Skip to main content
83

Dette jobopslag er udløbet

Tuniniaanermi siunnersorti Tusagassiorfimmut Sermitsiaq.AG-mut

Tuniniaaneq kiffartuussinerlu nuannaraagit? Ulluinnarni suliassarpassuaqarfiusumi periataarfiusariaqartumilu sulinissat orniginartippiuk? Taamaassappat immaqa illit ujaarivatsigit.

 

Tusagassiorfik Sermitsiaq.AG Nuummi tuniniaanermut immikkoortumi tallimanik sulisoqartumi sulisussarsiorpoq. Ulluinnarni suliatit tassaanerussapput tuniniaaneq, sullitatsinnik kiffartuussineq malitseqartitsinerlu. Suliassat assigiinngitsorpassuupput, nuna tamakkerlugu suliffeqarfissuit ussassaarinerini tuniniaanermiit ataqatigiissaarinermut aallarnisaasullu nutaat ussassaarusioqqaarneranni ikiornerannut. Sullitavut tamarmik uagutsinnut pingaaruteqarput tuniniaanermilu siunnersortitut sukkanerulaartunik sulinissannut piumassuseqartariaqarputit, sullitat minnerunngitsumillu sullitat utaqqiasut naammaginnilersinniarlugit.

 

Makkununnga piginnaasaqarnissat iluaqutaassaaq:

  • Kalaallisut, qallunaatut tulittullu oqalussinnaallutillu allassinnaanissat
  • Tuniniaanermik misilittagaqarnissat – ingammik nammineerlutit tuniniaanermi
  • C5-imi ilisimasaqarnissat
  • Publisherimut DoubleClickimik misilittagaqarnissat imaluunniit bannerinik suliaqarnermi periutsinik allanik

 

Siuliani taagorneqartut isumaqatigigukkit imaluunniit ilikkarnissaat soqutigilluinarlugu taava oqaloqatigiinnissamut naapilaarnissat qilanaareqaarput.

 

Isumaqatigiissuteqarneq aallaavigalugu atorfinitsitsisoqassaaq.

 

Piginnaasat aallaavigalugit akissarsiaqartitsisoqassaaq.

 

Apeqquteqarniaruit qinnuteqarniarlutilluunniit: Tuniniaanermut pisortaq Martin Møller Kristensen allaffiguuk martin@Sermitsiaq.AG aqqutigalugu mailimi ”Salgskonsulent” nalunaaqutsiullugu.

 

Qinnuteqarfissaq kingullerpaaq tassaavoq juunip 26-at.

Tusagassiorfik Sermitsiaq.AG inuussutissarsiornermik ingerlatsinissami aningaasaateqarfiuvoq, Kalaallit Nunaanni tusagassiuteqarnikkut pituttugaannginneq tunaartaralugu. Suliarineqartarput aviisit nuna tamakkerlugu illoqarfimmilu saqqummersartut ilaatigut AG – Atuagagdliutit, Sermitsiaq, Kalaallillu Nunaanni nutaarsiassanut nittartagaq takuniarneqarnerpaaq www.Sermitsiaq.AG . Aamma Nuuk Ugeavis, ARNANUT, timmisartumi atuagassiaq SULUK kiisalu Job.Sermitsiaq.AG ingerlanneqarput.