Skip to main content
94

Dette jobopslag er udløbet

Paamiunut innaallagialerisoq kissaatigineqarpoq

Nukissiorfiit, Nunap Immikkoortuani Kujallermi, Paamiuni Innaallagissamik Siaruarterinermi aqqutinik ingerlatsinermut aamma aserfallatsaaliuisarnermut innaallagialerisumik pissarsiorput. Innaallagialerisoq sulisut allat peqatigalugit Innaallagissamik Siaruarterinermi aqqutinik ingerlatsinermut, pitsanngorsaanermut aamma ineriartortitsinermut peqataassaaq, Paamiunilu suleqatigiit akornanni, nunap immikkoortuani aamma suliffeqarfimmi sumiinneq apeqqutaatinnagu suleqatigiillualernissamut peqataalluartussaalluni. Innaallagialerisup qaninnerpaamik akisussaaffigisassaa tassaavoq Paamiuni Ingerlatsinermut Akisussaasutut Teamlederi. Innaallagialerisoq Paamiuni najugaqartuussaaq.

 

Suliassat aamma akisussaaffiit
Innaallagialerisup peqataaffigissavaa suliffimmi namminnermi ingerlatseriaatsit ingerlaavartumik ineriartortinneqarnissaat malinneqarnissaallu, aammattaaq inatsisit atuuttut sutigut tamatigut eqqortinneqarnissaat.

Innaallagialerisup makku suliassarai:

 

  • Innaallagissamik Siaruarterinermi aqqutit aamma transformerstationit aserfallatsaaliorneqartarnissaat.
  • Innaallagissamut, imermut aamma kiassaateqarfinni innaallagissamut ikkussukkat aserfallatsaaliorneqartarnissaat.
  • Illoqarfimmi aqqusinerni qullersuit aserfallatsaaliorneqartarnissaat
  • Innaallagissamut tunngasut suliassat takkuteriasaartut assigiinngitsut.
  • Atuinermik atuaasarnerit, uuttuutinik qamitsineq/ikitsineq.
  • Uuttuutinik nalunaarsuineq, kiisalu ikkussuineq piiaanerlu.
  • Linieafdelingimut ingerlatsinermi kisitsisinik nalunaarusiortarneq.
  • Sanaartortitsinermi kisitsisitigut paasissutissanik aamma Arcgis-imi uppernarsaatinik linieafdelingimut nalunaarusiortarneq.

 

Suleqatissarsiorpugut makkuninnga piginnaanilimmik:

  • Pisariaqartitsineq naapertorlugu pigaartuusarnermi peqataasinnaasumik
  • Koblingsperson-itut ilinniartitaanermik angusaqarnissaq, koblingsleder-itut ilinniartitaaniusinnaavoq
  • Suleqatiginnikkusulluartoq
  • Tutsuigineqartoq aamma aalajaatsuusoq
  • Nammineersinnaasoq aamma aaqqissuulluakkamik suliaqarsinnaasoq.

 

 

Neqeroorutigisinnaavavut:

  • Suliffik pissanganartoq, uummaarissumik suleqatigiittut suliaqartarluta
  • Sullivimmi avatangiisit isumassarsinarlutillu pitsaasuusut suliassanut sukumiisumik ilisarititsisoqarnissamut ilitsersorneqarnissamullu periarfissaqarfiusut
  • Suliffik ineriartortoq inuttut aamma suliatigut ineriartornissamut pitsaasunik periarfissaqartitsisoq.

 

Atorfeqartitaanermi atugassarititaasut
Akissarsiaqartitsineq Naalakkersuisut aamma pineqartup kattuffiata isumaqatigiinniarsinnaatitaasup akornanni isumaqatigiissutaat atuuttut tunngavigalugit ingerlanneqassapput.

Sapinngisamik piaartumik atorfinitsitsisoqassaaq.

 

Atorfimmut atatillugu inissaqartitsisoqarpoq tassunga iserternermi qularnaveeqqutit akilerneqassapput aamma ineqarnermut akiliut akilerneqartassaaq, tamatumunnga tunngatillugu maleruaqqusat qaqugukkulluunniit atuuttut naapertorlugit.

 

Atorfik pillugu annertunerusumik paasissutissat sukumiinerusut pillugu saaffigineqassaaq:
Ingerlatsinermi Akisussaasutut Teamlederi Rasmus S. Sørensen RSR@nukissiorfiit.gl tlf: 49 86 76. Apeqqutit nalinginnaanerusunut tunngasut pillugit Sulisoqarnermut immikkoortortaqarfik saaffigineqassaaq: hr-afdelingen@nukissiorfiit.gl

 

Qinnuteqaat tassunga ilanngullugit paasissutissat imminut tunngassuteqartut (CV), ilinniagaqarsimanermut allagartat assilineri aamma suliffigisimasanit oqaaseqaatit allakkatut A-tut nassiunneqassapput uunga:

 

Nukissiorfiit
Postboks 1080
3900 Nuuk
Mail hr@nukissiorfiit.gl

 

Qinnuteqarfissaq kingusinnerpaaq: 14. novembari 2017