Skip to main content
83

Dette jobopslag er udløbet

Kullorsuarmut Niuertoq

Pilersuisoq pikkorissumik, angusaqarluarniartumik uummaarissumik sulilluartorujussuarmik Kullorsuar-mut Niuertussarsiorpoq ulloq 1. februar 2018 aallarnerfigalugu imaluunniit isumaqatigiissuteqarnikkut sulilertussamik. Kullorsuaq Upernavimmiit 300 km missiliorlugu avannarpasinnerusumiippoq,  459-t mis-saani innuttaasoqarluni.

 

Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsitsilluarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kiffaanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.

 

Naatsorsuutigaarput unammillerusussuseqartuusutit, kiisalu sulisut peqatigalugit pisisartut pisiniarnerminni pitsaanerpaamik misigisaqartinnissaasa qulakkeernissaanni nutaamik ineriartortitsisinnaanermillu eqqarsartarnissat.

 

Niuertup immikkoortortami tuniniaanermut pisortaq qaninnertut pisortarissavaa.

 

Niuertutut akisussaaffigissavatit:

  • Nioqqutissat eqqortut piniarneqarnissaat
  • Kiffartuussinissamut isumaqatigiissummiittut pisussaaffiit eqquutsinneqarnissaat
  • Sulisut aqutsilluarsinnaasumik tunniusimasumillu niuertuuffigineqartussat
  • Pisisartutsinnut pilerilersitsisinnaasumik sammisassanik pilersaarusiorneq ineriartortitsinerlu
  • Pisiniarfimmi sulisunillu allaffissuutiginninnermi akisussaasuuneq

 

Pingaarnertut suliassatit makkuussapput:

  • Kullorsuarmi Pilersuisup ingerlataani tamani angusaqarusussuseqarlutit niuernermik ingerlatsinerup ineriartortinnissaa
  • Pisiniarfiup tuniniaanissaani piareersimajuaqqullugu, nioqqutissanik pilersorneqarnissap ingerlaavartuarnissaa qulakkeerlugu
  • Sulisut sapinngisartik tamaat sulilluarsinnaaqqullugit ineriartortillugit kaammattorlugillu
  • Pisisartunik suleqatigisartakkanillu pitsaasumik suleqatiginnerusussusilimmillu attaveqarneq
  • Ullut tamaasa pisiniarfiup tuniniaanissaanut piareersimatinnissaa

 

Niuertutut atorfik inummik imaattumik inuttalerusupparput:

  • Angusaqarusuttoq anguniagassanillu ilisimaarinnittoq
  • Imminut sulisorisanullu pitsaanerpaatitsinissamik piumasaqaatilik
  • Imminut sulisorisanillu ineriartortitsisinnaasoq, inuttut sulisutullu
  • Pissuseriinnarlugu aqutsisuulluni isumassarsiortitsillunilu kaammattuisinnaasoq
  • Ulapaarfinni aqutsilluarsinnaasoq
  • Nunaqarfimmi najugaqarnermi sulinermilu unammillernarsinnaaneranik ilisimaarinnilluinnartoq
  • Avinngarusimasumi kaperlattartumilu inooqataalluarsinnaasoq
  • Oqaatsit - kalaallisut, qallunaatut atuisinnaaneq

 

Atorfinittussamut neqeroorutigaavut:

  • Akissarsiat: KNI A/S SIK-llu isumaqatigiissutaat atuuttut naapertorlugit
  • Atorfimmut atatillugu inissaqartitsisoqassaaq tassungalu inatsisit malillugit qularnaveeqqut, ineqarnermut akiliut, atuineq il. il. akilerneqartassapput
  • Nuulluni angalanermi kiisalu pequtit angallannerannut akiliunneqarneq

 

Atorfik pillugu paasisaqarnerorusukkuit tuniniaanermi pisortaq Ole Løvstrøm oqarasuaatikkut attavigi-neqarsinnaavoq: 86 23 11 mobil: 53 21 45.

 

Qinnuteqaat
Ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissat kingusinnerpaamik tigoreersimassavagut

ulloq 15. januar 2018.

 

Qinnuteqaat uunga nassiunneqassaaq:
KNI A/S
HR-afdelingen
Postboks 319
3911 Sisimiut

 

Qinnuteqaatit mailerutigisinnaavat uunga: jobs@kni.gl

 

KNI A/S Kalaallit Nunaanni niuernermik pilersuinermillu isumagisallit annersaraat
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taa-maappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataatsimoortinneqarpoq.

 

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruffiannut inissisimasumi. Kalaallillu Nunaat tamakkerlugu 1000-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

 

KNI A/S tassaavoq pisiniarfeqarnermik ingerlatsivik Pilersuisoq, ikummatissanik imerpalasunik pilersuisoq Polaroil, KNI Engros, savaaqqanik toqoraavik Neqi A/S. Tamakku saniatigut Kangerlussuup mittar-feqarfiani nioqqutissanik akitsuusigaanngitsunik pisiniarfeqarpugut.