Skip to main content
94

Dette jobopslag er udløbet

Sisimiunut innaallagialerisoq kissaatigineqarpoq

Nukissiorfiit, Nunap immikkoortuani Qeqqani, Sisimiuni aamma nunaqarfiinut Innaallagissamik Siaruarterinermi aqqutinik ingerlatsinermut aamma aserfallatsaaliuisarnermut innaallagialerisumik pissarsiorput. Innaallagialerisoq sulisut allat peqatigalugit Innaallagissamik Siaruarterinermi aqqutinik ingerlatsinermut, pitsanngorsaanermut aamma ineriartortitsinermut peqataassaaq, Sisimiunilu suleqatigiit akornanni aamma nunaqarfimmi, nunap immikkoortuani aamma suliffeqarfimmi sumiinneq apeqqutaatinnagu suleqatigiillualernissamut peqataalluartussaalluni. Innaallagialerisup qaninnerpaamik akisussaaffigisassaa tassaavoq Sisimiuni Innaallagissamik Siaruarterinermut Teamlederi. Innaallagialerisoq Sisimiuni najugaqartuussaaq.

 

Suliassat aamma akisussaaffiit
Innaallagialerisup peqataaffigissavaa suliffimmi namminnermi ingerlatseriaatsit ingerlaavartumik ineriartortinneqarnissaat malinneqarnissaallu, aammattaaq inatsisit atuuttut sutigut tamatigut eqqortinneqarnissaat.

Innaallagialerisup makku suliassarai:

 

  • Innaallagissamik Siaruarterinermi aqqutit aamma transformerstationit aserfallatsaaliorneqartarnissaat.
  • Innaallagissamut, imermut aamma kiassaateqarfinni innaallagissamut ikkussukkat aserfallatsaaliorneqartarnissaat.
  • Illoqarfimmi aqqusinerni qullersuit aserfallatsaaliorneqartarnissaat
  • Innaallagissamut tunngasut suliassat takkuteriasaartut assigiinngitsut.
  • Atuinermik atuaasarnerit, uuttuutinik qamitsineq/ikitsineq
  • Uuttuutinik nalunaarsuineq, kiisalu ikkussuineq piiaanerlu.
  • Linieafdelingimut ingerlatsinermi kisitsisinik nalunaarusiortarneq.
  • Sanaartortitsinermi kisitsisitigut paasissutissanik aamma Arcgis-imi uppernarsaatinik linieafdelingimut nalunaarusiortarneq.  

 

Suleqatissarsiorpugut makkuninnga piginnaanilimmik:

  • Pigaartuusarnermi peqataasinnaasumik
  • Koblingsperson-itut ilinniartitaanermik angusaqarnissaq, koblingsleder-itut ilinniartitaaniusinnaavoq
  • Suleqatiginnikkusulluartoq
  • Tatiginartuusoq aamma aalajaatsuusoq
  • Nammineersinnaasoq aamma aaqqissuulluakkamik suliaqarsinnaasoq.

 

Neqeroorutigisinnaavavut:

  • Suliffik pissanganartoq, uummaarissumik suleqatigiittut suliaqartarluta
  • Sullivimmi avatangiisit isumassarsinarlutillu pitsaasuusut suliassanut sukumiisumik ilisarititsisoqarnissamut ilitsersorneqarnissamullu periarfissaqarfiusut
  • Suliffik ineriartortoq inuttut aamma suliatigut ineriartornissamut pitsaasunik periarfissaqartitsisoq.

 

Atorfeqartitaanermi atugassarititaasut
Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutaat atuuttut tunngavigalugit ingerlanneqassapput.

Sapinngisamik piaartumik atorfinitsitsisoqassaaq.

 

Atorfimmut atatillugu inissaqartitsisoqarsinnaavoq malittarisassat atuuttut malillugit.

 

Atorfik pillugu annertunerusumik paasissutissat sukumiinerusut pillugu saaffigineqassaaq:
Nunap immikkoortuani pisortaq Jan Zachariassen, jbz@nukissiorfiit.gl, telefon 86 72 08, imaluunniit Teamleder Frank Jeremiassen FJE@nukissiorfiit.gl tlf: 526348. Apeqqutit nalinginnaanerusunut tunngasut pillugit Sulisoqarnermut immikkoortortaqarfik saaffigineqassaaq: hr-afdelingen@nukissiorfiit.gl

 

Qinnuteqaat tassunga ilanngullugit paasissutissat imminut tunngassuteqartut (CV), ilinniagaqarsimanermut allagartat assilineri aamma suliffigisimasanit oqaaseqaatit allakkatut A-tut nassiunneqassapput uunga:

 

Nukissiorfiit
Postboks 1080
3900 Nuuk
Mail hr@nukissiorfiit.gl

 

Qinnuteqarfissaq kingusinnerpaaq: 26. oktobari 2017