Skip to main content
113

Dette jobopslag er udløbet

ALLAGARSIUTEQQITAQ – Nanortalimmi innaallagisserisoq

Nunap immikkoortuani Kujallermi, Nanortalimmi, Nukissiorfiit Innaallagissamik Siaruarterinermi aqqutinik ingerlatsinermut aamma aserfallatsaaliuisarnermut innaallagisserisumik pissarsiorput. Innaallagisserisoq sulisut allat peqatigalugit, Innaallagissamik Siaruarterinermi aqqutinik ingerlatsinermut, pitsanngorsaanermut aamma ineriartortitsinermut peqataassaaq, kiisalu Nanortalimmi immikkoortullu akimorlugit, suleqatigiinni suleqatigiilluarnissaq anguniarlugu iliuuseqarsinnaassalluni. Innaallagisserisup qaninnerpaamik akisussaaffigisassaa tassaavoq Nanortalimmi Innaallagissamik Siaruarterinermut suleqatigiinni aqutsineq. Innaallagisserisoq Nanortalimmi najugaqartuussaaq.

 

Suliassat aamma akisussaaffiit
Suliffimmi ingerlatseriaatsit ingerlaavartumik ineriartortinneqarnissaat malinneqarnissaallu innaallagisserisup peqataaffigissavai, inatsisillu atuuttut sutigut tamatigut eqqortinneqarnissaat naammassissallugu.

Innaallagialerisup makku suliassarai:

  • Innaallagissamik Siaruarterinermi aqqutit aamma transformerstationit aserfallatsaaliorneqartarnissaat.
  • Innaallagissamut, imermut aamma kiassaateqarfinni innaallagissamut ikkussukkat aserfallatsaaliorneqartarnissaat.
  • Illoqarfimmi aqqusinerni qullersuit aserfallatsaaliorneqartarnissaat
  • Innaallagissamut tunngasut suliarigasuagassat assigiinngitsut.
  • Atuinermik atuaasarnerit, uuttuutinik qamitsineq/ikitsineq
  • Uuttuutinik nalunaarsuineq, kiisalu ikkussuineq piiaanerlu.
  • Linieafdelingimut ingerlatsinermi kisitsisinik nalunaarusiortarneq.
  • Sanaartortitsinermi kisitsisitigut paasissutissanik aamma Arcgis-imi uppernarsaatinik linieafdelingimut nalunaarusiortarneq. 

 

Sulilersussap piginnaasaqarfissai:

  • Pisariaqartitsinikkut pigaartuusarnermi peqataasinnaasoq
  • Koblingsperson-itut ilinniartitaanermik angusaqarnissaq, koblingsleder-itut ilinniagaqarsimasuusinnaavoq
  • Suleqatiginnikkusulluartoq
  • Tatiginartoq aalajaatsorlu
  • Nammineersinnaasoq aamma aaqqissuulluakkamik suliaqarsinnaasoq.

 

Neqeroorutigisinnaavavut:

  • Suliffik pissanganartoq akisussaaffimmik nassatalik, kiisalu uummaarissumik suleqatigiittut suleqatigiinneq
  • Sullivimmi avatangiisit isumassarsinarlutillu pitsaasut suliassanut sukumiisumik ilisarititsisoqarnissamut ilitsersorneqarnissamullu periarfissaqarfiusut
  • Suliffik ineriartortoq, inuttut aamma suliatigut ineriartornissamut pitsaasunik periarfissaqartitsisoq.

 

Atorfeqartitaanermi atugassarititaasut
Akissarsiaqartitsineq aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup attuumassuteqarfigisap akornanni isumaqatigiissutaat atuuttut tunngavigalugit ingerlanneqassapput.

Sapinngisamik piaartumik atorfinitsitsisoqassaaq.

 

Atorfimmut atatillugu inissaqartitsisoqarsinnaavoq malittarisassat atuuttut malillugit.

 

 

Atorfik pillugu paasissutissat sukumiinerusut:
Ingerlatsinermi akisussaasoq, suleqatigiinni aqutsisoq Erling Lorentsen ELO@nukissiorfiit.gl tlf: 52 34 04. Apeqqutit siammasinnerusut Hr-imut apeqqutigineqassapput: hr@nukissiorfiit.gl

 

Qinnuteqaat, CV, ilinniarsimanermik uppernarsaatit innersuussinerillu allakkatigut uunga nassiunneqarsinnaapput:

 

Nukissiorfiit
Postboks 1080
3900 Nuuk
Mail hr@nukissiorfiit.gl

 

Qinnuteqarnissamut killigititaq: 15. februar 2018