Skip to main content
104

Dette jobopslag er udløbet

Pisortanut allatsi attaveqaqatigiinnermut sammisoq

Nukissiorfiit pisortanut allatsimik pisarsiorput Nuummi qullersaqarfimmi atorfik nutaatut pilersinneqarpoq aamma unamminartuulluni. Nuna tamakkerlugu suliffeqarfittut nukissamik pilersuisutut

niuernikkut ineriartortitsinerup unamminartup qeqqaniippugut, tassani pilersinneqarput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatumunnga ilanngullugit ataavartumik nukissamik pilersuineq, imermik pilersuineq ilanngullugu qitiutinneqarlutik ineriartorteqqinneqarput angusarissaarniarluni anguniakkat aamma killiliussatut piumasaqaataasut unamminartut atorlugit. 

 

Atorfik
Pisortamut allatsitut illit suliassat pingaarneq tassaavoq pisortaaneq ulluinnarni suliassanik nalinginnaasunik ikiortassallugu, taakkununnga ilanngullugu suliffeqarfimmi namminermi aamma avataanut attaveqaqatigiinnermik suliassannulli ilaatigut ilaassapput makkua:

  • Tusagassiortunit saaffiginnissutit isumagissallugit aammattaaq tusagassiuutitigut nalunaarutinik suliaqarneq ingerlatsitseqqinnerlu
  • Suliffeqarfiup nittartagaanik, Facebookimi quppernermik aamma intranetitta paasissutissanut tunngasortaanik isumaginninneq ineriartortitsinerlu
  • Attaveqaqatigiinnermut sammisunik aamma suliassanut sammisunik allanik suliaqarneq illit piginnaasareriikkannut naleqqussakkani
  • Pisortat nutsikkatut suliaritissimasaanik ingerlatitseqqinneq aamma misissuineq aammattaaq pisariaqartitsineq tunngavigalugu ataatsimiinnerni oqaluttaasarneq
  • Pisortat ingerlatsinerannut tunngasunik allakkianik, ataatsimiinnerni –saqqummiussassanik, -pilersaarutinik aamma –imaqarnilianik il.il suliaqarneq
  • Suliffeqarfimmi namminermi avataanilu suliassani aamma suliniutini suleqatigiissitani peqataasarneq pisortallu suliassanik takkuttartunik sullissisarneq. 

 

Niuernerpalaarnermut tunngatillugu immikkut piginnaasaqareeruit tamakku atorneqarsinnaassapput, tassami suliffeqarfimmi ineriartornermut periutsit ingerlanneqarmata periarfissaqarluassaaq illit nammineq atorfimmi suliassanut sunniuteqarnissat.

 

Piginnaasat

Atorfimmut aamma illit iluatsitsinissannut iseriarfissat arlaqarput kisianni aallaavigineqarpoq illit attaveqaqatigiinnermi aamma suliassanik suliaqarnermi misilittagaqarluarnissat, iluaqutaassaaq Kalaallit Nunaanni suliffeqarfimmi pisortanit ingerlanneqartumiit. Piumasaqaataavoq marluinnik oqaaseqartuunissat kalaallisut/danskisut, taakkulu saniatigut pingaartipparput, illit:  

  • Suliassannut annertuunut annikitsunullu akunnaatsumik angusaqarusussuseqartumillu ingerlatseriaaseqartuusutit
  • Oqallorissuusutit allannermilu oqaasiliullaqqissuussutit aamma IT-mik atuisunut piginnaasaqarluartuusutit
  • Misissueqqissaarsinnaalluartuullutit nutaaliorneq pikkoriffigalugu niuernermik pitsaasumik isiginnissaanermi killiussat iluanni
  • Tulleriiaarillutit suleriaaseqartutit immikkuualuttut pingaaruteqarnerat ilisimallugu aamma politikkimik paasinnilluartuusutit
  • Nittartakkanik aamma Facebookimi quppernernik aaqqissuussinermik ineriartortitsinermillu misilittagaqartuusutit
  • Ilinniagaqarnermik tulluartumik tunngaveqartutit aamma suliassanut naleqqussakkamik ilinniagaqaqqinnissaq kajumiffigalugu.

Iluaqutaassaaq grafik atorlugu attaveqaqatigiinnermik misilittagaqaruit aamma tuluit oqaasiinik atuilluarsinnaaguit. Tamatumunnga ilanngullugu kiinneraartuuvutit pisuni tatineqarfiusuni qitiutitsineq ingerlatiinnarsinnaallugu aamma ilisimasanik ingerlatitseqqissinnaallutit angusaqarluarnissaq siunertaralugu avatangiisinniittut suleqatigisinnaallugit.

 

 

Atorfeqartitaanermi atugassarititaasut aamma paasissutissat sukumiinerusut

Ilinnut neqeroorutigineqarpoq sullivimmi avatangiisit pikkoriffeqarfiusut aamma aallussilluarfiusut tassani inuttut suliatigullu ineriartornissat periarfissaqarfiullarpoq suliassanut tunngatillugu ilinniagaqaqqinneq aqqutigalugu. Qinnuteqaateqartumut tulluartumut atorfimmi suliatigut aamma inuttut ineriartornissamut periarfissaqarluarpoq.

 

Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassapput. Atorfimmut atatillugu inissamik innersuussisoqarsinnaanngilaq. Takuuk www.nukissiorfiit.gl Nukissiorfiit pillugit annertunerusumik paasisaqarniarlutit, tassa paasissutissat sukumiinerusut atorfimmut tunngasut pissarsiarineqarsinnaapput allaffissornikkut pisortaq Henning Uldal telefonikkut (+299) 34 95 00 saaffigalugu.

 

Qinnuteqaateqarnissamut kingusinnerpaamik piffissarititaasoq tassaavoq 18. januaari 2017

Qinnuteqaat tassunga ilanngullugit paasissutissat ilinnut tunngassuteqartut (CV) ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput hr@nukissiorfiit.gl imaluunniit allakkatigut A-tut nassiunneqassapput uunga: Nukissiorfiit, Postboks 1080, 3900 Nuuk