Skip to main content
85

Dette jobopslag er udløbet

Nukissiorfiit teamlederimik ingerlatsinermut akisussaasumik Qaqortumut pissarsiorput

Ingerlatsinermut akisussaasumik teamlederimik misilittagaqartumik pissarsiorpugut Nukissiorfiit Qaqortumi nukissamik aamma imermik imerneqartussamik pilersuinermik aamma imermik nukissiorfimmut attuumassuteqartumut ingerlatsinermut akisussaasuusussamik. Pineqartoq tassaavoq aqutsisutut atorfik unamminartortalik suliffeqarfimmi nuna tamakkerlugu ingerlatsisumi teknikkimi suliatigut qaffasissumik ingerlatsisumik aamma inuiaqatigiinnut annertuumik akisussaassuseqartumi. Nukissiorfiit niuernikkut ineriartortitsinerup pissanganartup qeqqaniipput, tassani pilersinneqarput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatumunnga ilanngullugit ataavartumik nukissamik pilersuinerup ineriartorteqqinnera aamma ataavartumik nukissiamik pilersuinerup pitsaanerulersinneqarnera tamatumunnga ilanngullugu imermik  imerneqarsinnaasumik pilersuinerup qitiutinneqarnerisa pingaartinneqarnerat angusarissaarniarluni anguniakkat aamma killiliussatut piumasaqaataasut unamminartut atorlugit. 

 

Atorfik
Atorfimmi Nunap immikkoortuani Kujallermi pisortaq akisussaassuseqarfigineqarpoq aamma nunap immikkoortuani aqutsisoqatigiinnut peqataassaatit. Qaqortumi ingerlatsinermut akisussaasuulluni teamlederi teamlederinut 2-nut aamma sulisunut 8-nut sulisoqarnermut akisussaassuseqarpoq, taakkua suliatigut suleqatigiinnut pingasunut agguarsimapput, kiisalu illit pingaarnertut suliassannut ilaatigut ilaassapput:

  • Ingerlatsinermik pilersaarusiorneq aamma malitseqartitsineq ingerlatsinermut aserfallatsaaliuinermullu paasissutissanik nalunaaruteqartarnikkut
  • Qaqortumik Nukissiorfiit illuutaannik ingerlatsineq aaamma aserfallatsaaliuineq aammattaaq nunap immikkoortuani illoqarfinnut aamma nunaqarfinnut allanut ikiuuttarneq
  • Qaqortumi ingerlatsinermut aamma quersuarmut pisiarineqartussanut akisussaasuuneq
  • Sulisuit piginnaasaannik ineriartortitsineq aanna nioqqutissiornermut atortunik nakkutilliineq illit akisussaaffinnut ilaassapput
  • Sanaartornermi suliassanik pilersaarusiorneq aamma  iluarsartuussamik pilersaarusiorneq, kiisalu suliarineqarneranni naammassineqarnissaasa tungaannut nakkutilliineq
  • Nunap immikkoortuani pisortaq suleqatigalugu missingersuusiorneq aamma malinnaaffiginninneq.

 

Tamakku saniatigut teamlederitut ingerlatsinermi aqutsisutut suliffeqarfimmi namminermi aamma avataani suleqatigiissitanut aamma suliniuteqatigiinnut peqataasarsinnaassaatit, taamatuttaaq Nukissiorfiit sinnerlugit saqqummiussisinnaassaatit suliffeqarfiup avataani pisunut atatillugu. Immikkut piginnaasaqareeruit tamakku atorneqarsinnaassapput, tassami suliffeqarfimmi aamma nunap immikkoortuani niuernermi ineriartorneq ingerlanneqarmat periarfissaqarluassaaq illit nammineq atorfimmi suliassanut sunniuteqarnissat.

 

 

Piginnaasat
Atorfimmut aamma illit iluatsitsinissannut iseriarfissat arlaqarput kisianni pingaarnerpaavoq illit teknikkimut tunngatillugu ingerlatsinermik misilittagaqarluarnerit SRO-mi atortunik aamma innaallagissap aqqutaannik ingerlatsinermik aamma aserfallatsaaliuinermik ilisimasaqarlutit. Tamatumunnga ilanngullugu naatsorsuutigineqarpoq aqutsisutut misilittagaqarnerit, kiisalu sulisunnik kaammattuisinnaanerit piginnaasaannillu ineriartortitsisinnaanerit anguniagaqarluartumik suleqatigiinneq aamma ilisimatitsisarnikkut peqataatitsinermik pitsaasumik pingaartitsinitit aqqutigalugit. Taakku saniatigut pingaartipparput, illit:

  • Teknikkimut tunngasumik tulluartumik toqqammaveqarnerit, soorlu assersuutigalugit illuliornermi ingeniøritut, illuliornermi konstruktøritut, maskinmesteritut imaluunniit elinstallatøritut
  • Tulleriiaarisutut suleriaaseqarnerit immikkuualuttut pingaaruteqarnerannik soqutiginnillutit allaffissornermi aamma aningaasaqarnermut paasisimasaqarluarlutit
  • IT-mik atuisutut piginnaasaqarluartuuvutit aamma biilernermut allagartaqarlutit
  • Nutaaliorneq pikkoriffigalugu niuernerpalaartumik killiliussanik isiginnissinnaallutit.

Iluaqutaalluassaaq inuiaqatigiit kalaallit ilisimasaqarfigigukkit oqaatsinillu marluinnik kalaallisut/danskisut atuisinnaallutit.

 

Atorfeqartitaanermi atugassarititaasut paasissutissallu sukumiinerusut
Ilinnut neqeroorutigineqarpoq suliffeqarfik pikkorissuseqarfiusumik aamma eqeersimaarnermik sullivimmi avatangiiseqartoq, inuttut aamma suliatigut ineriartornissamut periarfissaqarluartoq suliassaasut tunngavigalugit ilinniagaqaqqinnerit aqqutigalugit. Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassapput. Atorfimmut atatillugu inigisassamik maleruaqqusat atuuttut naalertorlugit innersuussisoqarsinnaavoq, kisianni atorfininnermut atatillugu angalanermut aamma pequtit assartorneqarnerannut akiliussisoqassaaq kiisalu ukiuni pingasuni ataannartumik atorfeqareernermi inoqutigiit tamarmik angerlarnissaminut akiliunneqassapput qitornaasut 18-it inorlugit ukiullit ilanngullugit. Takuuk www.nukissiorfiit.gl Nukissiorfiit pillugit annertunerusumik paasisaqarniarlutit, tassa atorfik pillugu paasissutissat sukumiinerusut nunap immikkoortuani Kujallermi pisortaq Lars Hoffmeyer på LH@nukissiorfiit.gl eller tlf. nr. (+299) 64 78 10 saaffigalugu pissarsiarineqarsinnaapput.

 

Kingusinnerpaamik qinnuteqaateqarfissaq tassaavoq 15. juuni 2018

Qinnuteqaat paasissutissat imminnut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit e-mail aqqutigalugu uunga: hr@nukissiorfiit.gl imaluunniit allakkatigut A-tut uunga: Nukissiorfiit, Postboks 1080, 3900 Nuuk, nassiunneqassapput.