Skip to main content
80

Dette jobopslag er udløbet

Sanaartornermut tunngatillugu sulianik suliaqartussamik Sisimiuni Teknikkimut Avatangiisinullu immikkoortortamut

Sisimiuni Teknikkimut Avatangiisinullu immikkoortortami sanaartornermut tunngatillugu sulianik sullissisutut atorfik 2017-imi juulip aallaqqaataanit imaluunniit isumaqatigiissuteqarnikkut piaartumik inuttassarsiorneqarpoq.

Qinnuteqarfissaq kingulleq:
25. september 2017

Sumiiffik/Pisortaqarfik:
Sisimiut

Sivisussuseq:
Tamakkiisumik

Atorfininnermi ulloq:
Piaartumik isumaqatigiinnikkulluunniit

Akissarsiat:
Isumaqatigiissutit malillugit

Atorfininneq isumaqatigiissutillu
Atorfik maannakkut Pilersaarusiornermut immikkoortup, Nunaminertanik sanaartornermullu tunngasunik suliaqarfiup ataani inissisimavoq.

Teknikkimut Avatangiisinullu immikkoortortaq maannakkut 13-inik sulisoqarpoq. Sisimiut nunaqarfiillu, Kangerlussuaq, Sarfannguit Itillerlu suliaqarfiupput.

Qeqqata Kommunia kommuniuvoq ineriartortoq.

Suliassat pingaarnerit:
Kalaallit Nunaanni sanaartornermi malittarisassat ingerlatsinermilu assigiinngitsutigut najoqqutassat ilaatigut naapertorlugit oqartussat suliassaataannik ingerlatsineq. Tassunga ilanngullugit:
·       Sanaartornissamut akuersissutit
·       Assaanissamut/kuisinissamut akuersissutit
·       Atuutilersitsinermut akuersissut
·       Ataavartumik nakkutilliineq - qatserisarfimmi pisortaq peqatigalugu ikuallassimasunik misissuineq
·       Siunnersuineq
·       B-normunik nalunaarsuineq
·       Innuttaasunik sullissineq kiisalu ataatsimiititalianut suliaqarneq
·       Nunaminertat pillugit suliamik suliaqarneq
·       Pilersaarusiornermut sulianut paasissutissanik suliaqarneq

Siuliani allassimasut pingaarnertut suliassaapput, ingerlatsiviup iluani suliat akimorlugit suliniutinik annertuumik ingerlatsiviusussat.

Piginnaasassat:
·       Illuliornermik ilusilersuisartutut/illuliornermi ingeniøritut tassungaluunniit attuumassutilimmut ilinniarsimasuusutit.
·       Sanaartornermut tunngatillugu sulianik aammalu oqartussat suliassaataanik ingerlatsinermik imaluunniit kommunimi assingusumik atorfimmik ukiuni arlaqartuni misilittagaqassasutit.

Piginnaasat:
·       Oqaatsitigut allattariarsornikkut assiliartalersuinikkullu attaveqaqateqallaqqissasutit
·       Nutaanik pilersitsisinnaassaatit, namminersorsinnaassaatit, peqqissaartuussaatit, ataqatigiissaarisinnaassaatit suliamullu tunngasutigut tamat isiginnissuseqassallutit
·       Suliannut inunnullu ataatsimut isiginnillutit pullaveqarsinnaasutit
·       Qarasaasiamik kiisalu tegneprogramminut il.il. ilisimasaqassasutit.
·       Marluinnik kalaallisut/danskisut oqalussinnaaneq iluaqutaassaaq
·       Qinnuteqartoq eqimattakkaarluni sulisinnaanissaa aammalu ingerlatsiviup iluani suliassanut allanut piginnaaneqarnissaa pingaartipparput.
·       Ulapaarfimmi eqqissillutit sulisinnaassuseqartutit.

Akissarsiat atorfininnermilu atugassarititaasut 

Atorfinitsitaanermi atugassarititaasut
Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu angallanneri ilanngullugit, Naalakkersuisut aamma pineqartup peqatigiiffiata isumaqatiginninniarsinnaatitaasup akornanni isumaqatigiissutit atuuttut naapertorlugit ingerlanneqassapput.

Pinerliisimannginnermut uppernarsaat: Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfininneq pissaaq piaartumik imaluunniit isumaqatigiinnikkut.

Inissaqartitsisoqarsinnaavoq, isumaqatigiissutit atuuttut naapertorlugit akilersorneqartussamik.

Atorfik pillugu annertunerusumik paasissutissat Teknikkimut Avatangiisinullu pisortamut Hans Ulrik Skifte (+299) 86 7450, e-mail: haus@qeqqata.gl imaluunniit Pilersaarusiornermut immikkoortortanut aqutsisumut Maren Petersen (+299) 867479, e-mail: marf@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatinik, imminut ilisaritinnermik attaveqaatissanillu ilaqartoq 25. September 2017-mi tigoreersimassavarput.

Qinnuteqaat uunga nassiunneqassaaq:
Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl

Maren Petersen
(+299) 86 74 79
marf@qeqqata.gl