Skip to main content
82

Dette jobopslag er udløbet

HR assistent

Royal Greenland A/S pikkorissumik aaqqissuulluakkamillu sulisartumik sulisoqarnermi sulisutut ingerlatseqatigiiffiup qullersaqarfiani atorfinittussamik sulisussarsiorpoq.


Royal Greenland A/S-imi sulisoqarnermi allaffissornermut suliassat amerlasuut assigiinngitsullu pingaarnertut akisussaaffigissavatit. Royal Greenlandip Kalaallit Nunaanni tunisassiorfiini tunitsiviinilu tamani sulisut sullittassavatit. Ingerlatseqatigiiffimmi sulisoqarnermut siunnersortaaneq qullersarissavat.

 

Aqutsisut sulisullu sulisoqarnermut immikkoortortamut qaqugukkulluunniit saaffiginnissinnaapput. Suliniutit ingerlatseqatigiiffiup sulisuisalu iluaqutigisassaat ineriartuutigisassaallu sulisoqarnermut immikkoortortami sulisunit ingerlanneqartarput. Immikkoortortami sulisut misilittagallit ataqatigiilluartullu suleqatigilissavatit.

 

Sulisoqarnermi sulisutut sulileruit pingaarnertut suliassatit pissanganartut aamma pingaarutillit ilaatigut makkuusassapput:

  • Suliffeqarfimmi sulisoqarnermi allaffissornikkut aqutsineq

  • Sulianik akunnermusialinnut tunngasunik malittareqqiineq

  • Sulisut inissiaat sulisunullu inigitittakkat pillugit allaffissornikkut aqutsineq

  • Avataaneersunik, ulapaarfimmi sulisunik, nordjobbimeersunik aamma nunanit allaneersunik suliartortitanik sulisoqarnermi allaffissornikkut aqutsineq

  • Isumaginninnermut Aningaasaateqarfimmut tunngasunik allaffissornikkut aqutsineq

  • Royal Greenlandimi isumannaallisaanermi sullivimmilu avatangiisilerinermi suleqataaneq

  • Inatsisitigut piumasaqaataasunik sullivimmi avatangiisit pillugit pikkorissartitsinissamut ilinniagaqartitsinissamullu aaqqissuineq ataqatigiissaarinerlu

  • Suliffeqarfinnik naliliinernut atatillugu iliuusissatut pilersaarutinik malittareqqiineq

  • Sulisilluni ajoqusernerit pillugit sulianik aallartinneranniit allaffissornikkut, nalunaaruteqarnikkut suliarinninnikkullu naammassinninneq

  • Sulisut pillugit sulianik sulisoqarnerullu tungaatigut ataqatigiissaareriaatsinik malittareqqiineq

  • Sulisoqarnermi allaffissornikkut suleriusinik assigiinngitsunik ataavartumik ineriartortitsisoqarnissaanik pitsanngorsaasoqartarnissaanillu qulakkeerinninneq

 

 

Suliassat allat pissanganartut makkununnga tunngasut aamma suliarisassavatit:

  • Suliassat assigiinngitsut ineriartortitsinermut tunngasut

  • Suliassaagallartut aalajangersimasut takkussortut

 

 

Tunuliaquttat
Allaffimmiutut, naatsorsuuserisutut allaffissornermiluunniit aqutsisutut bacheloritut assigisaanilluunniit ilinniarsimasuuguit iluarineqassaaq. Taamatuttaaq sulisoqarnermi allaffissornermik ilisimsaqarlutillu misilittagaqarputit.

 

Inuttut pissuseraat:

  • Sulisoqarnermi allaffissorneq pillugu tunngaviusumik ilisimasaqarlutillu paasisimasaqarputit

  • Sulisussarsiornermik tunngaviusumik misilittagaqarputit

  • Aaqqissuussaanerit paasisimasaqarfigaatit

  • Sulisoqarnermut immikkoortortami assigisaaniluunniit soorlu allaffissornermik aqutsinermut immikkoortortami sulinermik misilittagaqarputit

  • Nutaanik ilikkagaqarusussuseqarlutillu pitsanngorsaarusussuseqarputit

  • Sullissilluarnissamik pingaartitsisuuvutit

  • Akisussaassuseqarluarlutit sulisarputit suleqateqallaqqillutillu

  • Marluinnik; kalaallisut qallunaatullu oqaaseqaruit iluaqutaassaaq

  • Tatiginartuuvutit, tutsuiginartuuvutit, inussiarnersuuvutit, tunniusimasuuvutit suliumatuujullutillu

 

Royal Greenlandip neqeroorutigai
Suliffeqarfissuarmi suli ineriartortinneqartumi atorfik pissanganartoq sulisarnittalu ingerlarnganut sunniuteqaqataaffiulluarsinnaasoq. 
Suliffeqarfissuarmi nunani assigiinngitsuni immikkoortortalimmi, pissanganartumi ineriartortitsinermillu pingaartitsisumi suliatigut inuttullu ineriartornissamut periarfissaqartinneqassaatit piginnaasatillu naapertorlugit akissarsiaqartinneqassallutit. Minnerunngitsumillu suleqatit amerlasuut pikkorissut sullarissullu. Ingerlatseqatigiiffimmi suliatigut aallussat sulisunit naammagisimaarneqarnissaannut tunngasunik siunissamilu ukkatariuaannarusutatsinnik suliaqangaatsiartarpugut.

 

Ulloq qinnuteqarfissaq kingulleq: 25. aggusti 2018.

Atorfik inuttassarsiuussarput pissanganartoq pillugu paasisaqarnerorusukkuit sulisoqarnermut immikkoortortami sulisumut Tina Hansenimut sianerlutit allallutilluunniit saaffiginninnissannut tikilluaqqusaangaarputit: tiha@royalgreenland.com, +299 296630. Tutsiunnissannut qilanaarpugut.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.