Skip to main content
77

Dette jobopslag er udløbet

ALLAGARSIUTEQQITAQ: Ilulissani ikummatissaasiviup ittuanut ikiorti

 

KNI A/S ikummatissanik immikkoortortaqarfia Polaroil ikummatissaasiviup ittuata ikiortissaanik, teknikkikkut ilinniagalimmik pissarsiorpoq ulloq 1. marts 2018 aallarnerfigalugu imaluunniit isuma-qatigiissuteqarnikkut sulilersussamik. Ikummatissaasiviup ittuanut ikiortimik atorfinitsitsinermi siuner-taavoq, siunissami ikummatissaasivimmi aqutsisunngorsinnaanissaa.


Ikummatissaasiviup ittuanut ikiortip qaninnertut pisortarissavaa ikummatissaasiviup ittua.

 

Ikummatissaasiviup ittuanut ikiortip pingaarnertut suliassai makkuussapput:

  • Qaqugukkulluunniit ikummatissaasiviup ittua taarsertassallugu, taamaattumillu taassuma suliai aamma ingerlassinnaasariaqarlugit
  • Ikummatissaasiviup ittuata peqqussusiai naapertorlugit, ikummatissaasivimmi sulisut allat ulluinnarni suliakkersorlugillu sulinerat aqussinnaasariaqarlugit
  • Pisinianik sullissineq
  • Ikummatissaasivimmi aserfallatsaaliineq, nunaqarfigisami ikummatissaasivii aqqusinermilu angallannermut atortut ilanngullugit
  • Ikummatissanik assartuummik tikittoqartillugu isumaginnissinnaaneq, tamatumalu saniatigut pitsaassutsimik isumannaallisaanermillu nakkutilliisinnaaneq

 

Makku piginnaaneqarfigissagai piumasaqaatigaarput:

  • Ikummatissaasivimmi ingerlatsinermik ilisimasalik (piumasaqaataanngilaq) teknik-ip iluani ilinniagalik imaluunniit suliamik misilittagalik
  • Aqqusinermi angallannermi allagartaqarnissaq
  • IT-mik nalinginnaasumik atuisinnaasoq
  • Oqaatsit kalaallisut qallunaatullu piginnaaneqarfiginissaat. Tuluttut oqaloqatiginnissinnaanissaq

 

Atorfinittussamut neqeroorutigaavut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqanngilaq

 

Atorfik pillugu paasisaqarnerorusukkuit ikummatissaasiviup ittua Flemming Karlo Lassen attavigineqarsinnaavoq oqarasuaatikkut: 86 82 36 mobil: 54 51 52 imaluunniit Driftschef Gerth Jack Storer oqarasuaatikkut: 48 51 77.

 

Qinnuteqaat
Qinnuteqaat, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaamik ulloq 16. februar 2018.

 

Qinnuteqaat uunga nassiunneqassaaq:
KNI A/S
HR-afdelingen
Postboks 319
3911 Sisimiut

 

Qinnuteqaatit aamma faxerussinnaavat uunga: 86 23 97 mailerulluguluunniit uunga: jobs@kni.gl

 

 

KNI A/S Kalaallit Nunaanni niuernermik pilersuinermillu isumagisallit annersaraat
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataat-simoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruffiannut inissisi-masumi. Kalaallillu Nunaat tamakkerlugu 1000-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

KNI A/S tassaavoq pisiniarfeqarnermik ingerlatsivik Pilersuisoq, ikummatissanik imerpalasunik pilersuisoq Polaroil, KNI Engros, savaaqqanik toqoraavik Neqi A/S. Tamakku saniatigut Kangerlussuup mittarfeqarfiani nioqqutissanik akitsuu-sigaanngitsunik pisiniarfeqarpugut.