Skip to main content
99

Dette jobopslag er udløbet

Royal Arctic Line assartugalerisunik ilinniartussarsiorpoq

Assartugalerisup Reach Stackerit atorlugit containeri 40 tonsinik oqimaassusilik 20 meterinillu qutsitsigisumiittoq centimeterialunnguanilluunniit uniornagu inississinnaavaa. Tamatuma saniatigut Royal Arctic Linep umiarsuaatai usilersorlugillu usingiartarpaat nassiussanillu nalunaarsuutaasartoq (GCS) atorlugu containerit sumerpiaq inissisimanersut nalunagu.

Ilinniartutut ilinniassavatit usinik navianartunik passussineq, ungersuineq, ikiueqqaarneq Reach Stackerinillu ingerlatsineq. Aalajaatsuuneq assartugalerisunut pingaaruteqarluinnartuuvoq, assartugalerisummi taakkuummata umiarsuit tikinnerini isumannaatsumik pilertortumillu sullinneqarnissaannut pingaaruteqarluinnartuusut.

Ilinniarnerup ingerlanerani, ilinniarnerup atuagarsornertaa Nuummi Saviminilerinermik Ilinniarfimmi ingerlanneqartassaaq, sulinermilu ilinniarneq umiarsuaatileqatigiiffiup umiarsualiviutaanni ingerlanneqartassalluni.

Assartugalerisutut makkununnga ingerlatsisinnaanernut allagartartaassaatit, biilernermut, truckernermut, kranersuarnik ingerlatsisinnaanermut, usinik navianartunik passussisinnaanermut allagartaq kiisalu 'ingerlatsisinnaanermut allagartat' allallu pisariaqartinneqartut ilinniagaqarnerup ingerlannerani atugassat.

Umiarsulivinni ukunami ilinniartussarsiorpugut:

1 Aasiaannut
2 Qaqortumut
1 Paamiunnut
2 Maniitsumut
1 Qasigiannguanut
1 Upernavik

Royal Arctic Linemi ilinniartunngorniarluni qinnuteqaat nassiunneqassaaq ansogning@ral.gl –imut kingusinnerpaamik ulloq 30. april 2017, qinnuteqaammi umiarsualivimmut sorlermut qinnuteqarneq erseqqissarneqassaaq. Ilinniarneq aggustip aallartisimalernerani aallartissaaq.