Skip to main content
94

Dette jobopslag er udløbet

Sisimiuni kiassaateqarfimmut formandissamik Nukissiorfiit pissarsiorput

Nukissiorfiit Sisimiuni kiassaateqarfimmi formandissamik piaartumik sulilertussamik pissarsiorput. Kiassaateqarfimmi Teamlederi ittorissavat.

Suliassaqarfiit pingaarnerit tassaapput Sisimiuni kiassaateqarfiit aammattaaq iluutit kiisalu atortut taakkununnga attuumassuteqartut.

Suliarisartagassat

  • Kiassaateqarfiup atortuinik aamma illuutinik nakkutilliineq, ingerlatsineq kiisalu aserfallatsaaliineq
  • Atortussanik piniarneq aammalu kingoraartissanik peqqumaasivimmit atuinernik nalunaarsuineq
  • Suliarisassanik pilersaarusiornermut peqataaneq
  • Pilersuinermik annertuumik qulakkeerinninneq.

Piginnaasat pigineqartussat

  • Maskinarbejderitut, skibsmontøritut imaluunniit allamik tulluartumik ilinnigaqarsimasuuneq
  • Biilernermut allagartaqarneq
  • Suleqatigikkuminartuuneq, suliartornissamut aalajaatsoq nammineerluni suliaqarsinnaasoq soorlu assersuutigalugu aggersarneqarnermut atatillugu
  • PC-imik atuisutut atuisinnaanermik ilisimasaqarneq
  • Kissarsuutinik uuliatortunik kiisalu kiassaanermik siaruarterinermut aqutsinik ilisimasaqarneq.

Naatsorsuutigineqartariaqarpoq pigaartuulluni sulisarnissaq aamma nunaqarfinnut angalasarsinnaaneq.

Atorfeqartitaanermi atugassarititaasut
Akissarsianut aamma atorfeqartitaanermi atugassarititaasunut tunngasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Nukissiorfiit atorfimmut atatillugu ajoraluartumik inissamik innersuussisoqarsinnaanngilaq.  Nukissiorfiit pillugit paasissutissat sukumiinerusut takuuk: www.nukissiorfiit.gl.

Atorfimmut tunngatillugu paasissutissat sukumiinerusut pillugit saaffigineqassaaq:
Ingerlatsinermut Pisortamut Jan Zachariassen, jbz@nukissiorfiit.gl imaluunniit telefonikkut saaffigineqarsinnaavoq uunga tlf. +299 86 22 08 imaluunniit Teamleder Knud Dalager +299 52 82 31-imut sianerfigalugu pissarsiarineqarsinnaapput.

Apeqqutit nalinginnaanerusunut tunngasut apeqqutigineqassapput:
Sulisoqarnermut immikkoortortaqarfik, HR@nukissiorfiit.gl imaluunniit Tlf. (+299) 34 95 00.

Qinnuteqaat tassunga ilanngullugit paasissutissat namminermut tunngasut (CV) ilinniagaqarsimanermut uppernarsaatit aamma suliffigisimasat oqaaseqaataat allakkatigut A-tut nassiunneqassapput uunga: Nukissiorfiit, Postboks 1080, 3900 Nuuk, imaluunniit E-mailikkut: HR@nukissiorfiit.gl

Qinnuteqaateqarnissamut piffissarititaasoq kingusinnerpaaq:  12. Januar 2017.
Nukissiorfiit pillugit paasissutissat sukumiinerusut uani takukkit: www.nukissiorfiit.gl.

Nukissiorfiit Nunami maani innaallagissaik, imermik aamma kiassaanermik pilersuisuunermigut Kalaallit Nunaanni nutaaliaasumik inuuneqarnissamut pisariaqartuuvoq. Ingerlatsivik tunngaviusumik pilersuinermik ingerlatsisuuvoq taamaattumillu nunap ineriartuinnarnissaanut pingaaruteqartuulluni. Ingerlatsiviup allaffissornikkut ingerlatsinera Nuummi qullersaqarfimmi ingerlanneqarpoq. Inuit 400 missaanniittut sulisorivagut, taakku illoqarfinni 17-ini aamma nunaqarfinni 53-ini agguataarsimasuupput.