Skip to main content
93

Dette jobopslag er udløbet

Nuummi containerterminalimi pisortassamik

Royal Arctic Line containerterminalimi pisortassarsiorpoq, suliffeqarfimmi pissanganartumi ineriartorfiusumilu peqataarusussinnaasumik, ullut suliffiit assigiinngitsutigut allanngorarsinnaasarput.

 

Suliassat
Terminalimi pisortatut akisussaaffigissavat container terminalip patajaatsumik isumannaatsumillu ingerlanneqarnissaa, tassuunakkut qulakkeerniarlugu sullitatta pisisartuttalu pitsaasumik sukkasuumillu sullinneqarnissaat.

 

Terminalimi pisortap umiarsuit usingiarneri usilersornerilu, containerillu terminalimi aaneqartut imal. tunniunneqartut pisariitsumik, sukkasuumik isumannaatsumillu suliarineqarneri qulakkiissallugu.

 

Terminalimi pisortap akisussaaffigissavaa aningaasartuutinik missingersuusiornissaq taakkulu ataavartumik malinnaaffiginissaat, qaammatip naanerani nalunaarusiortarnissaq aammalu KPI (key performance indicator)-imi nalunaarusiortarnissaq. Suliassatut pingaarnertut qulakkiigassaq unaavoq containerterminalimi sulinerup pisariillisarnissaa sukkatsisarnissaalu qarasaasiarsornikkut sakkut, sulisut atortullu allat atorlugit, suleriutsillu malitassat malinneqarnissaat qulakkiissallugu. Taakku piviusunngortinnissaanut anguniarnissaanullu umiarsuaatileqatigiiffimmi immikkoortortaqarfiit allat suleqatiginerisigut pissaaq.

 

Terminalimi pisortaq suliffeqarfimmi COO-mut attaveqassaaq Nuummilu containerterminalimi ulluinnarni ingerlannera akisussaaffigissallugu, taanna 2017-mi ukiaanerani atulerpoq, maannalu ullukkoortunik aammalu unnukkoortunik sulineq aaqqissuussaalluni, qulakkeerniarlugu ulloq unnuarlu sulisoqarsinnaanissaa, taassuma saniatigut FCL containerinik aallertunik tunniussuineq isumagineqarluni.

 

Suliffimmi unammilligassat
Atorfimmi pisariaqartinneqarpoq inuk assartuinermi misilittagalik, ulluinnarni ingerlatsinermik niuernermillu misilittagalik. Umiarsuaatileqatigiiffiup naleqartitai ukuusut tunngavigalugit sulissaatit Suleqatigiinneq, Uukkataqarneq Kinguneqartitsineq taakkulu toqqammavigalugit sulisitsineq, aqutsineq kaammattuinerlu ingerlatissallugit. Pilersaarusiorneq, pisussat qulaaniit isigalugillusooq, attaveqarsinnaaneq, nalimmassarsinnaaneq aammalu aaqqiissutissanik nassaarsinnaaneq sullitatta pisariaqartitaat malillugit.

Ulluinnarni sulinermi oqaatsit atorneqartut ukuupput: kalaallisut, qallunaatut tuluttullu. Nunatsinnik ilisimasaqarneq aammalu kalaallisut oqalussinnaaneq iluaqutaassaaq.

 

Uku neqeroortigisinnaavagut
Suliffeqarfik ineriartortoq pissanganartoq akisussaaffimillu imalik – sorlaqarfigaagut ukiuni amerlasuuni misilittakkagut – pilersuisussaatitaanerput sullivimmilu atukkagut pingaartitaralugit. Atofimmi akissaatit naleqquttut, aammalu pisariqassappat inissaqartitsisinnaavugut, pisortallu akigititaat malillugit akiliisoqartassaaq.

 

Sukumiinerusumik paasiqarusukkuit
Atorfik pillugu imaluunniit Royal Arctic Line pillugu sukumiinerusumik paasisaqarusukkuit attavigsinnaavatit COO Taitsianguaq Olsen, tol@ral.gl, oqarasuaat: +299 34 92 01 imaluunniit Koncern HR-mi pisortaq Tommy E. Kristensen, personale@ral.gl oqarasuaat: +299 34 91 07.

 

Qinnuteqaat
Qinnuteqaatit CV ilanngullugu aammalu paasissutissat allat uunga nassiuneqassapput: ansogning@ral.gl

 

Qinnuteqarfissaq ulloq kingulleq: 31. januar 2018.

 

Atorfinitsinissamut oqaloqatiginninnerit
Ataavartumik ingerlanneqassapput

 

Ulloq atorfiniffissaq: 
Piaartumik, kisiannili qinnuteqartoq eqqortoq utaqqisinnaavarput.