Skip to main content
86

Royal Greenland A/S inuttalerisussarsiorpoq

Suliffeqarfissuaq Royal Greenland A/S nunarsuup sinnerani siaruarsimasoq Kalaallit Nunaanni suliffeqarfinni annersaavoq milliardinik kaaviiaartitaqartartoq. Kalaallit Nunaanni Royal Greenlandimi sulisut amerliartortuarsinnarput. Taamaattumik Nuummi Kilisaateqarfimmi inuttalerisussamik sulisussarsiorpugut.

Atorfik Nuummi Kilisaateqarfimmi inissisimavoq, tassanilu sulisut qiimasut, pikkorissut namminersorlutillu sulisinnaasut pingasut Royal Greenlandip Kalaallit Nunaanni kilisaataataanut tamanut inuttalerisuupput. Attaveqaqatigiittarnitsinni persuarsiorneq ajorpugut qaqugukkulluunniillu suliassaqarfinni paarlatseqarnissaq qulakkeerniarlugu suliaqarfitsigut suleqatigiinneq pingaartipparput.

Atorfik pillugu paasissutissat annertunerusut

Inuttalerinermi ingerlatsisoq ittorissavat suliassatillu ilaatigut makkuussapput:

  • Inuttat ikisarneri niusarnerilu pillugit kilisaatini inuttanut ataavartumik atassuteqarneq
  • Inuttat angalanissaannut akunninnissaannullu inniminniineq
  • Inuttat allattorsimaffiinik nutarterineq
  • Kilisaatinut inuttalersuinermut pilersaarutinik malinninneq malittareqqiinerlu
  • Kilisaatinut inuttalersuinermut pilersaarutit malillugit allanik ataavartumik inuttalersuineq taakkuninngalu malittareqqiineq
  • Kilisaatini inuttat imarsiornermut/umiartornermut allagartaannik uppernarsaataannillu ataavartumik malittareqqiineq taakkuninngalu malittareqqiineq pillugu pikkorissartitsinernik aallartisaaneq

Tunuliaqutat

  • Suliffimmi assingusumi soorlu umiarsuaatileqatigiiffiup allaffeqarfiani inuttalerisutut imaluunniit kilisaammi avataasiortumi aqumiutut misilittagaqarluarputit
  • Imarsiornermik Qullersaqarfiup imarsiornermut/umiartornermut allagartalersuutinut maleruagassai kiisalu Kalaallit Nunaanni kilisaatinit aalisarnermut inatsisit ilisimasaqarfigilluarpatit
  • Pikkorissartitsisoqarnissaanut pilersaarusiorluarsinnaavutit taakkuninngalu malittareqqiititsisinnaallutit
  • Aqutsinerup tungaatigut piginnaaneqarluarputit
  • Kalaallisut, danskisut tuluttullu piginnaasaqarluarputit
  • Qarasaasiamik atuineq ilisimasaqarfigilluarpat

Royal Greenlandip neqeroorutigai

Inuttalerisutut atorfik pissanganartoq neqeroorutigaarput. Ulluinnarni suliassanik pissanganartunik unammillernartunillu suliaqarnissat ilimagisinnaavat, tassani inuttut suliatigullu ineriartornissamut periarfissaqassallutit suliaqarninnilu angusatit takusinnaassallugit. Atorfimmi suliassanut sunniuteqarnissannut kiffaanngissuseqassaatit. Tassunga ilanngunneqassaaq piginnaasannut naapertuuttumik akissarsiaqarneq. Atorfimmut atatillugu sulisut inissiaannik innersuussisoqarsinnaanngilaq.

Qinnuteqaat

Atorfik pillugu paasisaqarnerorusukkuit Inuttalerinermi Ingerlatsisoq Mika Heilmann attaveqarfigisinnaavat normumut: +299 36 13 88-imut sianerlutit imaluunniit e-mailimut uunga allallutit: mihe@royalgreenland.com

Atorfik nittartakkatsinni www.royalgreenland.gl-imi qinnutigisinnaavat.

Ulloq qinnuteqarfissaq kingulleq: 21. Oktober 2018. Ulloq sulilerfissaq pillugu isumaqatigiinnikkut atorfinitsitsisoqassaaq.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.