Skip to main content
88

Dette jobopslag er udløbet

Illit Nuummi Qullersaqarfimmi Suliniutinut Aqutsisortaarissavatsigit

Nukissiorfiit Suliniutinut Allaffiat suliniutinut aqutsisumik piginnaasaqartumik pissarsiorput, taanna aningaasaqarneq, inatsisit, teknikki aamma aqutsineq apeqqutaatinnagit suliaqarsinnaassaaq.

Nukissiorfiit sanaartornermi suliniutinik suliassanik annertuuneq peqarpoq, tassuuna qulakkeerneqassapput atortutsinnik nutarterinerit/taarsersuinerit, tamatumunnga ilaallutik nuna tamakkerlugu pilersuinissamut pitsaasumik qulakkeerinninneq. Sanaartornermi suliniutinut assigiinngiiaartuupput innaallagissamut ledninginut aqqutinit, imermut aamma kiassaanermut, innaallagissiorfinnut kiassaateqarfiutigisunut, imermik nukissiorfinnut aamma imeqarfinnut, taakkununngalu ilaapput nutarterilluni iluarsaassinerit nutaanik sanatitsinerit aamma sanaartorfigissaanerit. Tamakku saniatigut suliniutit ataqatigiissaarneqassapput pisortat suleqatigineqarnerannut aamma inuiaqatigiit aningaasaqarnerannut tunngatillugu.    

Suleqatissarsiorpugut makkuninnga piginnaasaqartumik:

  • Teknikkimut tunngasumik ingeniøritut imaluunniit assingusumik ilinniarsimasumik
  • Suliniutinut tunngasumik aqutsisutut ilinniarsimasumik/akuersissuteqartumik
  • Teknikkimik paasisimasaqartumik aamma suliniutinik aqutsinermik misilittagalimmik
  • Aningaasaqarnermut aqutsinermik soqutigisaqartumik
  • Pitsaasumik attaveqaqatigiinnermik paasissutissanik ingerlatitseqqinnermik piginnaasaqartumik
  • Ataqatigiissaarinermut piginnaanilimmik aamma ataatsimoortumik isiginnissinnaasumik

Iluaqutaassaaq AP95, sanaartortitsinermi inatsisit, siunnersuisartutut aqutsineq aamma ataatsimoortumik pilersuinermi atortut misilittagaqarfigalugit.

Suliniutinut allaffimmi suliniutinut aqutsisup ataani atorfinitsinneqassaatit. Suliniutinut ataatillugu suliaqarnermi aqutsisumut, taakkua akuttunngitsumik tassaasarput najukkami nunap immikkoortuani pisortaq (sinerissami illoqarfinni anginerusunik tallimani agguarsimasut) akisussaassuseqartassaatit. Illit ulluinnarni suliniutini suleqatigiinnik, Kalaallit Nunaat tamakkerlugu sulisunik ilaqartartunik, sammisaqartassaatit aqutsisuullutillu. Tamatumunnga ilanngullugit isumagisassavatit suliniutinut tunngatillugu aaqqissuussinerit pisariaqartut aamma aalajangersaanissamut tunngavigineqartussat.

Neqeroorutigisinnaavavut

  • Suliffeqarfik pikkorissuseqarnermik malunnaatilik pimoorussilluartumillu suliffeqarfittut kulturilik.
  • Atorfik pissanganartoq, annertuumik nammineq aalajangiisinnaassuseqarlunilu ulluinnarni sulianut sunniuteqarnissamut periarfissaqartoq.
  • Sullivimmi avatangiisit eqeersimaarfiusut, tassani illit inuttut aamma suliannut ineriartornissamut periarfissinneqassaatit.
  • Ataatsimoorneq pitsaasoq, sulinissamut nuannarisaqarnissatsinnik qitiutitsiffiusoq.

Atorfeqartitaanermi atugassarititaasut
Akissarsiat aamma atorfeqartitaanermi atugassarititaasut, tamatumunnga ilanngullugit atorfinitsinneqarnermut atatillugu angalasinnaatitaanermut aamma pequtit assartorneqarnissaannut pisinnaatitaaffiit Kalaallit Nunaanni Naalakkersuisut aamma pineqartup kattuffiata isumaqatigiinniarsinnaatitaasup akornanni isumaqatigiissutit atuuttut tunngavigalugit ingerlanneqassapput.

Atorfimmut atatillugu inissamik innersuussisoqarsinnaanngilaq.

Qinnuteqaateqartoq Namminersorlutik Oqartussat aqqutigalugit atorfeqarnerminut atatillugu inissamik innersuussivigineqareersimaguni, taava atorfimmut atatillugu inissamut innersuunneqarsimasumut pisinnaatitaaffini pigiinnassavai. Atorfinitsinneqarnermut atatillugu akiliunneqarneq aamma pequtit assartorneqarnerat inoqutigiinnut tamanut suliffeqarfimmit aningaasartuutigineqassapput, taamatuttaaq soraarnermut atatillugu akiliunneqarluni angalaneq aamma pequtit assartorneqarnerat.

Atorfik pillugu paasissutissat annertunerusut pillugit saaffiginniffissaq tassaavoq:

suliniutinut pisortaq Ole Ziemer, mailikkut: olzi@nukissiorfiit.gl imaluunniit telefon: (+299) 34 95 80/ (+299) 55 88 80. Apeqqutit nalinginnaanerusut pillugit Sulisoqarnermut Immikkoortortaqarfik saaffigineqassaaq mailikkut: HR@nukissiorfiit.gl imaluunniit telefon: (+299) 34 95 00. 

Qinnuteqaat paasissutissat namminermut tunngasut (CV), ilinniagaqarsimanermut allagartat aamma oqaaseqaatit assilineri ilanngullugit mailikkut HR@nukissiorfiit.gl, taanna uagutsinnit kingusinnerpaamik tiguneqassalluni Sisamanngorneq 23. Marts 2017

Inussiarnersumik qinnuigineqarputit sulisussarsiorluni allagarsiussaq sumi takusimanerlugu.

Nukissiorfiit pillugit paasissutissat sukumiinerusut, takuuk: www.nukissiorfiit.gl.