Skip to main content
80

Dette jobopslag er udløbet

Nukissiorfiit IT-mut siunnersortimik immikkut akisussaaffeqartussamik pissarsiorput

IT-mut siunnersortimik immikkut akisussaaffeqartussamik sullisserusussuseqartumik aallussilluartumillu pissarsiorpugut Nuummi qullersaqarfimmi IT-mut immikkoortortaqarfimmi suleqataasussamik. Matumani pineqarpoq atorfik unamminartulik suliffeqarfimmi suliatigut teknikikkut qaffasissumik nuna tamakkerlugu ingerlatsisumi aamma inuiaqatigiinnut annertuumik akisussaassuseqartumi. Nukissiorfiit niuernikkut ineriartortitsinerup pissanganartup qeqqaniipput, tassani pilersinneqarput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatumunnga ilanngullugit ataavartumik nukissamik pilersuinermik ineriartortitseqqinneq aamma pitsanngorsaaneq, imermik pilersuineq ilanngullugu qitiutinneqarlutik ineriartorteqqinneqarput angusarissaarniarluni anguniakkat aamma killiliussatut piumasaqaataasut unamminartut atorlugit. Nukissiorfinni digitaliseriineq ingerlaavartumik aamma anguniagaqarluarluni ineriartortitsineq piffissami aggersumi annertusarneqassaaq. 

Nukissiorfiit IT-mut immikkoortortaqarfiat Kalaallit Nunaanni IT-mik suliffeqarfiit soqutiginarnerpaat ilagivaat, tassani suliffeqarfiup nuna tamakkerlugu nioqqutissiornerani ingerlatsineranilu atorneqarput ilaatigut AX (Xellent), Windows servere, MS Office, HP SAN/servere, VmWare, Citrix, Cisco, MSSQL, Aastra, SysAid helpdesk, ArcGIS aamma SCADA/SRO. Immikkoortortaqarfimmi pingaartinneqarput atortutut tamarmik ingerlatsinneqarnissaat eqaatsumik pitsaasumillu IT-mi suliaqarnermi ikiuisarnikut, qinnuteqartumullu tulluartumut suliatigut aamma inuttut atorfimmi ineriartornissamut periarfissaqarluarpoq.

Atorfik
IT-mut siunnersortitut immikkut akisussaaffeqartussatut illit suliassatit pingaarnerit tassaapput serveritsinnik aamma atortunik Xellentimut atasunik pitsaasumik ingerlatsineq, aammattaaq IT-mut immikkoortortaqarfimmi sulisunik allanik isummersoqateqartarneq, taamatuttaaq immikkoortortaqarfimmi ulluinnarni suliassanik allanik suliaqarnermi suleqataaneq, Nukissiorfiit IT-mut atortuinik aserfallatsaaliinermi. Atorfimmi suliassanut pingaarnernut ilaapput: 

  • Atortunik Xellentimut atasunik ingerlatsineq aserfallatsaaliinerlu
  • MSSQL databasenik ingerlatsineq aserfallatsaaliuinerlu
  • Windows 2008R2/2012R2 serverinik ingerlatsineq aserfallatsaaliuinerlu

Tulliunneqartut:

  • AD aamma VMWare-mut atasunik ataatsimoortumik ikiuisarneq
  • Atortutsinnik Citrix-farm aamma NUC-klientinik ataatsimoortumik ikiuisarneq
  • Atortutsinnik NukiDoc, Alfresco ESDH-imut atortunik ataatsimoortumik ikiuisarneq
  • IT-mut immikkoortortaqarfimmi suliassanik suliarinnittarnermini ineriartortitsineranut ingerlasumut peqataaneq

IT-mut tunngatillugu immikkut piginnaasaqaruit tamakkut atorneqarsinnaassapput, tassami immikkoortortaqarfimmi ineriartornermut periutsini pitsaasunik periarfissaqassammat illit nammineq atorfimmi suliassanut sunniuteqarsinnaanerit.

Piginnaasat
Atorfimmut aamma illit iluatsitsinissannut periarfissat arlaqarput, kisianni aallaaviuvoq illit IT-mik ingerlatsinermi annertuumik misilittagaqarnissat. Tamatumunnga ilanngullugu piumasaqaataavoq illit arlalinnik oqaatsinik atuisuunerit kalaallisut aamma danskisut, tamakkununnga ilanngullugit pingaartipparput illit tassaasutit:

  • Tulluartumik ilinniagaqarsimasoq aamma pilerigalugu IT-mik ingerlatsinerup pitsanngorsarneqarnissaanut peqataanissat
  • Ilisimasaqarfigilluarlugit IT-mut tunngatillugu arkitektur, applikationer, netværk aamma aqqutit aammattaaq helpdesk aamma suliassanik aqutsineq
  • Tulleriiaagaalluartumik suleriaaseqartuusutit ilisimallugit immikkuualuttut pingaaruteqarnerat aamma IT-mik ataatsimoortumik takunnissinnaanermut killiliussat iluanni
  • Oqaluttarnerni oqallorissuusutit aamma allakkiornermi allallaqqissuusutit aammattaaq paasisimalluarlugu uppernarsaasersuinerup pingaaruteqassusia 
  • Suliassat naammassineqarnissaannut pikkorissuseqartuusutit tunniutiinnajanngitsuusutillu, – aammattaaq suliassat oqimaassinnaasut naammattooraluarukkilluunniit

Tamatumunnga ilanngullugit pikkoriffigaatit pisuni ulapiffiusuni qitiutitsisinnaaneq aamma ilisimasanik ingerlatitseqqinnissaq avatangiisinniittut anguniagaqarluarlutit suleqatigisinnaallugit.

Atorfeqartitaanermi atugassarititaasut paasissutissallu sukumiinerusut
Akissarsiat aamma atorfeqartitaanermi atugassarititaasut Naalakkersuisut aamma kattuffiup attuumassuteqarfigisap akornanni isumaqatigiissutit tunngavigalugit ingerlanneqassapput. Atorfimmut atatillugu inissamik innersuussisoqarsinnaanngilaq. Takuuk www.nukissiorfiit.gl Nukissiorfiit pillugit annertunerusumik paasisaqarniaruit, tassa paasissutissat sukumiinerusut atorfimmut tunngasut pissarsiarineqarsinnaapput IT-mut pisortaq Gunnar Alu Petrussen uani gap@nukissiorfiit.gl imaluunniit tlf. nr. (+299) 34 95 30.

Kingusinnerpaamik qinnuteqaateqarfissaq tassaavoq 25. septembari 2017
Qinnuteqaat paasissutissat imminnut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit e-mail aqqutigalugu nassiunneqassapput uunga: hr@nukissiorfiit.gl imaluunniit allakkatigut A-tut uunga: Nukissiorfiit, Postboks 1080, 3900 Nuuk.