Skip to main content
89

Dette jobopslag er udløbet

STOK Poortuut K/S-imut Nuummiittumut tuniniaanermi siunnersorti

Attaveqarfinnut tuniniaanermik tunngavilersorluagaasumillu siunnersuisarnermik pingaartitsilluinnartuuit? Tuniniaanermik piginnaanivit suliffeqarnikkut qaffakkiartornissamut periarfissarissaarlutit avatangiisini nutaani ineriartortinnissaat kissaatigaajuk? Taava STOK Poortuut K/S-imut Nuummiittumut tuniniaanermi siunnersortitut atorfimmut nutaatut pilersinneqaqqammersumut piukkunnaateqarsinnaavutit.

 

STOK poortuutissaqarnikkut aaqqiissutissanik pilersuisuuvoq siuttuusoq poortueriaatsinilli torrallataanerusunik immikkut ingerlatseriaaseqarluni. Sunut tamanut webshoppimit mikisumiit suliffeqarfimmut annertuumik tunisassiortumut aaqqiissutissaqarpoq.

 

Stok Poortuut K/S Nuummi aallaaveqarluni nunani Issittumi sullitanik kiffartuussisuuvoq – Canada, Kalaallit Nunaat, Island aamma Savalimmiut. Sullitat assersuutigalugu tassaapput aalisakkanik suliffissuit, kilisaatit avataasiortut suliffeqarfiillu suliassaqarfippassuit allat iluanniittut.

 

Pisortaaneq toqqaannartumik qullersaralugu suliassat pingaarneq tassaassaaq Nuummi allaffik aallaavigalugu tuniniaanermik ineriartortitsineq. Najukkami sisamanik suleqatigiinnermik ikioqatigiinnermillu sungiussilluarsimasunik suleqateqassaatit.

Kalaallit Nunaata annersaani ukiumut ulluni 50-60-ini angalasarnissaq naatsorsuutigineqassaaq.

 

Tuniniaanermi siunnersortitut suliassatit pingaarnerit tassaassapput:

  • STOK-ip sullitaanut pioreersunut, isumagiassannut tunisaqarnerunermillu nukittorsaavigisassannut attaveqarnermik annertusaaneq
  • Tuniniaanermik suliniuteqartuarnikkut, niuernermut pitsaasumut pisariaqartitanillu ilisimasaqarluartumik qulaajaanermut piginnaaninnik takutitsillutit Kalaallit Nunaat tamakkerlugu sullitanngorsinnaasunut attaveqarnernik nutaanik ineriartortitsineq
  • Allaffiup ulluinnarni ingerlanneqarneranut peqataaneq (assersuutigalugu uninngasuutinik tuniniaanermik, allaffissornikkut suliassanik assigisaannillu suliaqarnikkut)
  • Ilaatigut pisortaanermik tuniniaanermi aaqqissuussaanerup, tuniniaanermi periusissat assigisaasalu annertusarnissaannut atatillugu suleqateqarneq.

 

Tuniniaasutut suliffeqarninni ingerlariaqqinnissamut sinaakkutissat pilerinartut

STOK Poortuut K/S ilaatigut makkuninnga neqerooruteqarpoq:

  • Nuummi aamma STOK Emballagep Fynimi qullersaqarfiani sukumiisumik ilinniartinneqarneq ilinniartitaanerlu
  • Poortuutissalerinermik suliaqarfimmi suliffeqarfissuit pilerinarnerpaartaasa ilaanni atorfik suliassatigut inuttullu ineriartoqqinnissamut annertuumik periarfissaqarfiusoq
  • Piareersimaleriartornerit ilutigalugu akisussaaffeqarnerulernissaq pillugu pilersaarutit tigussaasut
  • Danmarkimi suliffissuarnut takuniaajartortarneq
  • Suleqatigiinni suliassamik kivitseqatigiissuni qanimut suleqatigiinneq
  • Suliffeqarfiup siunissami tuniniaanikkut aaqquussaanissaanut tuniniaanermilu periusissaanut atatillugu siunnersuuteqarsinnaaneq
  • Aningaasarsiat ataatsimoortut unammillersinnaassuseqarluartut, aalajangersimasumik aningaasarsiat pitsaasut, soraarnerussutisiaqalernissamut aaqqissuussineq, peqqinnissakkut sillimmasiissutit, akeqanngitsumik oqarasuaateqarneq internetteqarnerlu allallu.

