Skip to main content
119

Dette jobopslag er udløbet

Nukissiorfiit sulisoqarnermut pisortassarsiorput

Nukissiorfiit HR-imut pisortassarsiorput sulisoqarnermut allaffissornikkut annertuumik tunngaveqartumik aamma aqutsisutut misilittagaqartumik. Matumani pineqarpoq pisortatut atorfik unamminartulik suliffeqarfimmi suliatigut teknikikkut qaffasissumik nuna tamakkerlugu ingerlatsisumi aamma inuiaqatigiinnut annertuumik akisussaassuseqartumi. Nukissiorfiit niuernikkut ineriartortitsinerup unamminartup qeqqaniippoq, tassani pilersinneqarput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatumunnga ilanngullugu ataavartumik nukissamik pilersuinerup ineriartorteqqinnerata qitiutinneqarnera, kiisalu Nukissiorfinni sulisut suliffeqarfiup pingaarnerpaatut isumalluutaatut isigineqarlutik.

Inatsisit, isumaqatigiissutit atuuttut aamma Nukissiorfiit sulisoqarnermut politikkia tunngavigalugit Sulisoqarnermut Immikkoortortaqarfiup sulisunik allaffissornikkut sullissineq, suliffeqarfiup nunami immikkoortuani aamma qullersaqarfimmi Nuummi immikkoortortaqarfiit allat qanoq suleqatigalugit ingerlatarai. Immikkoortortaqarfimmi isumagineqarput ineriartortitsinermut suliniutit sulisoqarnermut tunngasut sulisorineqarpullu Sulisoqarnermut Siunnersortit pingasut kiisalu Sullivimmi Avatangiisinut Siunnersorti. Sulisoqarnermut Pisortaq Nukissiorfimmi Pisortamut akisussaassuseqarpoq suliffeqarfimmilu pisortaaqatigiinnut peqataalluni.

Atorfik
Sulisoqarnermut Immikkoortortaqarfimmut pisortatut ingerlatseriaatsinut tunngaviusut aamma suliffeqarfimmi namminermi suleriaatsit sulisoqarnermut tunngasut malinneqarnissaat illit akisussaassuseqarfigissavatit, aamma sulisoqarnermut politikki suliffeqarfimmilu namminermi periutsit pitsanngorsarneqarnissat, tamatumani periarfissaqarpat imaluunniit tamatumunnga tunngasunik pisariaqartitsisoqarpat. Illit pisortatut akissaassuseqarninnut ilaatigut ilaassapput:

  • Sulisoqarnermut Immikkoortortaqarfimmik aqutsineq, tamatumunnga ilanngullugit sulisoqarnermut siunnersortit suliatigut aamma inuttut ineriartornerat
  • Pilersaarusiorneq, ataqatigiissaarineq aammattaaq suliffeqarfiup sulisoqarnermut allaffissornikkut sulianik nakkutiginninneq aamma ineriartortitsineq
  • Suliassanik sulisunut tunngasunik suliarinninneq – atorfinitsitsinermit soraarnermut
  • Ineriartortitsineq, pitsaassutsimik qulakkeerinninneq aamma kisitsisinik sulisoqarnermut tunngasunik pisariaqartunik nalunaaruteqarneq – Sulisoqarneq kisitsisinngorlugu
  • Ilinniakkami ilinniaqqinnernik akuerisaasunik aamma piginnaasanik ineriartortitsinermut iliuutsinik ineriartortitsinermik allaffissornikkut suliarinneq
  • Ilinniartunut aamma lærlinginut tunngasunik aammattaaq suliffeqarfiup praktikkertuinik allaffissornikkut suliarinninneq
  • Suliffeqarfimmi namminermi sulisut sulisorineqaannarnissaat pillugit aammattaaq sulisussarsiornermut toqqaasarnermullu tunngasunik siunnersuineq
  • Sulisoqarneq pillugu Nukissiorfiit pisortaanik, pisortanik aamma aqutsisunik suliffeqarfik tamakkerlugu isumasioqatiginnittarneq.

Tamakku saniatigut Sulisoqarnermut Pisortatut suliffeqarfimmi namminermi aamma avataani suleqatigiissitanut aamma suliniuteqatigiinnut peqataasassaatit, taamatuttaaq Nukissiorfiit sinnerlugit saqqummiussisinnaassaatit suliffeqarfiup avataani pisunut atatillugu. Immikkut piginnaasaqareeruit tamakkut atorneqarsinnaassapput, tassami suliffeqarfimmi ineriartorneq ingerlanneqarmat periarfissaqarluassaaq illit nammineq atorfimmi suliassanut sunniuteqarnissat.

Piginnaasat
Atorfimmut aamma illit iluatsitsinissanut iseriarfissat arlaqarput kisianni pingaarnerpaavoq illit sulisoqarnermut tunngasuni allaffissornikkut misilittagaqarnerit, pisortat suliffeqarfiutaanniusinnaavoq. Tamatumunnga ilanngullugu naatsorsuutigineqarpoq aqutsisutut misilittagaqarnerit aamma illit niuernerpalaarnermut sammisuunerit. Illit pikkoriffigaat sulisuit aamma avatangiisivit kaammattornissat erseqqissumik aqutsineq, angusaqarnissamik, suleqatigiinnermik aamma ilisimatitsisarnikkut peqataatitsinermik pitsaasumik pingaartitsinitit aqqutigalugit. Taakku saniatigut pingaartipparput, illit  

  • Ilinniakkamik tulluartumik tunngaveqarputit aamma sulisoqarnermi allaffissornikkut suliaqarnermik pitsanngorsaanissaq pilerigalugu
  • Tulleriiaarillutit suleriaaseqarputit immikkuualuttut pingaaruteqarnerat ilisimallugu aamma aningaasaqarnermut tunngasunik paasisimasaqarlutit
  • Oqaasiliullaqqissuuvutit oqalunnermi aamma allannermik aammattaaq IT-mik atuisutut piginnaasaqarluarlutit
  • Nutaaliornermik piginnaasaqarlutit niuernermik pitsaasumik isiginnittarlutit.

Tamakkununnga ilanngullugit iluaqutaalluassaaq inuiaqatigiit kalaallit ilisimasaqarfigigukkit oqaatsinillu arlalinnik atuisinnaallutit.

Atorfeqartitaanermi atugassarititaasut
Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassapput. Atorfimmut atatillugu inigisassamik innersuussisoqassaaq. Takuuk www.nukissiorfiit.gl Nukissiorfiit pillugit annertunerusumik paasisaqarniarlutit. Atorfik pillugu apeqqutit pillugit allaffeqarfimmi pisortaq Henning Uldal saaffigineqassaaq telefon (+299) 34 95 00.

Qinnuteqarnissamut kingusinnerpaamik piffissarititaasoq 17. Juli 2017
Qinnuteqaat tassunga ilanngullugit paasissutissat ilinnut tunngassuteqartut (CV) ilinniagaqarsimanermut uppernarsaatit aamma siullermik suliffigisimasanit oqaaseqaatit assilineri mailikkut nassiunneqassapput hr@nukissiorfiit.gl imaluunniit allakkatigut A-tut nassiunneqassapput uunga: Nukissiorfiit, Postboks 1080, 3900 Nuuk