Skip to main content
112

Dette jobopslag er udløbet

Sisimiuni ilinniartitaanermut immikkoortortami perorsaanermut siunnersorti inuttassarsiorneqarpoq

Meeqqanut soqutiginnittuuviit aammalu meeqqerivinni Meeqqerivitsialak ineriartortinneqarnissaanut peqataallutit suleqataarusuppiit.

Sisimiuni, Kangerlussuarmi, Sarfannguani aamma Itillimi 13-inik meeqqeriveqarfiusumi, 140-nik sulisulimmi meeqqanullu 637-nut inissalimmi suliffeqartussamik, Sisimiuni Ilinniartitaanermut immikkoortoq, Meeqqerivinnut allaffeqarfik 2017-imi oktobarip aallaqqaataani sulilersussamik perorsaanermut siunnersortissarsiorpoq.

Qinnuteqarfissaq kingulleq:
25. september 2017

Sumiiffik/Pisortaqarfik:
Sisimiut

Sivisussuseq:
Tamakkiisumik

Atorfininnermi ulloq:
Piaartumik isumaqatigiinnikkulluunniit

Akissarsiat:
Isumaqatigiissutit malillugit

Atorfininneq isumaqatigiissutillu 
Meeqqanut, Atuarfinnut, kulturimut sunngiffimmullu immikkoortortanut tamanut sullissisumut, ilinniartitaanermut immikkoortumut ilaassaatit. Allatseqarfimmi sulisut arfineq-marluuvugut, inuttaasunik sullissisuulluta aammalu Ilinniartitaanermut, Peqqinnermut, Sunngiffimmi sammisanut Kultureqarnermullu ataatsimiititaliap ataanilluta.

Suliassatit meeqqeriveqarnermut immikkoortortamut attuumassuteqarput, tamatumani annertunerusumik aallarnisaanernik suliniutinillu nutaanik ineriartortitsinermik, perorsaanermut siunnersuinermik, ilitsersuinermik suliaqassallutit aammalu meeqqerivinni aqutsisuusunik suleqateqassallutit.

  • Meeqqerivinni sulisuusunut perorsaanikkut pikkorissarnernik ineriartuutaasunik aaqqissuisassaatit.

  • Meeqqanut ilaqutariinnullu siusissukkut suliniutinut tunngassutilinnut, akimortumik ataatsimiinnernut peqataasassaatit.

  • Perorsaanikkut sulisut peqatigalugit nakkutiginnillutillu ineriartuutaasinnaasunik suliaqassaatit.

  • Angajoqqaat suleqatigalugit akimortumik suliat akimorlugit suleqatigiit ataatsimiinnerini peqataasassaatit,

  • Meeqqerivinnik atualertussanullu siunnersuisartunik atuartut aallartilerneranni ataatsimiittarnerinut ataqatigiissaarisuussaatit.

  • Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugai, Meeqqanut Inuusuttunullu politikki, perorsaanikkut anguniakkat malillugit sulissaatit,

Piginnaasassat:

  • Perorsaasutut ilinniarsimasuusutit

  • Meeqqeriveqarnermut immikkoortortani ukiuni amerlasuuni misilittagaqartutit

  • Nammineersinnaassuteqartutit akimortumillu sulisinnaassuseqartutit

  • Suleqatikkuminartuusutit, sungiussiasuusutit takunnillaqqissuusutillu

  • Marluinnik oqaaseqartutit, kalaallisut - qallunaatullu

Akissarsiat atorfeqarnermilu atugassarititaasut
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat, kalaallit nunaanni kommunit aamma NPK akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq malittarisassat atuuttut malillugit ineqarnermut akiliisoqartassalluni.

Atorfinitsitaaneq november-ip aallaqqaataani isumaqatigiissuteqarnikkullunniit pissaaq.

Atorfik pillugu paasissutissat sukumiinerusut Meeqqerivinnut allaffeqarfimmi pisortamut Pia Lennert oqarasuaat (+299) 86 74 02, e-mail pile@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik saaffiginniffiusinnaasunilluilalik kingusinnerpaamik Septemberip 25-ani 2017-imi tigoreersimasssavarput.

Qinnuteqaatit uunnga nassiunneqassapput:
Qeqqata Kommunia
Sulisoqarnermut allaffik
Postboks 1014
3911 Sisimiut
e-mail: jobs@qeqqata.gl
Web: www.qeqqata.gl/jobs

Pia Lennert
(+299) 86 74 02
pile@qeqqata.gl