 

Qinnuteqartunut ullumikkut Nuup avataani najugaqartunut sulinngiffeqarnermi akiliunneqarluni angalaneq, atorfimmut atatillugu ineqartitaaneq, sulilernermi angalanermut pigisallu nassiunneqarnerinut akiliunneqarneq isumaqatigiissuteqarnissaq pillugu oqaloqatigiinnermut ilanngunneqarsinnaapput.

 

Tuniniaanermik piginnaasat attaveqarfinnut tuniniaanermik piginnaasaqarfiusut

Atorfinitsinneqartussatut piukkunnarnerpaaq makkuninnga ilisarnaateqassaaq:

  • Tuniniaanermik misilittagaqarneq attaveqarfinnullu tuniniaanermik piginnaaneqarneq
  • Pisariaqartitanik qulaajaanermik patajaatsumik piginnaasaqarneq, malartaatsuuneq tuniniaanermillu naammassisaqarsinnaaneq
  • Qularnanngitsumik niuernikkut ilinniagaqarsimasoq imaluunniit ilinniakkamik attuumassutilimmik tunuliaqutaqartoq
  • Qallunaatut tuluttullu oqaatsinik, ajornanngippallu kalaallisut piginnaasaqarluarneq
  • Nuummi najugaqareeruit attaveqarfinnillu ineriartortitsereersimaguit tamanna immikkut iluaqutaassaaq
  • Qarasaasiarsornermik piginnaasaqarluartoq (MS Office kiisalu C5 uninngasuutinik aqutsinermut akiligassiissutinillu suliaqarnermut atorneqarput)
  • Akisussaassuseqarnermik eqqumaffiginnittoq, aalajangiisinnaassuseqartoq
  • Avammut kiinneraartoq attaveqarfinnillu pilersitsisinnaasoq
  • Inissaqartitserpalaartumik eqaallisaarpaluttumillu pissusilersoriaaseqarluni iluaqutissamik isiginnittariaaseqartoq

Piffissaq tamaat atorfik sapaatip-akunneranut akunnerni 40-ni ataasinngornermiit tallimanngornermuunerusoq 0800-1700 suliffiusoq pineqarpoq. Qaanngiuttoortoqartarsinnaavoq. Aallartinnissaq qanimut isumaqatigiissuteqarnikkut sapinngisamik piaartumik pissaaq.

 

Soqutiginnippit?

Qinnuteqarnermi toortagaq CV-mik qinnuteqaatinnillu tunngavilersugaasumik nuussivigisinnaasat toorlugu atorfimmut qinnuteqarit.

Atorfik pillugu apeqqutissaqaruit Hartmanns sulisussarsiortarnermut siunnersorti Senior Rekrutteringskonsulent Mads Jakobsen mads.jakobsen@hartmanns.dk imaluunniit mobil +45 4121 1326 aqqutigalugit attaveqarfigisinnaavat.

 

Hartmanns A/S sulisussarsiornermik suliamik isumaginnittuuvoq, taamaattumi saaffiginnissutit tamarmik tassunga ingerlateqquneqarput. Qinnuteqartunik piukkunnaateqartunik oqaloqatiginninnissamut ingerlaavartumik aggeqqusissassaagut qinnuteqarnissamullu piffissaliussap naannginnerani qinnuteqartunik aggeqqusisinnaanermut immitsinnut piginnaatilluta.

 

Suliffeqarfik pillugu paasissutissat:

STOK Poortuut K/S 2015-imi tunngavilerneqarpoq qanittukkullu Nuummi sumiiffimmut nutaamut nuulluni, ullumikkullu tallimanik sulisoqarluni.

STOK Poortuut K/S Nuummiit aallaaveqarluni Issittumik tamarmik kiffartuussisuuvoq.

Suliffeqarfissuaq STOK 1978-imi tunngavilerneqarpoq, poortuutissatigut aaqqiissutissanik pilersuinermi siuttuulluni ullumikkullu Danmarkimi, Polenimi Kalaallit Nunaannilu katillugit 110-nik sulisoqarluni.