Skip to main content
94

Dette jobopslag er udløbet

Royal Greenland A/S-ip Uummannami tunisassiorfia quersuarmi sulisussamik sulisussarsiorpoq

Royal Greenland A/S-ip Uummannami tunisassiorfia pikkorissumik quersuarmilu aqutsinermik akisussaasutut sulisussamik sulisussarsiorpoq.

Tunisassiorfimmi suleqatigiiusugut ulapputtarpugut, tunisassiallu pisisartutsinnut nassiunneqartussat qaffasissumik pitsaassuseqarnissaat qulakkeertartussaavarput, taamaammallu quersuarmi sulisutut sulileruit suliassanik ataani allassimasunik naammassinnissinnaanissat pingaaruteqarpoq.

  • Quersuarmi uninngasuuteqarnerup tungaatigut aqutsineq, kiisalu key userit immikkoortortallu allat suleqatigalugit allatsitsineq
  • Tunisassiorfimmi quersuarni aqutsinerup, tunisassiassalerinerup, naammasseriikkanik nioqqutissalerinerup poortuutissalerinerullu tungaatigut aaqqissuussineq kiisalu tunisassiorfiup ingerlanneqarneranut atortussat pisariaqartinneqaraangata taakkuninnga tigoriaannarnik peqarnissaanik qulakkeerinninneq
  • Quersuarmi uninngasuutit annertussusaat SAP-imi nalunaarsukkanut naapertuunnissaannik qulakkeerinninneq (qaammatit tamaasa ukiullu tamaasa naligiissaarineq)
  • Tunisassiornermi atorneqartussanik poortuutissaateqartuarnissaanik, palitseqartuarnissaanik nipitittakkanillu allagartaqartuarnissaanik qulakkeerinninneq
  • Tunisassiorfimmi tunisassianik umiarsuakkut nassiussineq
  • Quersuit tamarmik eqqiluitsuunissaannik isumannaatsuunissaannillu qulakkeerinninneq
  • Nakkutilliinerni misissuinernilu peqataaneq taakkuninngalu malittareqqiineq

Piukkunnaatit piumasaqaatillu

Aaqqissuulluakkamik namminersortumillu suleriaaseqarputit ulluinnarnilu ulapaarfiusuni tamakkiisumik isiginnissinnaallutit. Aqutsillaqqissuunissat aamma suliffeqarfimmi angisuumi quersuarmi aqutsinermik assartugalerinermillu misilittagaqarnissat pingaaruteqarpoq. Qarasaasiamik (MS Officemik sapinngisamillu SAP-imik) atuineq piginnaasaqarfigaat, kiisalu suliffeqarfimmi assingusumi sulinermik misilittagaqarputit.

Qinnuteqartut marluinnik (kalaallisut qallunaatullu) oqaasillit salliunneqassapput, taamatuttaaq quersuarmi sulineq ilisimasaqarfigigukku iluarineqassaaq.

Neqeroorutigaavut

  • Atorfininnermi atugassarititaasut immikkut ittut naapertorlugit piginnaasatillu aallaavigalugit isumaqatigiissuteqarnikkut akissarsiaqartitsineq
  • Kalaallit Nunaanni suliffeqarfiit annersaanni atorfik pissanganartoq
  • Ullut suliffiit pissanganartut unamminartunik arlalinnik toraagassaqarfiusut angalaffiusussallu
  • Suleqatigiit ataqatigiilluartut
  • Sulisut inaannik pisariaqartitsiguit innersuussaqarsinnaavugut

Quersuarmi sulisutut atorfik inuttassarsiuussarput pillugu paasisaqarnerorusukkuit tunisassiorfimmi ingerlatsisumut Kirsten Kristensen Wormimut allallutit sianerlutilluunniit attaveqarnissanut tikiluaqqusaavutit: kije@royalgreenland.com, +299 951304

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.

Atorfik pillugu paasisaqarnerorusukkuit uunga attaveqarnissannut tikilluaqqusaavutit:

Ulloq qinnuteqarfissaq kingulleq
20. oktoberi 2017

  Qinnuteqaat nassiuguk