Skip to main content
82

Dette jobopslag er udløbet

Key Account Manageritut taartissarsiorpugut

Suliffik pissanganartoq imminullu unammillerfiusoq, sullitanik tamakkiisumik misigisaqarfiusoq, KAM – sullitatsinnik sullissilluarnermik attaveqarluarnissamillu pingaartitsiffiusoq.

 

Sullitavut pingaartippavut. Taamaattumik Key Account Managerimik ernereernerup kingorna sulinngiffeqartoqarnerani taartaasinnaasumik pikkorissumik Royal Arctic Linep qullersaqarfiani tuniniaanermut immikkoortortami pisariaqartitsivugut. Atorfik sullitatsinnut sullisisinitsinni pingaaruteqartorujussuuvoq, sullitagullu pingaarnerit Royal Arctic Linemut attaveqaateqarniarunik inummik ataatsimik attaveqaateqassallutik.

Suleqatitaarput KAM-inut pingasunut pikkorissunut suleqataassaaq tuniniaanermilu immikkoortortaqarfiit allat suleqatigalugit Royal Arctic Linemi Chief Commercial Officerip ataani inissisimalluni.

 

Suliassatit anguniagassallu
Sulininni imminut unammillernissaq nalinginnaasuussaaq sulinermilu kiffaanngissuseq malunnaateqarluassalluni. Kisimiillutit sullitaqassaatit tassaassallutillu taakku sullitat Royal Arctic Linemut attaveqaataat, taamaatumillu ataavartumik sullitannut attaveqassallutit siulliullutillu saaffiginnittarnissat pisariaqartassalluni. Tamanna pisinnaavoq sullitannut pisaannartunik pulaartarnikkut oqaloqatigiittarnikkullu imaluunniit sullitanut aaqqissuussinerni peqataanikkut soorlu messeni. Taamaaliornikkut KAM-sullitatit neqeroorutitsinnik, susoqarneranik, umiarsuit ingerlaarneranut assigisaanillu ataavartumik ilisimatinneqartuarsinnaassapput, illillu Royal Arctic Linep ingerlatsinermi angusaanut isummersornernut pingaarutilinnik  ilisimasaqalissallutit.

Allaffinniitillutit ilisimalikkatit atussavatit KAM-sullitappit sullinneranut pitsaanerpaamik naleqqussaanissannut, ineriartortitsinissannut ataavartitsinissannullu, soorunami allaffeqarfimmiit pissassaqateqarlutit tapersersorneqarlutillu.    

 

Suliassavit assigiinngiiaqisut ilagissavaat:

  • Suleqatigiinnissani isumaqatiginninniarnerni peqataanerit
  • Apeqquteqaatinik suliarinninnerit, isumaqatigiissutissanik suliaqarnerit, neqeroorutinik angiuniakkanillu aalajangersimasunik malitseqartitsinerit
  • Piffissaq qaninnerusoq ungasinnerusorlu tunngavigalugit sullitat assartortittagai tunngavigalugit pilersaarusiornerit
  • Ukiup ingerlanerani pisussanik pilersaarusiornerit, soorlu ataatsimiinnissat, nalunaarutit assigisaallu KAM-eqatitit peqatigalugit suliarinninnerit

 

Illit tunuliaqquttallu

Ilinniakkatut pisinnaasat

  • Tulluuttumik ilinniagaqarsimaneq imaluunniit/aammaluunniit assingusumik atorfeqarsimaneq
  • Assartuinermi misilittagaqarneq iluaqutaassaaq
  • Oqaatsinut eqarisaqannginneq: kalaallisut, danskisut tuluttullu oqalussinnaaneq. Danskisut tuluttullu allassinnaaneq
  • IT-mik pisinnaasaqarluarneq, soorlu Windows Office ajornanngippallu Axapta
  • Kalaallit Nunaannut ilisimasaqarluarneq Kalaallit Nunaannilu pisunut ilisimasaqarluarneq

 

Inuttut pisinnaasat

Sullisserusussuseqarputit isumagissuullutit tatigeqatigiissusermik pilersitsisinnaallutit ilakkuminartuullutillu. Sullitatsinnut salliullutit attaveqarfittut attaveqaqatigiinnermut pitsaalluinnartumut pilersitsuussaatit, sullitappillu kissaataanut paasinnissinnaassuseqarluartuullutit. Tunniusimasuuvutit, ilakkuminartuullutit pissusilersorninnilu attaveqatigiinnermik pilersitsisuullutit. Sullitappit malugissavaatit sulissisutut pitsaasutut naligisamisullu, sullissisoq niueqatigiinnermi tamanut pitsaasumik angusaqarusunnermik pingaartitsisoq.

Immikkoortortaqarfiup angusatit pisariaqartippai, taamaattumik angusaqarusussuseq angusappillu nalilersorneqarneranit ingerlarsortuuvutit. Aaqqiissutaasunik iliuuseqarniartuuvutit sullitannut attaveqarninni allaffinnilu. Ulloq suliffiit qanoq ingerlassanersoq namminiingaatsiarlutit aalajangertussaavat. Taamaattumik inuttut nammineersinnaassuseqarluarputit naammassisaqarluartuusarlutillu.

 

Naatsumik oqaatigalugu: Pitsaasumut allanngueqataarusussuseqassaatit-aamma ulapaarluinnarfimmi.

 

Neqeroorutigaarput

  • Taartaareernerup kingorna atorfinivinnissamut periarfissaqartitsineq
  • Sullivimmi avatangiisit pitsaasut, suleqatit nuannaartut ikiuerusuttullu
  • Niuernermi pissutsit tunngavigalugit akissarsiaqarneq, atorfeqartitaanermi atugassarititaasut allat pitsaasut

 

Paasissutissat sukumiinerusut
Paasissutissat sukumiinerusut pissarsiarineqarsinnaapput Tuniniaanermut Sullitanullu immikkoortumi pisortamut CCO Lars Borris Pedersenimut saaffiginninnikkut ugguuna: lbp@ral.gl / +299 34 91 00

 

Qinnuteqaat
Oqaloqatiginninnerit ingerlaavaartumik ingerlanneqassapput. 

Qinnuteqarnissamut killissarititaasoq: juunip 29.-at, 2018

Atorfik ugguuna qinnuteqarfigiuk