Skip to main content
89

Dette jobopslag er udløbet

Nukissiorfiit sulisoqarnermut siunnersortimik pissarsiorput

Nukissiorfiit Sulisoqarnermut Siunnersortimik misilittagaqartumik sulisoqarnermut tunngatillugu allaffissiornermik piginnaasaqartumik aamma Kalaallit Nunaanni ilinniartitaanermut tunngasunik ilisimasalimmik Nuummi qullersaqarfimmut pissarsiorput.

HR-imi siunnersortitut illit suleqatigiit ilaattut Kalaallit Nunaanni suliffeqarfiup aaqqissuussaanerani sumi inissisimaneq apeqqutaatinnagu sulisassaatit. HR-imut immikkoortortaqarfik suliffeqarfiup aamma sulisuisa ineriartornissaa siunertaralugu iliuutsinik aamma aallartitsinernik ingerlatsisarput. Nukissiorfinnut sammisaq pingaaruteqartoq tassaavoq ilinniartunik ilinniartitsineq aamma sulisut eqqortumik piginnaasamikkut ineriartortinneqarnissaasa qulakkeerneqarnissaat, tamanna illit suliassaqarfinni pingaaruteqartut ilagissavaat.  

HR-imut immikkoortortaqarfimmi pingasunik siunnersorteqarpoq, ilinniartoq ataaseq aamma sulisoqarnermut pisortaq, illit taanna akisussaassuseqarfigissavat.

Suliassatit makkuussapput:

  • Sammisat ilinniartunut ilinniartitaanermullu tunngasut pikkorissarnernut allaffissornikkut aaqqissuussinerit ilanngullugit
  • Suliassanik sulisoqarnermut tunngasunik nalinginnaasunik suliaqarneq
  • Sulisunik isummersuisarneq aamma suliffeqarfiup aaqqissuussaanerata iluani tamarmiusumi aqutsisunik
  • Suliassanik HR-imut tungasunik allanik suliaqarneq immikkoortortaqarfimmi sunik suliassaqarneq apeqqutaatinnagu suleqatigiikkatta.

Illit piginnaasaqarfitit:

  • Tulluartumik ilinniagaqarsimanermik tunngaveqarneq ingerlaqqiffiusumik ilinniagaqarsimaneq iluaqutaassaaq
  • HR-imut sammisumik misilittagaqarneq Kalaallit Nunaannilu ilinniartitaanerup aaqqissuunneqarneranik pitsaasumik ilisimasaqarneq
  • Illit pingaartitaraat suliarisavit pitsaasuunissaat aamma aaqqissuussaasumik suleriaaseqarlutit
  • HR-imut tunngatillugu atortunik misilittagaqarputit imaluunniit IT-mi atortunik assingusunik
  • Ajunngitsumik isumaqartuuvutit aamma suleqatigiit akornanni suleqatigiinnermut piginnaasaqarlutit.

Suliassat ilaat allaffissornermi suliassaammata pingaaruteqarpoq ilaannikkut aammattaaq suliassanik sungiussimasanik suliaqartarneq ajorinngikkukku. Illit piginnaasaqarfigaat allaffissornermi suleriaatsinik pilersitsineq aamma pitsanngorsaaneq. Suliannut tunngatillugu peqqissaartuuvutit aamma ulapitsillutit ataatsimoortumik isiginnissinnaavutit, tamatuttaaq tatiginassuseqarputit, tusarnaartuullutit aamma sulisunik qanoq inissisimanerat apeqqutaatinnagu oqaloqateqarsinnaallutit.

Uagut ilinnut neqeroorutigisinnaavavut:
Atorfik pissanganartoq aamma tamatigoortoq suli ineriartorfiusoq aamma illit annertuumik nammineq sunniuteqarfigisinnaallugu qanoq suleriaaseqarnerput.

Illit suliatigut aamma inuttut ineriartornissamut periarfissaqassaatit suliffimmi pissanganartunik aamma ineriartornermik sammisaqartumi. Sulisut suliffimmi atugarisaasa pitsaasuunissaat annertumik sulisuutigaarput aamma qitiutillutigu suliffeqarfimmi pitsaasunik atugassaqartitaaneq.

Atorfeqartitaanermi atugassarititaasut
Akissarsiat aamma atorfeqartitaanermi atugassarititaasut Naalakkersuisut aamma pineqartup kattuffiata isumaqatigiinniarsinnaatitaasup akornanni isumaqatigiissutit tunngavigalugit ingerlanneqassapput.

Atorfiniffissaq 1. maaji 2017 imaluunniit taassuma kinguninnguatigut.

Inissaq
Atorfeqartitaanermut atatillugu inissaqartitsisoqanngilaq.

Nukissiorfiit pillugit annertunerusumik paasisaqarniaruit, takuuk: www.nukissiorfiit.gl

Atorfimmut tunngatillugu paasissutissat sukumiinerusut pillugit saaffiginniffissaq:
HR-imut pisortaq Ulla Bjerrum på tlf. nr. 34 95 20 imaluunniit E-mailikkut: ulbj@nukissiorfiit.gl

Kingusinnerpaamik qinnuteqaateqarnissamut piffissarititaasoq: Ataasinngorneq 3. apriili 2017.

Qinnuteqaat tassunga ilanngullugit, paasissutissat ilinnut tunngasut (CV), ilinniagaqarsimanermut uppernarsaatit aamma suliffigisimasat oqaaseqaataasa assilineri ilanngullugit mailikkut uunga HR@nukissiorfiit.gl nassiunneqassapput.