Skip to main content
104

TNI-mi ilinniartoq

Nukissiorfiit aningaasaqarnermut immikkoortortaqarfia TNI-iliniartumik praktikkertussamik pissarsiorpoq

Ilinniartussarsiorpugut, Kalaallit Nunaanni TNI-mi ilinniartutut atuarlersussamik imalluunnit atualernissaminut qinnuteqarsimasumik, 1. august 2017-milu aallartissalluni. Praktikkerneq Nuummi qullersaqarfitsinni ingerlanneqassaaq. Annertunerusumik aningassaqarnermut immikkoortortaqarfitsinniissaatit. Taamaattorli aamma immikkoortortaqarfinnut allanut inissinneqartarumaarputit, taamaalillutit suliffeqarfiup immikkoortortaqarfiini suliassat paasissallugit aammalu suliarisat iserfigissallugit.

Neqeroorutigaarput suliffeqarfik tamatigoortoq, suliat pillugit aamma inuttut ineriartornissamut periarfissaqartuusoq. Siunissami ilinniareerlutit sulilernissannut immersorumaarlutit sapinngisamik angorusupparput.

TNI-mi ilinniartup nalinginnaasumik allaffissorneq, oqinnerusunik sullissineq, missingersuusiorneq aamma naatsorsuuserineq, sullitanik kiffartuussineq, attaveqatigiinneq aamma sulisorisanik kiffartuussineq pillugit paasisaqarfigissavai.

Nukissiorfinni ilinniartuutigissagutsigit, ilimagissavatsigit illit:

  • Aalajaatsuusutit, piffissamik eqquisinnaasutit aamma isumaqatigiissutinik eqqortitsisinnaasutit
  • Akuersaartuusutit kiffartuusserusullutillu
  • Alapernaattuusutit, aperinissannullu tunuarsimasuunngitsutit
  • Nammineerlutit aamma inuit arlallit akornanni sulisinnaasutit
  • IT-mut tunngasunik piginnaasaqarluartuusutit
  • Kalaallisut aamma qallunaatut oqalussinnaallutillu allassinnaasutit.

Akissarsiaqarneq, ilinniartut pillugit isumaqatigiissut naapertorlugu tunniunneqartassaaq.

Nukissiorfiit pillugit erseqqinnerusumik paasisaqarusukkuit takuuk: www.nukissiorfiit.gl

Atorfik pillugu erseqqinnerusumik paasissaqarusukkuit uunga saaffiginnissinnaavutit:
Naatsorsuuserisut pisortaat Johanne Zethsen, Tlf. 34 96 10, johz@nukissiorifit.gl

Nukissiorfiit pillugit apeqqutissat nalinginnaanerusut HR-immikkoortortaqarfimmut saaffiginnissutigineqarsinnaapput: hr@nukissiorfiit.gl

Qinnuteqaat, atuarfimmiit ilinniartunngornissamut uppernarsaat (ajornanngippat), pigisaqaruillu CV, ilinniarsimanermut uppernarsaatit aamma suliffigisimasap oqaaseqaatai, A-post-ikkut nassiunneqassapput uunga:

Nukissiorfiit
Postboks 1080
3900 Nuuk
e-mail: hr@nukissiorfiit.gl

Qinneqarfissaq ulloq kingulleq: Pingasunngorneq 31. maj 2017

Qinnuigaatsigit nalunaarutigeqqullugu, sulisussarsiornerput sumi takusimanerlugu.