Skip to main content
96

Dette jobopslag er udløbet

Umiarsualivimmi ikiorti (havneassistent)

Nuummi umiarsuliviup ingerlanneqarnerani ineriarttinneqarneranilu suleqataarusuppit?

Sikuki Nuuk Harbour A/S umiarsualivimmi sulisorisanut ilaasussamik inummik allanut ammasumik pikkorillunilu sulisinnaasumik sullissatsinnik isumaginnittartussamik umiarsualivimmillu nakkutiginnittartussamik  pissarsiorpoq. Pisariaqartitarput avammut ammasumik pissuseqartuussaaq, suleqatikkuminartuussalluni aaqqiissutissanillu ujarlillaqqissuussalluni. 

Tamakakiisumik isiginnissinnaassuseqassaatit, taamak ittuunikkut suliat assigiinngisitaartut amerlasuut ataatsikkut ingerlasinnaassallugit, aamma ulapaarfiutillugu. Kiisalu nammineerlutit sulisinnaasuussaatit, akisussaaffinnik tigusisinnaassuseqassallutit aammalu isumaqatigiissutillu iluini aaliangiisinnaassuseqartuussallutit.

Suliassatit
Havneassitentitut suliassat allaffissornerullutillu aaqqissuussinernik imaqartassapput. Peqataaffigissavat ulluinnarni allaffimmi suliaqartarneq, ilaatigut umiarsuit sinniisuussullu oqaloqatigisassallugit, pilersaarusiortassallutit umiarsuillu tikinnissaannik ataqatigiissaarisassallutit kiisalu umiarsulivimmi nunaminertanik nakkutilliisassaatit, saliisassallutit nakkutiginnittassallutillu. Aamma sullississutinik allanik isumaginnittassaatit aamma umiarsualivimmut umiarsuillu akiliutissaasa akilerneqarnissaannik aqutsisassallutit kiisalu IPSP-imik isumannaarinninneq isumannaallisaanerlu, nakkutiginninneq, saliisarneq nakkutiginnittarnerlu isumagisassavatit.

Umiarsualivimmi IT-t atorneqartut atorlugit tulattussanik aqutsinermik akiligassiisarnermillu suliassanik sungiusarneqarlutillu ilinniartinneqarumaarputit. Kiisalu umiarsualivimmi allaffimmi sulisutut allatuulli piareersimasuullutit vagteqartartussaassaatit.

Piginnaaneqarfigalugillu ilinnarsimasassatit
Imaatigut angallannermut tunngasunik ilinniagaqarsimasuuguit pitsaaqutaassaaq imal. umiarsuilviit terminalillu ingerlannerinik mislittagaqartuussallutit. Kalaallisut, qallunaatut tuluttullu atuisinnaasuussaatit sungiusimassallugulu Microsoft Office atorlugu sulinissaq. Pingaartuuvoq, nammineq ingerlasinnaasuunissat, ulluinnarnillu nammineq suliassannik pilersaarusiorlutillu illusilersuisinnaanissat. Biilersinnaasuussaatit. Sulinerup nikerarsinnaaneranut piareersimassaatit, tassami nikerarsinnaasassammat.

Atorfik pillugu qinnuteqaat Umiarsualivimmi Allaffimmut tunniunneqarsinnaavoq aammali 24. juli 2017 tikitsinnagu allattoqarsinnaalluni uunga: sikuki@sikuki.gl.

Aningaasarsianut atorfinitsinneqarnermullu tunngasut
Aningaasarsiat atorfinitsinneqarnermullu tunngasutigut aaqqiinermi ilinniarsimasat/piginnaaneqarfigisat aaliangiisuussapput. Sapaatip akunneranut sulineq akunnernut 40-nut naatsorsuussaavoq inuttaliinissarlu piaarnerpaamik pissasoq kissaatigineqarluni.

Sukumiinerusumik paasiniaasinnaaneq
Havneassitentitut atorfimmut imminut piukkukkuit aammalu annertunerusunik paasisaqarumaguit, taava attaveqarfigisigut uunga sianerlutit +299 31 40 30. Tusarfiginissat qilanaraarput!

Sikuki Nuuk Harbour a/s pillugu paasiniaaffigiuk http://www.sikuki.gl.