloud-imik periarfissap suliarineqarneranik misilittagaqartutit – aamma applikationimik suliaqarnerup iluani
  • Qallunaatut tuluttullu attaveqatigiissitsineq pikkoriffigissagit. Kalaallisut aammattaaq taamatut piginnaaneqarneq iluaqutaassaaq, tamannali piumasaqaataanngilaq.

 

QINNUTEQAAT
Qinnuteqaatit tigusagut ataavartumik nalilersuiffigisarpagut, taamaattumik atorfik qinnuteqaatigiuk ugguuna. Atorfik pillugu apeqqutissaqassaguit, Seniorkonsulent Klaus Bendixen attavigisinnaavat uunga 60 20 45 46 imaluunniit kb@scr.dk. Qinnuteqaativit atuarnissaa qilanaaraarput.