Skip to main content
81

Dette jobopslag er udløbet

Nuummi Royal Arctic Line attaveqaqatigiinnermut siunnersortissarsiorpoq

Attaveqaqatigiinnerup silarsuaani sulianik misilittagaqarpit, nutserisinnaallutit imaluunniit oqaatsinik attaveqaqatigiinnermulluunniit tunngasunik ilinniagaqarsimasuullutit? Siunnerfilersugaalluartumik suleriaaseqarpit, sullissilluarnermik pingartitsisuullutit aammalu inuttut allanut ammasuullutit, ullunilu ulapaarfiusuni puullaaqilertartuunak. Tassaavit suleqatissarput sullivimmi eqqersimaartumik ulluinnarpalaartumillu attaveqarfiusumi  qiimallutit paasinnillaqqillutillu sulisinnaasoq? Taava imaassinnaavoq tassaasutit suleqatissatut ujartugarput. 

Atorfik
Atorfik marloqiusaavoq, tassa suliassat illup iluani avammullu attaveqarnermut nutserinermullu sammisuullutik.

Nutsigassat kukkunersiuinerillu isumagisartussaassavatit, naatsunik nalunaarusiortassallutit, nutaarsiassiissutinik nassiussuisassallutit aammalu taamaattut pitsaassusiinik misissuisassallutit.

Suleqataalissaatit suliffimmi ulluinnarpalaartumik attaveqaqatigiiffiusumi ulapaarfiusumilu. Suleqatigissavatillu ussassaarinermi siunnersorti, webmasteri kiisalu attaveqaqatigiinnermut ussassaarinermullu pisortaq.

Suliassat tassaanerussapput:

  • Nutsigassat kukkunersiuinerillu
  • Suliffeqarfiup iluani attaveqaqatigiinnermut atortorisatsinnut nittartakkatsinnullu naannerusunik nalunaarusiortarnerit aammalu taamattut pitsaassusiinik isumannaarinnittarnerit
  • Suliffeqarfiup iluani attaveqaqatigiinnermi atortutsinni, Facebookimi nittartakkallu ilaanni ingerlatsinerit
  • RaL.gl-imi Royal Arctic Linep qupperneranik suliarinnittarneq
  • Tusagassiutitigut, internetikkut, TV-kkut Radiukkullu takoqqussaarutissanik suliaqartarneq
  • Ilisarititsissusiornerit
  • Tusagassiutitigoortunik alaatsinaannittarneq

Qinnuteqartussamut naatsorsuutigisat:

  • tusagassiornermik/attaveqarnermik, oqaasilerinermik assingusumilluunniit ilinniarsimasoq
  • Nutserinermik misilittagaqarluartoq aammalu kalaallisut qallunaatullu kukkunersiuilluni suliaqarsinnaasoq
  • Oqaluinnarluni allattariarsorlunilu saqqummiussinissamut piginnaaneqarluartoq, kalaallisut, qallunaatut aammalu kissaatiginartinneqarpoq tuluttut sulisinnaanissaq
  • Pitsaassutsimik pingaartitsisoq namminersorlunilu sulisinnaasoq
  • Paasiniaallaqqillunilu pitsaasumik allaaserinnissinnaasoq

Neqeroorutigisinnaavavut
Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissititserneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

 

Paasissutissat allat
Atorfik pillugu apeqqutissaqaruit ingerlatsivimmi aqutsisoq ann-Britta A. Olsvig mailikkut: abr@ral.gl -ikkut oqarasuaatit 34 91 04 imaluunniit 564200.

Qinnuteqarneq
Qinnuteqaat allagaatinik attuumassuteqartunik ilalerlugu kingusinnerpaamik majip 28-iat 2018.

uunga nassiunneqassaaq ansogning@ral.gl ilisarnaaserlugu ”Kommunikationskonsulenti”.

 

Atorfininneq: piaarnerpaamik kisiannili suleqatissaq eqqortoq utaqqisinnaavarput.

Qinnuteqarfissap killinga: maajip 28-at 2018

Qinnuteqaatit: ingerlaavartumik suliarneqartassapput

Oqaloqatiginninnerit: Oqaloqatiginninnerit ingerlaavartumik Nuummi ingerlanneqassapput