Skip to main content
87

Dette jobopslag er udløbet

Narsarmijinut Niuertoq

Pilersuisoq pikkorissumik, angusaqarluarniartumik uummaarissumik sulilluartorujussuarmik Narsarmijinut niuertussarsiorpoq piaartumik imaluunniit isumaqatigiissuteqarnikkut sulilertussamik.

Narsarmijit Kalaallit Nunaanni nunaqarfiit kujallersaraat, 50-t missaani innuttaasoqarluni.

Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsi-tsilluarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kif-faanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.

Naatsorsuutigaarput unammillerusussuseqartuusutit, kiisalu sulisut peqatigalugit pisisartut pisiniarnermin-ni pitsaanerpaamik misigisaqartinnissaasa qulakkeernissaanni nutaamik ineriartortitsisinnaanermillu eqqar-sartarnissat.

Niuertup nunap immikkoortuini pisortaq Narsamiittoq qaninnertut pisortarissavaa.

Narsarmijini Niuertutut akisussaaffigissavatit:

  • Nioqqutissat eqqortut piniarneqarnissaat
  • Kiffartuussinissamut isumaqatigiissummiittut pisussaaffiit eqquutsinneqarnissaat
  • Sulisut aqutsilluarsinnaasumik tunniusimasumillu niuertuuffigineqartussat
  • Pisisartutsinnut pilerilersitsisinnaasumik sammisassanik pilersaarusiorneq ineriartortitsinerlu
  • Pisiniarfimmi sulisunillu allaffissuutiginninnermi akisussaasuuneq

Pingaarnertut suliassatit makkuussapput:

  • Narsarmijini Pilersuisup ingerlataani tamani angusaqarusussuseqarlutit niuernermik ingerlatsinerup ineriartortinnissaa
  • Pisiniarfiup tuniniaanissaanni piareersimajuaqqullugu, nioqqutissanik pilersorneqarnissap ingerlaavartuarnissaa qulakkeerlugu
  • Sulisut sapinngisartik tamaat sulilluarsinnaaqqullugit ineriartortilugit kaammattorlugillu
  • Pisisartunik suleqatigisartakkanillu pitsaasumik suleqatiginnerusussusilimmillu attaveqarneq
  • Ullut tamaasa pisiniarfiup tuniniaanissaanut torersuullunilu piareersimanissaa

Niuertutut atorfik inummik imaattumik inuttalerusupparput:

  • Angusaqarusuttoq anguniagassanillu ilisimaarinnittoq
  • Imminut sulisorisanullu pitsaanerpaatitsinissamik piumasaqaatilik
  • Imminut sulisorisanillu ineriartortitsisinnaasoq, inuttut sulisutullu
  • Pissusissamisuuginnartumik aqutsisuulluni isumassarsiortitsillunilu kaammattuisinnaasoq
  • Ulapaarfinni aqutsilluarsinnaasoq
  • Nunaqarfimmi najugaqarnermi sulinermilu unammillernarsinnaaneranik ilisimaarinnilluinnartoq

Atorfinittussamut neqeroorutigaavut:

  • Akissarsiat: KNI A/S SIK-llu isumaqatigiissutaat atuuttut naapertorlugit
  • Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il.il. Akilerneqartassapput, inatsisit malillugit.
  • Nuulluni angalanermi kiisalu pequtit angallannerannut akiliunneqarneq

Atorfik pillugu paasisaqarnerorusukkuit Nunap immikkoortuani  pisortaq Lars Petersen oqarasuaatikkut attavigineqarsinnaavoq: 86 84 58 mobil: 26 37 11.

 

 

Qinnuteqaat

Ilinniarsimanermut siusinnerusukkullu sulisimanermut allattukkanik imalik (CV), oqaaseqaatit, sulisitsisori-simasappit attaveqarfiginissaanut paasissutissat aammalu pillagaasimanerup allagartaa kingusinnerpaamik tigoreersimassavagut ulloq 20. juli 2018.

 

Qinnuteqaat uunga nassiunneqassaaq:         

KNI A/S

HR-afdelingen

Postboks 319

3911 Sisimiut

e-mail : jobs@kni.gl

KNI A/S Kalaallit Nunaanni niuernermik pilersuinermillu isumagisallit annersaraat

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaatatulliani, Qaasuitsup Killeqarfianut qanittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruffiannut inissisimasumi.

Kalaallillu Nunaat tamakkerlugu 1000-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it

pallillugit kaaviiaartittarlutigit. KNI A/S tassaavoq pisiniarfeqarnermik ingerlatsivik Pilersuisoq, ikummatissanik imerpalasunik pilersuisoq Polaroil, KNI Engros, savaaqqanik toqoraavik Neqi A/S. Tamakku saniatigut Kangerlussuup mittarfeqarfiani nioqqutissanik akitsuusigaanngitsunik pisiniarfeqarpugut.