Skip to main content
113

Allagarsiuteqqitaq: Aningaasaqarnermut pisortamik Sisimiunut

Kalaallit Nunaanni pisortat suliffeqarfiutaanni aningaasatigut aqutisineq pitsanngorsaaqataaffigerusukkukku Qeqqata Kommuniani aningaasaqarnermut pisortatut atorfik inuttassarsiorneqarpoq.
Aningaasaqarnermut pisortap kisitsiserpassualerineq soqutigisarissavaa, minnerunngitsumik aningaasaqarnermut aqutsinermut ingerlatseriaaseq atuutilersussaq piareersimaffigissallugu.

Qinnuteqarfissaq kingulleq:
30. maj 2018

Sumiiffik/Pisortaqarfik:
Sisimiut

Sivisussuseq:
Tamakkiisumik

Atorfininnermi ulloq:
Piaartumik isumaqatigiinnikkulluunniit

Akissarsiat:
Isumaqatigiissutit malillugit

Atorfininneq isumaqatigiissutillu 
Suliassat akisussaaffiillu:

• Qeqqata Kommuniani ataqatigiissumik pitsaasumillu aningaasaqarnikkut aqunneqarnissaanik qulakkeerinninnissaq

• Ataatsimoorussamik ERP-mik ingerlatseriaaseq aallaavigalugu malitsigisaasa atuutsilernissaat qulakkeerniassallugu

• Aningaasaqarnikkut alimasinnerusumut isigaluni periusissat ineriartortinnissaat qulakkeerniassallugu

• Aningaasaqarnermut immikkoortortami allaffissornikkut suliassat aqutsinerlu pisortaaffiginissaat, tamatumani aningaasaqarnermut ingerlatsivik, akissarsialerivik aamma

pisortaanerup sulisuini aningaasaqarnermut suliaqartoq

• Qullersaqarfimmut Aningaasaqarnermut tunngasutigut siunnersortaaneq

• Kommunimi pisortaqatigiinni peqataaneq

• Inatsisinut tunngasutigut apeqqutini politikkikkut ataatsimiititalianut siunnersortaaneq

 

Pisinnaasaqarfissat:
• Aningaasaqarnikkut / allaffissornikkut naleqquttumik ilinniagaqartuunissaq

• Pisortat suliffiutaanni aamma/iml. Namminersortuni sulisitsisutut/pisortatut misilittagaqarnissaq

• Marluinnik pingasuinnilluunniit oqaaseqartuusutit – tamannali pinngitsoorani piumasaqaataanngilaq

• Suleqatinnik, pisortarisannik taamatullu politikkikkut sammisatigut kiisalu illup avataani suleqatinik suleqatiginnilluarsinnaasuusutit

• Aaqqissuussamik ingerlatsisuusutit, misissueqqissaarsinnaallutit attaveqarsinnaasutillu eqaatsumik ajornaatsumillu suleriuseqarsinnaallutit

• Ammasuusutit, pissuserissaartuullutit pingaartorsiortuunalli qiimanermik nuannarisaqartuullutik

Akissarsiat atorfininnermilu atugassarititaasut 
Atorfinitsitaanermi atugassarititaasut

Akissarsiat sulinermilu atugassarititaasut, matumani akiliunneqarluni angalanerit pequtillu angallanneri ilanngullugit isumaqatigiissutit atuuttut malillugit aaqqinneqassapput ukiumut 600.000,00 koruunit missaanni akissarsiaqassalluni. Atorfinitsitaaneq isumaqatigiissutitigut atugassarititaasut naapertorlugit pissaaq, kisiannili tjenestemanditut atorfininnissaq periarfissaalluni tassa Kalaallit Nunaanni tjenestemanditut atorfimmiit toqqaannartumik ikaarsaariarnermi.

 

Pinerliisimannginnermut uppernarsaat: Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Atorfimmut atatillugu inissaqartitsisoqarsinnaavoq, malittarisassat atuuttut naapertorlugit akilersorneqartussamik.

 

Atorfinitsitaaneq pissaaq piaartumik imaluunniit isumaqatigiinnikkut.

 

Atorfimmut atatillugu paasissutissat kommunimi pisortaaneup tullianut Laust Løgstrup-imut oqarasuaatikkut (+299) 86 7310 ,e-mail-ikkut: laul@qeqqata. gl saaffiginnissuteqarnikkut pineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 30. maj 2018-imi

 

Qinnuteqaat uunga nassiunneqassaaq: 
Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Laust Løgstrup
(+299) 86 73 10
laul@qeqqata,gl